# Tobit · 12

> https://missale.online/biblia/nl/tob/12

## Verzen

[↗](https://missale.online/biblia/nl/tob/12#text-738a397ca42f89be3041)

**Latijn**

Tunc vocavit ad se Tobias filium suum, dixitque ei : Quid possumus dare viro isti sancto, qui venit tecum ?

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-a431dc21500084281aad)

**Latijn**

Respondens Tobias, dixit patri suo : Pater, quam mercedem dabimus ei ? aut quid dignum poterit esse beneficiis ejus ?

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-51d615e65f2b8ce7b8f8)

**Latijn**

Me duxit et reduxit sanum, pecuniam a Gabelo ipse recepit, uxorem ipse me habere fecit, et dæmonium ab ea ipse compescuit : gaudium parentibus ejus fecit, meipsum a devoratione piscis eripuit, te quoque videre fecit lumen cæli, et bonis omnibus per eum repleti sumus. Quid illi ad hæc poterimus dignum dare ?

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-5d4da59ebdbb384b8c9f)

**Latijn**

Sed peto te, pater mi, ut roges eum, si forte dignabitur medietatem de omnibus quæ allata sunt, sibi assumere.

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-c9a99567837d7d8a5257)

**Latijn**

Et vocantes eum, pater scilicet et filius, tulerunt eum in partem : et rogare cœperunt ut dignaretur dimidiam partem omnium quæ attulerant acceptam habere.

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-db8941e9bfe92ba71d70)

**Latijn**

Tunc dixit eis occulte : Benedicite Deum cæli, et coram omnibus viventibus confitemini ei, quia fecit vobiscum misericordiam suam.

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-d18c4bffa042bddf03b6)

**Latijn**

Etenim sacramentum regis abscondere bonum est : opera autem Dei revelare et confiteri honorificum est.

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-280b739fac2695c16a42)

**Latijn**

Bona est oratio cum jejunio, et eleemosyna magis quam thesauros auri recondere :

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-3dd53cfa29a281509a99)

**Latijn**

quoniam eleemosyna a morte liberat, et ipsa est quæ purgat peccata, et facit invenire misericordiam et viam æternam.

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-c297fce5deb3b72375f2)

**Latijn**

Qui autem faciunt peccatum et iniquitatem, hostes sunt animæ suæ.

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-44b28169590526f68717)

**Latijn**

Manifesto ergo vobis veritatem, et non abscondam a vobis occultum sermonem.

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-40022955d80a097e447c)

**Latijn**

Quando orabas cum lacrimis, et sepeliebas mortuos, et derelinquebas prandium tuum, et mortuos abscondebas per diem in domo tua, et nocte sepeliebas eos, ego obtuli orationem tuam Domino.

**Nederlands**

Voor deze passage is nog geen vertaling vrijgegeven.

[↗](https://missale.online/biblia/nl/tob/12#text-9cddad593f73adeac016)

**Latijn**

Et quia acceptus eras Deo, necesse fuit ut tentatio probaret te.

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-77f0bcf628a6b2c6b32a)

**Latijn**

Et nunc misit me Dominus ut curarem te, et Saram uxorem filii tui a dæmonio liberarem.

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-e93f4ea4f81375c9a221)

**Latijn**

Ego enim sum Raphaël angelus, unus ex septem qui adstamus ante Dominum.

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-ad0dbb7caa8136e57bff)

**Latijn**

Cumque hæc audissent, turbati sunt, et trementes ceciderunt super terram in faciem suam.

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-a344e3eeceed7e93233c)

**Latijn**

Dixitque eis angelus : Pax vobis : nolite timere.

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-292f98d53276b7e92ddb)

**Latijn**

Etenim cum essem vobiscum, per voluntatem Dei eram : ipsum benedicite, et cantate illi.

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-ea8c03b9efa00fc49552)

**Latijn**

Videbar quidem vobiscum manducare et bibere : sed ego cibo invisibili, et potu qui ab hominibus videri non potest, utor.

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-0b9188f9827bc9369014)

**Latijn**

Tempus est ergo ut revertar ad eum qui me misit : vos autem benedicite Deum, et narrate omnia mirabilia ejus.

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-4a377fb8b3ab2ddc2997)

**Latijn**

Et cum hæc dixisset, ab aspectu eorum ablatus est, et ultra eum videre non potuerunt.

**Nederlands**

Deze passage is nog niet vertaald.

[↗](https://missale.online/biblia/nl/tob/12#text-558828010cd7e67a3b8c)

**Latijn**

Tunc prostrati per horas tres in faciem, benedixerunt Deum : et exsurgentes narraverunt omnia mirabilia ejus.

**Nederlands**

Deze passage is nog niet vertaald.