# Common of Several Virgins and Martyrs

> https://missale.online/proprium/en/commune/commune_plurium_virginum_martyrum

## Entrance

[↗](https://missale.online/proprium/en/commune/commune_plurium_virginum_martyrum#text-cf978257e800f3d32218)

**Latin**

Me exspectavérunt peccatóres, ut pérderent me: testimónia tua, Dómine, intelléxi: omnis consummatiónis vidi finem: latum mandátum tuum nimis.

**English**

This passage has not yet been translated.

[↗](https://missale.online/proprium/en/commune/commune_plurium_virginum_martyrum#text-b426594fbe705fa6d01d)

**Latin**

Beáti immaculáti in via: qui ámbulant in lege Dómini.

**English**

Happy are they whose way is blameless, who walk in the law of the Lord.

[↗](https://missale.online/proprium/en/commune/commune_plurium_virginum_martyrum#text-5ebe71ffac5b9d221578)

**Latin**

Glória Patri, et Fílio, et Spirítui Sancto. Sicut erat in princípio, et nunc, et semper, et in sǽcula sæculórum. ℟. Amen.

**English**

Glory be to the Father, and to the Son, and to the Holy Spirit. As it was in the beginning, is now, and ever shall be, world without end. ℟. Amen.

[↗](https://missale.online/proprium/en/commune/commune_plurium_virginum_martyrum#text-599db5a00a310feea58b)

**Latin**

Me exspectavérunt peccatóres, ut pérderent me: testimónia tua, Dómine, intelléxi: omnis consummatiónis vidi finem: latum mandátum tuum nimis.

**English**

This passage has not yet been translated.

## Collect

[↗](https://missale.online/proprium/en/commune/commune_plurium_virginum_martyrum#text-9244661ff8ef34851e07)

**Latin**

Da nobis, quǽsumus, Dómine Deus noster, sanctárum Vírginum et Mártyrum tuárum N. et N. palmas incessábili devotióne venerári: ut quas digna mente non póssumus celebráre, humílibus saltem frequentémus obséquiis.

**English**

This passage has not yet been translated.

[↗](https://missale.online/proprium/en/commune/commune_plurium_virginum_martyrum#text-d6eeb15c14c3445b96af)

**Latin**

Per Dóminum nostrum Jesum Christum, Fílium tuum: qui tecum vivit et regnat in unitáte Spíritus Sancti Deus, per ómnia sǽcula sæculórum.

**English**

Through our Lord Jesus Christ, your Son, who lives and reigns with you in the unity of the Holy Spirit, God, for ever and ever.

[↗](https://missale.online/proprium/en/commune/commune_plurium_virginum_martyrum#text-7df35b7baf3534f4672f)

**Latin**

Amen.

**English**

Amen.

## Reading

[↗](https://missale.online/proprium/en/commune/commune_plurium_virginum_martyrum#text-eace53fea9ec26698608)

**Latin**

Léctio Epístolæ beáti Pauli Apóstoli ad Corínthios

Fratres: De virgínibus præcéptum Dómini non hábeo: consílium autem do, tamquam misericórdiam consecútus a Dómino, ut sim fidélis. Exístimo ergo hoc bonum esse propter instántem necessitátem, quóniam bonum est hómini sic esse. Alligátus es uxóri? noli quǽrere solutiónem. Solútus es ab uxóre? noli quǽrere uxórem. Si autem accéperis uxórem, non peccásti. Et si núpserit virgo, non peccávit: tribulatiónem tamen carnis habébunt hujúsmodi. Ego autem vobis parco. Hoc ítaque dico, fratres: Tempus breve est: réliquum est, ut, et qui habent uxóres, tamquam non habéntes sint; et qui flent, tamquam non flentes; et qui gaudent, tamquam non gaudéntes; et qui emunt, tamquam non possidéntes; et qui utúntur hoc mundo, tamquam non utántur; prǽterit enim figúra hujus mundi. Volo autem vos sine sollicitúdine esse. Qui sine uxóre est, sollícitus est, quæ Dómini sunt, quómodo pláceat Deo. Qui autem cum uxóre est, sollícitus est, quæ sunt mundi, quómodo pláceat uxóri, et divísus est. Et múlier innúpta et virgo cógitat, quæ Dómini sunt, ut sit sancta córpore et spíritu: in Christo Jesu, Dómino nostro.

**English**

This passage has not yet been translated.

## Graduale

[↗](https://missale.online/proprium/en/commune/commune_plurium_virginum_martyrum#text-0cca5c0fea86034d50e3)

**Latin**

Adiuvabit eam Deus vultu suo: Deus in medio eius, non commovebitur. ℣. Fluminis impetus lætificat civitatem Dei: sanctificavit tabernaculum suum Altissimus.


**English**

This passage has not yet been translated.

## Alleluia

[↗](https://missale.online/proprium/en/commune/commune_plurium_virginum_martyrum#text-a46cca421c14b1c92e13)

**Latin**

Alleluia, alleluia. ℣. Hæc est virgo sapiens, et una de numero prudentum. Alleluia.


**English**

This passage has not yet been translated.

## Alleluia in Eastertide

[↗](https://missale.online/proprium/en/commune/commune_plurium_virginum_martyrum#text-8f67476eaa14cb72fbe8)

**Latin**

Allelúja, allelúja.

℣. Hæc est Virgo sápiens, et una de número prudéntum. Allelúja.

O quam pulchra est casta generátio cum claritáte! Allelúja.

**English**

This passage has not yet been translated.

## Tract

[↗](https://missale.online/proprium/en/commune/commune_plurium_virginum_martyrum#text-b259aa84c3185cccb938)

**Latin**

Veni, Sponsa Christi, áccipe corónam, quam tibi Dóminus præparávit in ætérnum: pro cujus amóre sánguinem tuum fudísti

Dilexísti justítiam, et odísti iniquitátem proptérea unxit te Deus, Deus tuus, óleo lætítiæ præ consórtibus tuis.

℣. Spécie tua et pulchritúdine tua inténde, próspere procéde et regna.

**English**

This passage has not yet been translated.

## Gospel

[↗](https://missale.online/proprium/en/commune/commune_plurium_virginum_martyrum#text-1d015bf797a72f6eca54)

**Latin**

Sequéntia † sancti Evangélii secúndum Matthǽum.

**English**

Continuation of the holy Gospel according to Matthew.

[↗](https://missale.online/proprium/en/commune/commune_plurium_virginum_martyrum#text-cd2da00d2683175d6f1b)

**Latin**

In illo témpore: Accessérunt ad Jesum pharisǽi, tentántes eum et dicéntes: Si licet hómini dimíttere uxórem suam quacúmque ex causa? Qui respóndens, ait eis: Non legístis, quia, qui fecit hóminem ab inítio, másculum et féminam fecit eos? et dixit: Propter hoc dimíttet homo patrem, et matrem, et adhærébit uxóri suæ, et erunt duo in carne una. Itaque jam non sunt duo, sed una caro. Quod ergo Deus conjúnxit, homo non séparet. Dicunt illi: Quid ergo Móyses mandávit dare libéllum repúdii, et dimíttere? Ait illis: Quóniam Móyses ad durítiam cordis vestri permísit vobis dimíttere uxóres vestras: ab inítio autem non fuit sic. Dico autem vobis, quia, quicúmque dimíserit uxórem suam, nisi ob fornicatiónem, et áliam dúxerit, mœchátur: et qui dimíssam dúxerit, mœchátur. Dicunt ei discípuli ejus: Si ita est causa hóminis cum uxóre, non expédit núbere. Qui dixit illis: Non omnes cápiunt verbum istud, sed quibus datum est. Sunt enim eunúchi, qui de matris útero sic nati sunt; et sunt eunúchi, qui facti sunt ab homínibus; et sunt eunúchi, qui seípsos castravérunt propter regnum cœlórum. Qui potest cápere, cápiat.

**English**

This passage has not yet been translated.

## Offertory

[↗](https://missale.online/proprium/en/commune/commune_plurium_virginum_martyrum#text-742d0951e44bee7b8c5d)

**Latin**

Diffúsa est grátia in lábiis tuis: proptérea benedíxit te Deus in ætérnum, et in sǽculum sǽculi. (Allelúja.)

**English**

This passage has not yet been translated.

## Secret

[↗](https://missale.online/proprium/en/commune/commune_plurium_virginum_martyrum#text-2d49eb0025350c5c9cb1)

**Latin**

Inténde, quǽsumus, Dómine, múnera altáribus tuis pro sanctárum Vírginum et Mártyrum tuárum N. et N. festivitáte propósita: ut, sicut per hæc beáta mystéria illis glóriam contulísti; ita nobis indulgéntiam largiáris.

**English**

This passage has not yet been translated.

[↗](https://missale.online/proprium/en/commune/commune_plurium_virginum_martyrum#text-6e44cf0074ea3249f67e)

**Latin**

Per Dóminum nostrum Jesum Christum, Fílium tuum: qui tecum vivit et regnat in unitáte Spíritus Sancti Deus, per ómnia sǽcula sæculórum.

**English**

Through our Lord Jesus Christ, your Son, who lives and reigns with you in the unity of the Holy Spirit, God, for ever and ever.

[↗](https://missale.online/proprium/en/commune/commune_plurium_virginum_martyrum#text-e9c815287d606dc2aa3d)

**Latin**

Amen.

**English**

Amen.

## Communion

[↗](https://missale.online/proprium/en/commune/commune_plurium_virginum_martyrum#text-de0bc3d37673b11f8fde)

**Latin**

Feci judícium et justítiam, Dómine, non calumniéntur mihi supérbi: ad ómnia mandáta tua dirigébar, omnem viam iniquitátis ódio hábui. (Allelúja.)

**English**

This passage has not yet been translated.

## Postcommunion

[↗](https://missale.online/proprium/en/commune/commune_plurium_virginum_martyrum#text-21c83a9b17c0b9c11477)

**Latin**

Præsta nobis, quǽsumus, Dómine, intercedéntibus sanctis Virgínibus et Martýribus tuis N. et N.: ut, quod ore contíngimus, pura mente capiámus.

**English**

Lord, we pray that, through the intercession of your holy Virgins and Martyrs N. and N., we may receive with a pure mind what we touch with our lips.

[↗](https://missale.online/proprium/en/commune/commune_plurium_virginum_martyrum#text-798e50347fd8e327a359)

**Latin**

Per Dóminum nostrum Jesum Christum, Fílium tuum: qui tecum vivit et regnat in unitáte Spíritus Sancti Deus, per ómnia sǽcula sæculórum.

**English**

Through our Lord Jesus Christ, your Son, who lives and reigns with you in the unity of the Holy Spirit, God, for ever and ever.

[↗](https://missale.online/proprium/en/commune/commune_plurium_virginum_martyrum#text-a4f6ac154ebeb9818615)

**Latin**

Amen.

**English**

Amen.