# Mass for the Dead (Officium Defunctorum)

> https://missale.online/proprium/en/commune/officium_defunctorum

## Entrance

[↗](https://missale.online/proprium/en/commune/officium_defunctorum#text-cf978257e800f3d32218)

**Latin**

Réquiem ætérnam dona eis, Dómine: et lux perpétua lúceat eis.

**English**

This passage has not yet been translated.

[↗](https://missale.online/proprium/en/commune/officium_defunctorum#text-b426594fbe705fa6d01d)

**Latin**

Te decet hymnus, Deus, in Sion, et tibi reddétur votum in Jerúsalem: exáudi oratiónem meam, ad te omnis caro véniet.

**English**

This passage has not yet been translated.

[↗](https://missale.online/proprium/en/commune/officium_defunctorum#text-5ebe71ffac5b9d221578)

**Latin**

Glória Patri, et Fílio, et Spirítui Sancto. Sicut erat in princípio, et nunc, et semper, et in sǽcula sæculórum. ℟. Amen.

**English**

Glory be to the Father, and to the Son, and to the Holy Spirit. As it was in the beginning, is now, and ever shall be, world without end. ℟. Amen.

[↗](https://missale.online/proprium/en/commune/officium_defunctorum#text-599db5a00a310feea58b)

**Latin**

Réquiem ætérnam dona eis, Dómine: et lux perpétua lúceat eis.

**English**

This passage has not yet been translated.

## Collect

[↗](https://missale.online/proprium/en/commune/officium_defunctorum#text-9244661ff8ef34851e07)

**Latin**

Fidelium, Deus, omnium conditor et redemptor: animabus famulorum, famularumque tuarum remissionem cunctorum tribue peccatorum; ut indulgentiam, quam semper optaverunt, piis supplicationibus consequantur: 

**English**

This passage has not yet been translated.

[↗](https://missale.online/proprium/en/commune/officium_defunctorum#text-d6eeb15c14c3445b96af)

**Latin**

Qui vivis et regnas cum Deo Patre in unitáte Spíritus Sancti Deus, per ómnia sǽcula sæculórum.

**English**

You who live and reign with God the Father in the unity of the Holy Spirit, God, for ever and ever.

[↗](https://missale.online/proprium/en/commune/officium_defunctorum#text-7df35b7baf3534f4672f)

**Latin**

Amen.

**English**

Amen.

## Reading

[↗](https://missale.online/proprium/en/commune/officium_defunctorum#text-eace53fea9ec26698608)

**Latin**

Léctio libri Apocalýpsis beáti Joánnis Apóstoli

In diébus illis: Audívi vocem de cœlo, dicéntem mihi: Scribe: Beáti mórtui, qui in Dómino moriúntur. Amodo jam dicit Spíritus, ut requiéscant a labóribus suis: ópera enim illórum sequúntur illos.

**English**

This passage has not yet been translated.

## Graduale

[↗](https://missale.online/proprium/en/commune/officium_defunctorum#text-0cca5c0fea86034d50e3)

**Latin**

Réquiem ætérnam dona eis, Dómine: et lux perpétua lúceat eis.

℣. In memória ætérna erit justus: ab auditióne mala non timébit.

Absólve, Dómine, ánimas ómnium fidélium defunctórum ab omni vínculo delictórum.

℣. Et grátia tua illis succurrénte, mereántur evádere judícium ultiónis.

℣. Et lucis ætérnæ beatitúdine pérfrui.

**English**

This passage has not yet been translated.

## Sequence

[↗](https://missale.online/proprium/en/commune/officium_defunctorum#text-f3e18e395bcf5c53e45a)

**Latin**

Dies iræ, dies illa

Solvet sæclum in favílla:

Teste David cum Sibýlla.

Quantus tremor est futúrus,

Quando judex est ventúrus,

Cuncta stricte discussúrus!

Tuba mirum spargens sonum

Per sepúlcra regiónum,

Coget omnes ante thronum.

Mors stupébit et natúra,

Cum resúrget creatúra,

Judicánti responsúra.

Liber scriptus proferétur,

In quo totum continétur,

Unde mundus judicétur.

Judex ergo cum sedébit,

Quidquid latet, apparébit:

Nil inúltum remanébit.

Quid sum miser tunc dictúrus?

Quem patrónum rogatúrus,

Cum vix justus sit secúrus?

Rex treméndæ majestátis,

Qui salvándos salvas gratis,

Salva me, fons pietátis.

Recordáre, Jesu pie,

Quod sum causa tuæ viæ:

Ne me perdas illa die.

Quærens me, sedísti lassus:

Redemísti Crucem passus:

Tantus labor non sit cassus.

Juste judex ultiónis,

Donum fac remissiónis

Ante diem ratiónis.

Ingemísco, tamquam reus:

Culpa rubet vultus meus:

Supplicánti parce, Deus.

Qui Maríam absolvísti,

Et latrónem exaudísti,

Mihi quoque spem dedísti.

Preces meæ non sunt dignæ:

Sed tu bonus fac benígne,

Ne perénni cremer igne.

Inter oves locum præsta,

Et ab hœdis me sequéstra,

Státuens in parte dextra.

Confutátis maledíctis,

Flammis ácribus addíctis:

Voca me cum benedíctis.

Oro supplex et acclínis,

Cor contrítum quasi cinis:

Gere curam mei finis.

Lacrimósa dies illa,

Qua resúrget ex favílla

Judicándus homo reus.

Huic ergo parce, Deus:

Pie Jesu Dómine,

Dona eis réquiem.

Amen.

**English**

This passage has not yet been translated.

## Gospel

[↗](https://missale.online/proprium/en/commune/officium_defunctorum#text-1d015bf797a72f6eca54)

**Latin**

Sequéntia † sancti Evangélii secúndum Joánnem.

**English**

Continuation of the holy Gospel according to John.

[↗](https://missale.online/proprium/en/commune/officium_defunctorum#text-cd2da00d2683175d6f1b)

**Latin**

In illo témpore: Dixit Jesus turbis Judæórum: Ego sum panis vivus, qui de cœlo descéndi. Si quis manducáverit ex hoc pane, vivet in ætérnum: et panis, quem ego dabo, caro mea est pro mundi vita. Litigábant ergo Judǽi ad ínvicem, dicéntes: Quómodo potest hic nobis carnem suam dare ad manducándum? Dixit ergo eis Jesus: Amen, amen, dico vobis: nisi manducavéritis carnem Fílii hóminis et bibéritis ejus sánguinem, non habébitis vitam in vobis. Qui mánducat meam carnem et bibit meum sánguinem, habet vitam ætérnam: et ego resuscitábo eum in novíssimo die.

**English**

This passage has not yet been translated.

## Offertory

[↗](https://missale.online/proprium/en/commune/officium_defunctorum#text-742d0951e44bee7b8c5d)

**Latin**

Dómine Jesu Christe, Rex glóriæ, líbera ánimas ómnium fidélium defunctórum de pœnis inférni et de profúndo lacu: líbera eas de ore leónis, ne absórbeat eas tártarus, ne cadant in obscúrum: sed sígnifer sanctus Míchaël repræséntet eas in lucem sanctam:

* Quam olim Abrahæ promisísti et sémini ejus.

Hóstias et preces tibi, Dómine, laudis offérimus: tu súscipe pro animábus illis, quarum hódie memóriam fácimus: fac eas, Dómine, de morte transíre ad vitam.

* Quam olim Abrahæ promisísti et sémini ejus.

**English**

This passage has not yet been translated.

## Secret

[↗](https://missale.online/proprium/en/commune/officium_defunctorum#text-2d49eb0025350c5c9cb1)

**Latin**

Hóstias, quǽsumus, Dómine, quas tibi pro animábus famulórum famularúmque tuárum offérimus, propitiátus inténde: ut, quibus fídei christiánæ méritum contulísti, dones et prǽmium.

**English**

Look with mercy, we beseech You, O Lord, upon the sacrificial gifts we offer for the souls of Your servants and handmaids, so that, to those upon whom You conferred the merits of Christian faith, You will also grant its reward.

[↗](https://missale.online/proprium/en/commune/officium_defunctorum#text-6e44cf0074ea3249f67e)

**Latin**

Per Dóminum nostrum Jesum Christum, Fílium tuum: qui tecum vivit et regnat in unitáte Spíritus Sancti Deus, per ómnia sǽcula sæculórum.

**English**

Through our Lord Jesus Christ, your Son, who lives and reigns with you in the unity of the Holy Spirit, God, for ever and ever.

[↗](https://missale.online/proprium/en/commune/officium_defunctorum#text-e9c815287d606dc2aa3d)

**Latin**

Amen.

**English**

Amen.

## Communion

[↗](https://missale.online/proprium/en/commune/officium_defunctorum#text-de0bc3d37673b11f8fde)

**Latin**

Lux ætérna lúceat eis, Dómine:

* Cum Sanctis tuis in ætérnum: quia pius es.

Requiem ætérnam dona eis, Dómine: et lux perpétua lúceat eis.

* Cum Sanctis tuis in ætérnum: quia pius es.

**English**

This passage has not yet been translated.

## Postcommunion

[↗](https://missale.online/proprium/en/commune/officium_defunctorum#text-21c83a9b17c0b9c11477)

**Latin**

Animábus, quǽsumus, Dómine, famulórum famularúmque tuárum orátio profíciat supplicántium: ut eas et a peccátis ómnibus éxuas, et tuæ redemptiónis fácias esse partícipes:

**English**

This passage has not yet been translated.

[↗](https://missale.online/proprium/en/commune/officium_defunctorum#text-798e50347fd8e327a359)

**Latin**

Per Dóminum nostrum Jesum Christum, Fílium tuum: qui tecum vivit et regnat in unitáte Spíritus Sancti Deus, per ómnia sǽcula sæculórum.

**English**

Through our Lord Jesus Christ, your Son, who lives and reigns with you in the unity of the Holy Spirit, God, for ever and ever.

[↗](https://missale.online/proprium/en/commune/officium_defunctorum#text-a4f6ac154ebeb9818615)

**Latin**

Amen.

**English**

Amen.