In Vigilia S. Matthæi Ap.

Da, quǽsumus, omnípotens Deus: ut beáti N. Apóstoli tui et Evangelístæ, quam prævenimus, veneránda solémnitas, et devotiónem nobis áugeat et salútem.

In illo témpore: Vidit Jesus publicánum nómine Levi, sedéntem ad telónium, et ait illi: Séquere me. Et relíctis ómnibus, surgens secútus est eum. Et fecit ei convívium magnum Levi in domo sua: et erat turba multa publicanórum et aliórum, qui cum illis erant discumbéntes. Et murmurábant pharisæi et scribæ eórum, dicéntes ad discípulos ejus: Quare cum publicánis et peccatóribus manducátis et bíbitis? Et respóndens Jesus, dixit ad illos: Non egent, qui sani sunt, médice, sed qui male habent. Non veni vocáre justos, sed peccatóres ad pœniténtiam.

Apostólici reveréntia cúlminis offeréntes tibi sacra mystéria, Dómine, quae; sumus: ut beáti N. Apóstoli tui et Evangelístæ suffrágiis, cujus natalícia prævenímus; plebs tua semper et sua vota deprómat, et desideráta percípiat.

Sancti Apóstoli tui et Evangelístæ N., quǽsumus. Dómine, supplicatióne placátus: et veniam nobis tríbue, et remédia sempitérna concéde.