Revelation · 22
Verses
⋯
Et ostendit mihi fluvium aquæ vitæ, splendidum tamquam crystallum, procedentem de sede Dei et Agni.
This passage has not yet been translated.
In medio plateæ ejus, et ex utraque parte fluminis, lignum vitæ, afferens fructus duodecim per menses singulos, reddens fructum suum et folia ligni ad sanitatem gentium.
This passage has not yet been translated.
Et omne maledictum non erit amplius : sed sedes Dei et Agni in illa erunt, et servi ejus servient illi.
This passage has not yet been translated.
Et videbunt faciem ejus : et nomen ejus in frontibus eorum.
This passage has not yet been translated.
Et nox ultra non erit : et non egebunt lumine lucernæ, neque lumine solis, quoniam Dominus Deus illuminabit illos, et regnabunt in sæcula sæculorum.
This passage has not yet been translated.
Et dixit mihi : Hæc verba fidelissima sunt, et vera. Et Dominus Deus spirituum prophetarum misit angelum suum ostendere servis suis quæ oportet fieri cito.
This passage has not yet been translated.
Et ecce venio velociter. Beatus, qui custodit verba prophetiæ libri hujus.
This passage has not yet been translated.
Et ego Joannes, qui audivi, et vidi hæc. Et postquam audissem, et vidissem, cecidi ut adorarem ante pedes angeli, qui mihi hæc ostendebat :
This passage has not yet been translated.
et dixit mihi : Vide ne feceris : conservus enim tuus sum, et fratrum tuorum prophetarum, et eorum qui servant verba prophetiæ libri hujus : Deum adora.
This passage has not yet been translated.
Et dicit mihi : Ne signaveris verba prophetiæ libri hujus : tempus enim prope est.
This passage has not yet been translated.
Qui nocet, noceat adhuc : et qui in sordibus est, sordescat adhuc : et qui justus est, justificetur adhuc : et sanctus, sanctificetur adhuc.
This passage has not yet been translated.
Ecce venio cito, et merces mea mecum est, reddere unicuique secundum opera sua.
This passage has not yet been translated.
Ego sum alpha et omega, primus et novissimus, principium et finis.
This passage has not yet been translated.
Beati, qui lavant stolas suas in sanguine Agni : ut sit potestas eorum in ligno vitæ, et per portas intrent in civitatem.
This passage has not yet been translated.
Foris canes, et venefici, et impudici, et homicidæ, et idolis servientes, et omnis qui amat et facit mendacium.
This passage has not yet been translated.
Ego Jesus misi angelum meum testificari vobis hæc in ecclesiis. Ego sum radix, et genus David, stella splendida et matutina.
This passage has not yet been translated.
Et spiritus, et sponsa dicunt : Veni. Et qui audit, dicat : Veni. Et qui sitit, veniat : et qui vult, accipiat aquam vitæ, gratis.
This passage has not yet been translated.
Contestor enim omni audienti verba prophetiæ libri hujus : si quis apposuerit ad hæc, apponet Deus super illum plagas scriptas in libro isto.
This passage has not yet been translated.
Et si quis diminuerit de verbis libri prophetiæ hujus, auferet Deus partem ejus de libro vitæ, et de civitate sancta, et de his quæ scripta sunt in libro isto :
This passage has not yet been translated.
dicit qui testimonium perhibet istorum. Etiam venio cito : amen. Veni, Domine Jesu.
This passage has not yet been translated.
Gratia Domini nostri Jesu Christi cum omnibus vobis. Amen.
This passage has not yet been translated.