Sirach · 6
Verses
⋯
Noli fieri pro amico inimicus proximo : improperium enim et contumeliam malus hæreditabit : et omnis peccator invidus et bilinguis.
This passage has not yet been translated.
Non te extollas in cogitatione animæ tuæ velut taurus, ne forte elidatur virtus tua per stultitiam :
This passage has not yet been translated.
et folia tua comedat, et fructus tuos perdat, et relinquaris velut lignum aridum in eremo.
This passage has not yet been translated.
Anima enim nequam disperdet qui se habet, et in gaudium inimicis dat illum, et deducet in sortem impiorum.
This passage has not yet been translated.
Verbum dulce multiplicat amicos et mitigat inimicos, et lingua eucharis in bono homine abundat.
This passage has not yet been translated.
Multi pacifici sint tibi : et consiliarius sit tibi unus de mille.
This passage has not yet been translated.
Si possides amicum, in tentatione posside eum, et ne facile credas ei.
This passage has not yet been translated.
Est enim amicus secundum tempus suum, et non permanebit in die tribulationis.
This passage has not yet been translated.
Et est amicus qui convertitur ad inimicitiam, et est amicus qui odium et rixam et convitia denudabit.
This passage has not yet been translated.
Est autem amicus socius mensæ, et non permanebit in die necessitatis.
This passage has not yet been translated.
Amicus si permanserit fixus, erit tibi quasi coæqualis, et in domesticis tuis fiducialiter aget.
This passage has not yet been translated.
Si humiliaverit se contra te, et a facie tua absconderit se, unanimem habebis amicitiam bonam.
This passage has not yet been translated.
Ab inimicis tuis separare, et ab amicis tuis attende.
This passage has not yet been translated.
Amicus fidelis protectio fortis : qui autem invenit illum, invenit thesaurum.
This passage has not yet been translated.
Amico fideli nulla est comparatio, et non est digna ponderatio auri et argenti contra bonitatem fidei illius.
This passage has not yet been translated.
Amicus fidelis medicamentum vitæ et immortalitatis : et qui metuunt Dominum, invenient illum.
This passage has not yet been translated.
Qui timet Deum æque habebit amicitiam bonam, quoniam secundum illum erit amicus illius.
This passage has not yet been translated.
Fili, a juventute tua excipe doctrinam, et usque ad canos invenies sapientiam.
This passage has not yet been translated.
Quasi is qui arat et seminat accede ad eam, et sustine bonos fructus illius.
This passage has not yet been translated.
In opere enim ipsius exiguum laborabis, et cito edes de generationibus illius.
This passage has not yet been translated.
Quam aspera est nimium sapientia indoctis hominibus ! et non permanebit in illa excors.
This passage has not yet been translated.
Quasi lapidis virtus probatio erit in illis : et non demorabuntur projicere illam.
This passage has not yet been translated.
Sapientia enim doctrinæ secundum nomen est ejus, et non est multis manifestata : quibus autem cognita est, permanet usque ad conspectum Dei.
This passage has not yet been translated.
Audi, fili, et accipe consilium intellectus, et ne abjicias consilium meum.
This passage has not yet been translated.
Injice pedem tuum in compedes illius, et in torques illius collum tuum.
This passage has not yet been translated.
Subjice humerum tuum, et porta illam, et ne acedieris vinculis ejus.
This passage has not yet been translated.
In omni animo tuo accede ad illam, et in omni virtute tua conserva vias ejus.
This passage has not yet been translated.
Investiga illam, et manifestabitur tibi : et continens factus, ne derelinquas eam :
This passage has not yet been translated.
in novissimis enim invenies requiem in ea, et convertetur tibi in oblectationem.
This passage has not yet been translated.
Et erunt tibi compedes ejus in protectionem fortitudinis et bases virtutis, et torques illius in stolam gloriæ :
This passage has not yet been translated.
decor enim vitæ est in illa, et vincula illius alligatura salutaris.
This passage has not yet been translated.
Stolam gloriæ indues eam, et coronam gratulationis superpones tibi.
This passage has not yet been translated.
Fili, si attenderis mihi, disces : et si accommodaveris animum tuum, sapiens eris.
This passage has not yet been translated.
Si inclinaveris aurem tuam, excipies doctrinam : et si dilexeris audire, sapiens eris.
This passage has not yet been translated.
In multitudine presbyterorum prudentium sta, et sapientiæ illorum ex corde conjungere, ut omnem narrationem Dei possis audire, et proverbia laudis non effugiant a te.
This passage has not yet been translated.
Et si videris sensatum, evigila ad eum, et gradus ostiorum illius exterat pes tuus.
This passage has not yet been translated.
Cogitatum tuum habe in præceptis Dei, et in mandatis illius maxime assiduus esto : et ipse dabit tibi cor, et concupiscentia sapientiæ dabitur tibi.
This passage has not yet been translated.