Zechariah · 2
Verses
⋯
Et levavi oculos meos, et vidi, et ecce vir, et in manu ejus funiculus mensorum.
This passage has not yet been translated.
Et dixi : Quo tu vadis ? Et dixit ad me : Ut metiar Jerusalem, et videam quanta sit latitudo ejus, et quanta longitudo ejus.
This passage has not yet been translated.
Et ecce angelus qui loquebatur in me egrediebatur, et angelus alius egrediebatur in occursum ejus :
This passage has not yet been translated.
et dixit ad eum : Curre, loquere ad puerum istum, dicens : Absque muro habitabitur Jerusalem, præ multitudine hominum et jumentorum in medio ejus.
This passage has not yet been translated.
Et ego ero ei, ait Dominus, murus ignis in circuitu, et in gloria ero in medio ejus.
This passage has not yet been translated.
O, o, fugite de terra aquilonis, dicit Dominus, quoniam in quatuor ventos cæli dispersi vos, dicit Dominus.
This passage has not yet been translated.
O Sion ! fuge, quæ habitas apud filiam Babylonis :
This passage has not yet been translated.
quia hæc dicit Dominus exercituum : Post gloriam misit me ad gentes quæ spoliaverunt vos : qui enim tetigerit vos, tangit pupillam oculi mei :
This passage has not yet been translated.
quia ecce ego levo manum meam super eos, et erunt prædæ his qui serviebant sibi : et cognoscetis quia Dominus exercituum misit me.
This passage has not yet been translated.
Lauda et lætare, filia Sion, quia ecce ego venio, et habitabo in medio tui, ait Dominus.
This passage has not yet been translated.
Et applicabuntur gentes multæ ad Dominum in die illa, et erunt mihi in populum, et habitabo in medio tui : et scies quia Dominus exercituum misit me ad te.
This passage has not yet been translated.
Et possidebit Dominus Judam partem suam in terra sanctificata, et eliget adhuc Jerusalem.
This passage has not yet been translated.
Sileat omnis caro a facie Domini, quia consurrexit de habitaculo sancto suo.
This passage has not yet been translated.