1 Corinthians · 16
Verses
⋯
De collectis autem, quæ fiunt in sanctos, sicut ordinavi ecclesiis Galatiæ, ita et vos facite.
This passage has not yet been translated.
Per unam sabbati unusquisque vestrum apud se seponat, recondens quod ei bene placuerit : ut non, cum venero, tunc collectæ fiant.
This passage has not yet been translated.
Cum autem præsens fuero, quos probaveritis per epistolas, hos mittam perferre gratiam vestram in Jerusalem.
This passage has not yet been translated.
Quod si dignum fuerit ut et ego eam, mecum ibunt.
This passage has not yet been translated.
Veniam autem ad vos, cum Macedoniam pertransiero : nam Macedoniam pertransibo.
This passage has not yet been translated.
Apud vos autem forsitan manebo, vel etiam hiemabo : ut vos me deducatis quocumque iero.
This passage has not yet been translated.
Nolo enim vos modo in transitu videre, spero enim me aliquantulum temporis manere apud vos, si Dominus permiserit.
This passage has not yet been translated.
Permanebo autem Ephesi usque ad Pentecosten.
This passage has not yet been translated.
Ostium enim mihi apertum est magnum, et evidens : et adversarii multi.
This passage has not yet been translated.
Si autem venerit Timotheus, videte ut sine timore sit apud vos : opus enim Domini operatur, sicut et ego.
This passage has not yet been translated.
Ne quis ergo illum spernat : deducite autem illum in pace, ut veniat ad me : exspecto enim illum cum fratribus.
This passage has not yet been translated.
De Apollo autem fratre vobis notum facio, quoniam multum rogavi eum ut veniret ad vos cum fratribus : et utique non fuit voluntas ut nunc veniret : veniet autem, cum ei vacuum fuerit.
This passage has not yet been translated.
Vigilate, state in fide, viriliter agite, et confortamini.
This passage has not yet been translated.
Omnia vestra in caritate fiant.
This passage has not yet been translated.
Obsecro autem vos fratres, nostis domum Stephanæ, et Fortunati, et Achaici : quoniam sunt primitiæ Achaiæ, et in ministerium sanctorum ordinaverunt seipsos :
This passage has not yet been translated.
ut et vos subditi sitis ejusmodi, et omni cooperanti, et laboranti.
This passage has not yet been translated.
Gaudeo autem in præsentia Stephanæ, et Fortunati, et Achaici : quoniam id, quod vobis deerat, ipsi suppleverunt :
This passage has not yet been translated.
refecerunt enim et meum spiritum, et vestrum. Cognoscite ergo qui hujusmodi sunt.
This passage has not yet been translated.
Salutant vos ecclesiæ Asiæ. Salutant vos in Domino multum, Aquila et Priscilla cum domestica sua ecclesia : apud quos et hospitor.
This passage has not yet been translated.
Salutant vos omnes fratres. Salutate invicem in osculo sancto.
This passage has not yet been translated.
Salutatio, mea manu Pauli.
This passage has not yet been translated.
Si quis non amat Dominum nostrum Jesum Christum, sit anathema, Maran Atha.
This passage has not yet been translated.
Gratia Domini nostri Jesu Christi vobiscum.
This passage has not yet been translated.
Caritas mea cum omnibus vobis in Christo Jesu. Amen.
This passage has not yet been translated.