2 Timothy · 1
Verses
⋯
Paulus Apostolus Jesu Christi per voluntatem Dei, secundum promissionem vitæ, quæ est in Christo Jesu,
This passage has not yet been translated.
Timotheo carissimo filio : gratia, misericordia, pax a Deo Patre, et Christo Jesu Domino nostro.
This passage has not yet been translated.
Gratias ago Deo, cui servio a progenitoribus in conscientia pura, quod sine intermissione habeam tui memoriam in orationibus meis, nocte ac die
This passage has not yet been translated.
desiderans te videre, memor lacrimarum tuarum, ut gaudio implear,
This passage has not yet been translated.
recordationem accipiens ejus fidei, quæ est in te non ficta, quæ et habitavit primum in avia tua Loide, et matre tua Eunice, certus sum autem quod et in te.
This passage has not yet been translated.
Propter quam causam admoneo te ut resuscites gratiam Dei, quæ est in te per impositionem manuum mearum.
This passage has not yet been translated.
Non enim dedit nobis Deus spiritum timoris : sed virtutis, et dilectionis, et sobrietatis.
This passage has not yet been translated.
Noli itaque erubescere testimonium Domini nostri, neque me vinctum ejus : sed collabora Evangelio secundum virtutem Dei :
This passage has not yet been translated.
qui nos liberavit, et vocavit vocatione sua sancta, non secundum opera nostra, sed secundum propositum suum, et gratiam, quæ data est nobis in Christo Jesu ante tempora sæcularia.
This passage has not yet been translated.
Manifestata est autem nunc per illuminationem Salvatoris nostri Jesu Christi, qui destruxit quidem mortem, illuminavit autem vitam, et incorruptionem per Evangelium :
This passage has not yet been translated.
in quo positus sum ego prædicator, et Apostolus, et magister gentium.
This passage has not yet been translated.
Ob quam causam etiam hæc patior, sed non confundor. Scio enim cui credidi, et certus sum quia potens est depositum meum servare in illum diem.
This passage has not yet been translated.
Formam habe sanorum verborum, quæ a me audisti in fide, et in dilectione in Christo Jesu.
This passage has not yet been translated.
Bonum depositum custodi per Spiritum Sanctum, qui habitat in nobis.
This passage has not yet been translated.
Scis hoc, quod aversi sunt a me omnes, qui in Asia sunt, ex quibus est Phigellus, et Hermogenes.
This passage has not yet been translated.
Det misericordiam Dominus Onesiphori domui : quia sæpe me refrigeravit, et catenam meam non erubuit :
This passage has not yet been translated.
sed cum Romam venisset, sollicite me quæsivit, et invenit.
This passage has not yet been translated.
Det illi Dominus invenire misericordiam a Domino in illa die. Et quanta Ephesi ministravit mihi, tu melius nosti.
This passage has not yet been translated.