Baruch · 5
Verses
⋯
Exue te, Jerusalem, stola luctus et vexationis tuæ, et indue te decore, et honore ejus, quæ a Deo tibi est, sempiternæ gloriæ.
This passage has not yet been translated.
Circumdabit te Deus diploide justitiæ, et imponet mitram capiti honoris æterni.
This passage has not yet been translated.
Deus enim ostendet splendorem suum in te, omni qui sub cælo est.
This passage has not yet been translated.
Nominabitur enim tibi nomen tuum a Deo in sempiternum : pax justitiæ, et honor pietatis.
This passage has not yet been translated.
Exsurge, Jerusalem, et sta in excelso : et circumspice ad orientem, et vide collectos filios tuos ab oriente sole usque ad occidentem, in verbo Sancti, gaudentes Dei memoria.
This passage has not yet been translated.
Exierunt enim abs te pedibus ducti ab inimicis : adducet autem illos Dominus ad te portatos in honore sicut filios regni :
This passage has not yet been translated.
constituit enim Deus humiliare omnem montem excelsum et rupes perennes, et convalles replere in æqualitatem terræ, ut ambulet Israël diligenter in honorem Dei.
This passage has not yet been translated.
Obumbraverunt autem et silvæ, et omne lignum suavitatis Israël ex mandato Dei.
This passage has not yet been translated.
Adducet enim Deus Israël cum jucunditate in lumine majestatis suæ, cum misericordia et justitia quæ est ex ipso.
This passage has not yet been translated.