Deuteronomy · 5
Verses
⋯
Vocavitque Moyses omnem Israëlem, et dixit ad eum : Audi, Israël, cæremonias atque judicia, quæ ego loquor in auribus vestris hodie : discite ea, et opere complete.
This passage has not yet been translated.
Dominus Deus noster pepigit nobiscum fœdus in Horeb.
This passage has not yet been translated.
Non cum patribus nostris iniit pactum, sed nobiscum qui in præsentiarum sumus, et vivimus.
This passage has not yet been translated.
Facie ad faciem locutus est nobis in monte de medio ignis.
This passage has not yet been translated.
Ego sequester et medius fui inter Dominum et vos in tempore illo, ut annuntiarem vobis verba ejus : timuistis enim ignem, et non ascendistis in montem. Et ait :
This passage has not yet been translated.
Ego Dominus Deus tuus, qui eduxi te de terra Ægypti, de domo servitutis.
This passage has not yet been translated.
Non habebis deos alienos in conspectu meo.
This passage has not yet been translated.
Non facies tibi sculptile, nec similitudinem omnium, quæ in cælo sunt desuper, et quæ in terra deorsum, et quæ versantur in aquis sub terra.
This passage has not yet been translated.
Non adorabis ea, et non coles. Ego enim sum Dominus Deus tuus : Deus æmulator, reddens iniquitatem patrum super filios in tertiam et quartam generationem his qui oderunt me :
This passage has not yet been translated.
et faciens misericordiam in multa millia diligentibus me, et custodientibus præcepta mea.
This passage has not yet been translated.
Non usurpabis nomen Domini Dei tui frustra : quia non erit impunitus qui super re vana nomen ejus assumpserit.
This passage has not yet been translated.
Observa diem sabbati, ut sanctifices eum, sicut præcepit tibi Dominus Deus tuus.
This passage has not yet been translated.
Sex diebus operaberis, et facies omnia opera tua.
This passage has not yet been translated.
Septimus dies sabbati est, id est, requies Domini Dei tui. Non facies in eo quidquam operis tu, et filius tuus, et filia, servus et ancilla, et bos, et asinus, et omne jumentum tuum, et peregrinus qui est intra portas tuas : ut requiescat servus tuus, et ancilla tua, sicut et tu.
This passage has not yet been translated.
Memento quod et ipse servieris in Ægypto, et eduxerit te inde Dominus Deus tuus in manu forti, et brachio extento. Idcirco præcepit tibi ut observares diem sabbati.
This passage has not yet been translated.
Honora patrem tuum et matrem, sicut præcepit tibi Dominus Deus tuus, ut longo vivas tempore, et bene sit tibi in terra, quam Dominus Deus tuus daturus est tibi.
This passage has not yet been translated.
Non occides,
This passage has not yet been translated.
neque mœchaberis,
This passage has not yet been translated.
furtumque non facies :
This passage has not yet been translated.
nec loqueris contra proximum tuum falsum testimonium.
This passage has not yet been translated.
Non concupisces uxorem proximi tui : non domum, non agrum, non servum, non ancillam, non bovem, non asinum, et universa quæ illius sunt.
This passage has not yet been translated.
Hæc verba locutus est Dominus ad omnem multitudinem vestram in monte de medio ignis et nubis, et caliginis, voce magna, nihil addens amplius : et scripsit ea in duabus tabulis lapideis, quas tradidit mihi.
This passage has not yet been translated.
Vos autem postquam audistis vocem de medio tenebrarum, et montem ardere vidistis, accessistis ad me omnes principes tribuum et majores natu, atque dixistis :
This passage has not yet been translated.
Ecce ostendit nobis Dominus Deus noster majestatem et magnitudinem suam : vocem ejus audivimus de medio ignis, et probavimus hodie, quod loquente Deo cum homine, vixerit homo.
This passage has not yet been translated.
Cur ergo moriemur, et devorabit nos ignis hic maximus ? si enim audierimus ultra vocem Domini Dei nostri, moriemur.
This passage has not yet been translated.
Quid est omnis caro, ut audiat vocem Dei viventis, qui de medio ignis loquitur sicut nos audivimus, et possit vivere ?
This passage has not yet been translated.
Tu magis accede : et audi cuncta quæ dixerit Dominus Deus noster tibi : loquerisque ad nos, et nos audientes faciemus ea.
This passage has not yet been translated.
Quod cum audisset Dominus, ait ad me : Audivi vocem verborum populi hujus quæ locuti sunt tibi : bene omnia sunt locuti.
This passage has not yet been translated.
Quis det talem eos habere mentem, ut timeant me, et custodiant universa mandata mea in omni tempore, ut bene sit eis et filiis eorum in sempiternum ?
This passage has not yet been translated.
Vade et dic eis : Revertimini in tentoria vestra.
This passage has not yet been translated.
Tu vero hic sta mecum, et loquar tibi omnia mandata mea, et cæremonias atque judicia : quæ docebis eos, ut faciant ea in terra, quam dabo illis in possessionem.
This passage has not yet been translated.
Custodite igitur et facite quæ præcepit Dominus Deus vobis : non declinabitis neque ad dexteram, neque ad sinistram :
This passage has not yet been translated.
sed per viam, quam præcepit Dominus Deus vester, ambulabitis, ut vivatis, et bene sit vobis, et protelentur dies in terra possessionis vestræ.
This passage has not yet been translated.