Exodus · 30
Verses
⋯
Facies quoque altare ad adolendum thymiama, de lignis setim,
This passage has not yet been translated.
habens cubitum longitudinis, et alterum latitudinis, id est, quadrangulum, et duos cubitos in altitudine. Cornua ex ipso procedent.
This passage has not yet been translated.
Vestiesque illud auro purissimo, tam craticulam ejus, quam parietes per circuitum, et cornua. Faciesque ei coronam aureolam per gyrum,
This passage has not yet been translated.
et duos annulos aureos sub corona per singula latera, ut mittantur in eos vectes, et altare portetur.
This passage has not yet been translated.
Ipsos quoque vectes facies de lignis setim, et inaurabis.
This passage has not yet been translated.
Ponesque altare contra velum, quod ante arcum pendet testimonii coram propitiatorio quo tegitur testimonium, ubi loquar tibi.
This passage has not yet been translated.
Et adolebit incensum super eo Aaron, suave fragrans, mane. Quando componet lucernas, incendet illud :
This passage has not yet been translated.
et quando collocabit eas ad vesperum, uret thymiama sempiternum coram Domino in generationes vestras.
This passage has not yet been translated.
Non offeretis super eo thymiama compositionis alterius, nec oblationem, et victimam, nec libabitis libamina.
This passage has not yet been translated.
Et deprecabitur Aaron super cornua ejus semel per annum, in sanguine quod oblatum est pro peccato, et placabit super eo in generationibus vestris. Sanctum sanctorum erit Domino.
This passage has not yet been translated.
Locutusque est Dominus ad Moysen, dicens :
This passage has not yet been translated.
Quando tuleris summam filiorum Israël juxta numerum, dabunt singuli pretium pro animabus suis Domino, et non erit plaga in eis, cum fuerint recensiti.
This passage has not yet been translated.
Hoc autem dabit omnis qui transit ad nomen, dimidium sicli juxta mensuram templi (siclus viginti obolos habet) ; media pars sicli offeretur Domino.
This passage has not yet been translated.
Qui habetur in numero, a viginti annis et supra, dabit pretium.
This passage has not yet been translated.
Dives non addet ad medium sicli, et pauper nihil minuet.
This passage has not yet been translated.
Susceptamque pecuniam, quæ collata est a filiis Israël, trades in usus tabernaculi testimonii, ut sit monimentum eorum coram Domino, et propitietur animabus eorum.
This passage has not yet been translated.
Locutusque est Dominus ad Moysen, dicens :
This passage has not yet been translated.
Facies et labrum æneum cum basi sua ad lavandum : ponesque illud inter tabernaculum testimonii et altare. Et missa aqua,
This passage has not yet been translated.
lavabunt in ea Aaron et filii ejus manus suas ac pedes,
This passage has not yet been translated.
quando ingressuri sunt tabernaculum testimonii, et quando accessuri sunt ad altare, ut offerant in eo thymiama Domino,
This passage has not yet been translated.
ne forte moriantur ; legitimum sempiternum erit ipsi, et semini ejus per successiones.
This passage has not yet been translated.
Locutusque est Dominus ad Moysen,
This passage has not yet been translated.
dicens : Sume tibi aromata, primæ myrrhæ et electæ quingentos siclos, et cinnamomi medium, id est, ducentos quinquaginta siclos, calami similiter ducentos quinquaginta,
This passage has not yet been translated.
casiæ autem quingentos siclos, in pondere sanctuarii, olei de olivetis mensuram hin :
This passage has not yet been translated.
faciesque unctionis oleum sanctum, unguentum compositum opere unguentarii,
This passage has not yet been translated.
et unges ex eo tabernaculum testimonii, et arcam testamenti,
This passage has not yet been translated.
mensamque cum vasis suis, et candelabrum, et utensilia ejus, altaria thymiamatis,
This passage has not yet been translated.
et holocausti, et universam supellectilem quæ ad cultum eorum pertinet.
This passage has not yet been translated.
Sanctificabisque omnia, et erunt Sancta sanctorum ; qui tetigerit ea, sanctificabitur.
This passage has not yet been translated.
Aaron et filios ejus unges, sanctificabisque eos, ut sacerdotio fungantur mihi.
This passage has not yet been translated.
Filiis quoque Israël dices : Hoc oleum unctionis sanctum erit mihi in generationes vestras.
This passage has not yet been translated.
Caro hominis non ungetur ex eo, et juxta compositionem ejus non facietis aliud, quia sanctificatum est, et sanctum erit vobis.
This passage has not yet been translated.
Homo quicumque tale composuerit, et dederit ex eo alieno, exterminabitur de populo suo.
This passage has not yet been translated.
Dixitque Dominus ad Moysen : Sume tibi aromata, stacten et onycha, galbanum boni odoris, et thus lucidissimum ; æqualis ponderis erunt omnia :
This passage has not yet been translated.
faciesque thymiama compositum opere unguentarii, mistum diligenter, et purum, et sanctificatione dignissimum.
This passage has not yet been translated.
Cumque in tenuissimum pulverem universa contuderis, pones ex eo coram tabernaculo testimonii, in quo loco apparebo tibi. Sanctum sanctorum erit vobis thymiama.
This passage has not yet been translated.
Talem compositionem non facietis in usus vestros, quia sanctum est Domino.
This passage has not yet been translated.
Homo quicumque fecerit simile, ut odore illius perfruatur, peribit de populis suis.
This passage has not yet been translated.