John · 15
Verses
⋯
Ego sum vitis vera, et Pater meus agricola est.
This passage has not yet been translated.
Omnem palmitem in me non ferentem fructum, tollet eum, et omnem qui fert fructum, purgabit eum, ut fructum plus afferat.
This passage has not yet been translated.
Jam vos mundi estis propter sermonem quem locutus sum vobis.
This passage has not yet been translated.
Manete in me, et ego in vobis. Sicut palmes non potest ferre fructum a semetipso, nisi manserit in vite, sic nec vos, nisi in me manseritis.
This passage has not yet been translated.
Ego sum vitis, vos palmites : qui manet in me, et ego in eo, hic fert fructum multum, quia sine me nihil potestis facere.
This passage has not yet been translated.
Si quis in me non manserit, mittetur foras sicut palmes, et arescet, et colligent eum, et in ignem mittent, et ardet.
This passage has not yet been translated.
Si manseritis in me, et verba mea in vobis manserint, quodcumque volueritis petetis, et fiet vobis.
This passage has not yet been translated.
In hoc clarificatus est Pater meus, ut fructum plurimum afferatis, et efficiamini mei discipuli.
This passage has not yet been translated.
Sicut dilexit me Pater, et ego dilexi vos. Manete in dilectione mea.
This passage has not yet been translated.
Si præcepta mea servaveritis, manebitis in dilectione mea, sicut et ego Patris mei præcepta servavi, et maneo in ejus dilectione.
This passage has not yet been translated.
Hæc locutus sum vobis : ut gaudium meum in vobis sit, et gaudium vestrum impleatur.
This passage has not yet been translated.
Hoc est præceptum meum, ut diligatis invicem, sicut dilexi vos.
This passage has not yet been translated.
Majorem hac dilectionem nemo habet, ut animam suam ponat quis pro amicis suis.
This passage has not yet been translated.
Vos amici mei estis, si feceritis quæ ego præcipio vobis.
This passage has not yet been translated.
Jam non dicam vos servos : quia servus nescit quid faciat dominus ejus. Vos autem dixi amicos : quia omnia quæcumque audivi a Patre meo, nota feci vobis.
This passage has not yet been translated.
Non vos me elegistis, sed ego elegi vos, et posui vos ut eatis, et fructum afferatis, et fructus vester maneat : ut quodcumque petieritis Patrem in nomine meo, det vobis.
This passage has not yet been translated.
Hæc mando vobis : ut diligatis invicem.
This passage has not yet been translated.
Si mundus vos odit, scitote quia me priorem vobis odio habuit.
This passage has not yet been translated.
Si de mundo fuissetis, mundus quod suum erat diligeret : quia vero de mundo non estis, sed ego elegi vos de mundo, propterea odit vos mundus.
This passage has not yet been translated.
Mementote sermonis mei, quem ego dixi vobis : non est servus major domino suo. Si me persecuti sunt, et vos persequentur ; si sermonem meum servaverunt, et vestrum servabunt.
This passage has not yet been translated.
Sed hæc omnia facient vobis propter nomen meum : quia nesciunt eum qui misit me.
This passage has not yet been translated.
Si non venissem, et locutus fuissem eis, peccatum non haberent : nunc autem excusationem non habent de peccato suo.
This passage has not yet been translated.
Qui me odit, et Patrem meum odit.
This passage has not yet been translated.
Si opera non fecissem in eis quæ nemo alius fecit, peccatum non haberent : nunc autem et viderunt, et oderunt et me, et Patrem meum.
This passage has not yet been translated.
Sed ut adimpleatur sermo, qui in lege eorum scriptus est : Quia odio habuerunt me gratis.
This passage has not yet been translated.
Cum autem venerit Paraclitus, quem ego mittam vobis a Patre, Spiritum veritatis, qui a Patre procedit, ille testimonium perhibebit de me ;
This passage has not yet been translated.
et vos testimonium perhibebitis, quia ab initio mecum estis.
This passage has not yet been translated.