Luke · 12
Verses
⋯
Multis autem turbis circumstantibus, ita ut se invicem conculcarent, cœpit dicere ad discipulos suos : Attendite a fermento pharisæorum, quod est hypocrisis.
This passage has not yet been translated.
Nihil autem opertum est, quod non reveletur : neque absconditum, quod non sciatur.
This passage has not yet been translated.
Quoniam quæ in tenebris dixistis, in lumine dicentur : et quod in aurem locuti estis in cubiculis, prædicabitur in tectis.
This passage has not yet been translated.
Dico autem vobis amicis meis : Ne terreamini ab his qui occidunt corpus, et post hæc non habent amplius quid faciant.
This passage has not yet been translated.
Ostendam autem vobis quem timeatis : timete eum qui, postquam occiderit, habet potestatem mittere in gehennam : ita dico vobis, hunc timete.
This passage has not yet been translated.
Nonne quinque passeres veneunt dipondio, et unus ex illis non est in oblivione coram Deo ?
This passage has not yet been translated.
sed et capilli capitis vestri omnes numerati sunt. Nolite ergo timere : multis passeribus pluris estis vos.
This passage has not yet been translated.
Dico autem vobis : Omnis quicumque confessus fuerit me coram hominibus, et Filius hominis confitebitur illum coram angelis Dei :
This passage has not yet been translated.
qui autem negaverit me coram hominibus, negabitur coram angelis Dei.
This passage has not yet been translated.
Et omnis qui dicit verbum in Filium hominis, remittetur illi : ei autem qui in Spiritum Sanctum blasphemaverit, non remittetur.
This passage has not yet been translated.
Cum autem inducent vos in synagogas, et ad magistratus, et potestates, nolite solliciti esse qualiter, aut quid respondeatis, aut quid dicatis.
This passage has not yet been translated.
Spiritus enim Sanctus docebit vos in ipsa hora quid oporteat vos dicere.
This passage has not yet been translated.
Ait autem ei quidam de turba : Magister, dic fratri meo ut dividat mecum hæreditatem.
This passage has not yet been translated.
At ille dixit illi : Homo, quis me constituit judicem, aut divisorem super vos ?
This passage has not yet been translated.
Dixitque ad illos : Videte, et cavete ab omni avaritia : quia non in abundantia cujusquam vita ejus est ex his quæ possidet.
This passage has not yet been translated.
Dixit autem similitudinem ad illos, dicens : Hominis cujusdam divitis uberes fructus ager attulit :
This passage has not yet been translated.
et cogitabat intra se dicens : Quid faciam, quia non habeo quo congregem fructus meos ?
This passage has not yet been translated.
Et dixit : Hoc faciam : destruam horrea mea, et majora faciam : et illuc congregabo omnia quæ nata sunt mihi, et bona mea,
This passage has not yet been translated.
et dicam animæ meæ : Anima, habes multa bona posita in annos plurimos : requiesce, comede, bibe, epulare.
This passage has not yet been translated.
Dixit autem illi Deus : Stulte, hac nocte animam tuam repetunt a te : quæ autem parasti, cujus erunt ?
This passage has not yet been translated.
Sic est qui sibi thesaurizat, et non est in Deum dives.
This passage has not yet been translated.
Dixitque ad discipulos suos : Ideo dico vobis, nolite solliciti esse animæ vestræ quid manducetis, neque corpori quid induamini.
This passage has not yet been translated.
Anima plus est quam esca, et corpus plus quam vestimentum.
This passage has not yet been translated.
Considerate corvos, quia non seminant, neque metunt, quibus non est cellarium, neque horreum, et Deus pascit illos. Quanto magis vos pluris estis illis ?
This passage has not yet been translated.
Quis autem vestrum cogitando potest adjicere ad staturam suam cubitum unum ?
This passage has not yet been translated.
Si ergo neque quod minimum est potestis, quid de ceteris solliciti estis ?
This passage has not yet been translated.
Considerate lilia quomodo crescunt : non laborant, neque nent : dico autem vobis, nec Salomon in omni gloria sua vestiebatur sicut unum ex istis.
This passage has not yet been translated.
Si autem fœnum, quod hodie est in agro, et cras in clibanum mittitur, Deus sic vestit : quanto magis vos pusillæ fidei ?
This passage has not yet been translated.
Et vos nolite quærere quid manducetis, aut quid bibatis : et nolite in sublime tolli :
This passage has not yet been translated.
hæc enim omnia gentes mundi quærunt. Pater autem vester scit quoniam his indigetis.
This passage has not yet been translated.
Verumtamen quærite primum regnum Dei, et justitiam ejus : et hæc omnia adjicientur vobis.
This passage has not yet been translated.
Nolite timere pusillus grex, quia complacuit Patri vestro dare vobis regnum.
This passage has not yet been translated.
Vendite quæ possidetis, et date eleemosynam. Facite vobis sacculos, qui non veterascunt, thesaurum non deficientem in cælis : quo fur non appropriat, neque tinea corrumpit.
This passage has not yet been translated.
Ubi enim thesaurus vester est, ibi et cor vestrum erit.
This passage has not yet been translated.
Sint lumbi vestri præcincti, et lucernæ ardentes in manibus vestris,
This passage has not yet been translated.
et vos similes hominibus exspectantibus dominum suum quando revertatur a nuptiis : ut, cum venerit et pulsaverit, confestim aperiant ei.
This passage has not yet been translated.
Beati servi illi quos, cum venerit dominus, invenerit vigilantes : amen dico vobis, quod præcinget se, et faciet illos discumbere, et transiens ministrabit illis.
This passage has not yet been translated.
Et si venerit in secunda vigilia, et si in tertia vigilia venerit, et ita invenerit, beati sunt servi illi.
This passage has not yet been translated.
Hoc autem scitote, quoniam si sciret paterfamilias, qua hora fur veniret, vigilaret utique, et non sineret perfodi domum suam.
This passage has not yet been translated.
Et vos estote parati : quia qua hora non putatis, Filius hominis veniet.
This passage has not yet been translated.
Ait autem ei Petrus : Domine, ad nos dicis hanc parabolam, an et ad omnes ?
This passage has not yet been translated.
Dixit autem Dominus : Quis, putas, est fidelis dispensator, et prudens, quem constituit dominus supra familiam suam, ut det illis in tempore tritici mensuram ?
This passage has not yet been translated.
Beatus ille servus quem, cum venerit dominus, invenerit ita facientem.
This passage has not yet been translated.
Vere dico vobis, quoniam supra omnia quæ possidet, constituet illum.
This passage has not yet been translated.
Quod si dixerit servus ille in corde suo : Moram facit dominus meus venire : et cœperit percutere servos, et ancillas, et edere, et bibere, et inebriari :
This passage has not yet been translated.
veniet dominus servi illius in die qua non sperat, et hora qua nescit, et dividet eum, partemque ejus cum infidelibus ponet.
This passage has not yet been translated.
Ille autem servus qui cognovit voluntatem domini sui, et non præparavit, et non facit secundum voluntatem ejus, vapulabit multis :
This passage has not yet been translated.
qui autem non cognovit, et fecit digna plagis, vapulabit paucis. Omni autem cui multum datum est, multum quæretur ab eo : et cui commendaverunt multum, plus petent ab eo.
This passage has not yet been translated.
Ignem veni mittere in terram, et quid volo nisi ut accendatur ?
This passage has not yet been translated.
Baptismo autem habeo baptizari : et quomodo coarctor usque dum perficiatur ?
This passage has not yet been translated.
Putatis quia pacem veni dare in terram ? non, dico vobis, sed separationem :
This passage has not yet been translated.
erunt enim ex hoc quinque in domo una divisi, tres in duos, et duo in tres
This passage has not yet been translated.
dividentur : pater in filium, et filius in patrem suum, mater in filiam, et filia in matrem, socrus in nurum suam, et nurus in socrum suam.
This passage has not yet been translated.
Dicebat autem et ad turbas : Cum videritis nubem orientem ab occasu, statim dicitis : Nimbus venit : et ita fit.
This passage has not yet been translated.
Et cum austrum flantem, dicitis : Quia æstus erit : et fit.
This passage has not yet been translated.
Hypocritæ ! faciem cæli et terræ nostis probare : hoc autem tempus quomodo non probatis ?
This passage has not yet been translated.
quid autem et a vobis ipsis non judicatis quod justum est ?
This passage has not yet been translated.
Cum autem vadis cum adversario tuo ad principem, in via da operam liberari ab illo, ne forte trahat te ad judicem, et judex tradat te exactori, et exactor mittat te in carcerem.
This passage has not yet been translated.
Dico tibi, non exies inde, donec etiam novissimum minutum reddas.
This passage has not yet been translated.