Mark · 10
Verses
⋯
Et inde exsurgens venit in fines Judææ ultra Jordanem : et conveniunt iterum turbæ ad eum : et sicut consueverat, iterum docebat illos.
This passage has not yet been translated.
Et accedentes pharisæi interrogabant eum : Si licet viro uxorem dimittere : tentantes eum.
This passage has not yet been translated.
At ille respondens, dixit eis : Quid vobis præcepit Moyses ?
This passage has not yet been translated.
Qui dixerunt : Moyses permisit libellum repudii scribere, et dimittere.
This passage has not yet been translated.
Quibus respondens Jesus, ait : Ad duritiam cordis vestri scripsit vobis præceptum istud :
This passage has not yet been translated.
ab initio autem creaturæ masculum et feminam fecit eos Deus.
This passage has not yet been translated.
Propter hoc relinquet homo patrem suum et matrem, et adhærebit ad uxorem suam :
This passage has not yet been translated.
et erunt duo in carne una. Itaque jam non sunt duo, sed una caro.
This passage has not yet been translated.
Quod ergo Deus conjunxit, homo non separet.
This passage has not yet been translated.
Et in domo iterum discipuli ejus de eodem interrogaverunt eum.
This passage has not yet been translated.
Et ait illis : Quicumque dimiserit uxorem suam, et aliam duxerit, adulterium committit super eam.
This passage has not yet been translated.
Et si uxor dimiserit virum suum, et alii nupserit, mœchatur.
This passage has not yet been translated.
Et offerebant illi parvulos ut tangeret illos. Discipuli autem comminabantur offerentibus.
This passage has not yet been translated.
Quos cum videret Jesus, indigne tulit, et ait illis : Sinite parvulos venire ad me, et ne prohibueritis eos : talium enim est regnum Dei.
This passage has not yet been translated.
Amen dico vobis : Quisquis non receperit regnum Dei velut parvulus, non intrabit in illud.
This passage has not yet been translated.
Et complexans eos, et imponens manus super illos, benedicebat eos.
This passage has not yet been translated.
Et cum egressus esset in viam, procurrens quidam genu flexo ante eum, rogabat eum : Magister bone, quid faciam ut vitam æternam percipiam ?
This passage has not yet been translated.
Jesus autem dixit ei : Quid me dicis bonum ? nemo bonus, nisi unus Deus.
This passage has not yet been translated.
Præcepta nosti : ne adulteres, ne occidas, ne fureris, ne falsum testimonium dixeris, ne fraudem feceris, honora patrem tuum et matrem.
This passage has not yet been translated.
At ille respondens, ait illi : Magister, hæc omnia observavi a juventute mea.
This passage has not yet been translated.
Jesus autem intuitus eum, dilexit eum, et dixit ei : Unum tibi deest : vade, quæcumque habes vende, et da pauperibus, et habebis thesaurum in cælo : et veni, sequere me.
This passage has not yet been translated.
Qui contristatus in verbo, abiit mœrens : erat enim habens multas possessiones.
This passage has not yet been translated.
Et circumspiciens Jesus, ait discipulis suis : Quam difficile qui pecunias habent, in regnum Dei introibunt !
This passage has not yet been translated.
Discipuli autem obstupescebant in verbis ejus. At Jesus rursus respondens ait illis : Filioli, quam difficile est, confidentes in pecuniis, in regnum Dei introire !
This passage has not yet been translated.
Facilius est camelum per foramen acus transire, quam divitem intrare in regnum Dei.
This passage has not yet been translated.
Qui magis admirabantur, dicentes ad semetipsos : Et quis potest salvus fieri ?
This passage has not yet been translated.
Et intuens illos Jesus, ait : Apud homines impossibile est, sed non apud Deum : omnia enim possibilia sunt apud Deum.
This passage has not yet been translated.
Et cœpit ei Petrus dicere : Ecce nos dimisimus omnia, et secuti sumus te.
This passage has not yet been translated.
Respondens Jesus, ait : Amen dico vobis : Nemo est qui reliquerit domum, aut fratres, aut sorores, aut patrem, aut matrem, aut filios, aut agros propter me et propter Evangelium,
This passage has not yet been translated.
qui non accipiat centies tantum, nunc in tempore hoc : domos, et fratres, et sorores, et matres, et filios, et agros, cum persecutionibus, et in sæculo futuro vitam æternam.
This passage has not yet been translated.
Multi autem erunt primi novissimi, et novissimi primi.
This passage has not yet been translated.
Erant autem in via ascendentes Jerosolymam : et præcedebat illos Jesus, et stupebant : et sequentes timebant. Et assumens iterum duodecim, cœpit illis dicere quæ essent ei eventura.
This passage has not yet been translated.
Quia ecce ascendimus Jerosolymam, et Filius hominis tradetur principibus sacerdotum, et scribis, et senioribus, et damnabunt eum morte, et tradent eum gentibus :
This passage has not yet been translated.
et illudent ei, et conspuent eum, et flagellabunt eum, et interficient eum : et tertia die resurget.
This passage has not yet been translated.
Et accedunt ad eum Jacobus et Joannes filii Zebedæi, dicentes : Magister, volumus ut quodcumque petierimus, facias nobis.
This passage has not yet been translated.
At ille dixit eis : Quid vultis ut faciam vobis ?
This passage has not yet been translated.
Et dixerunt : Da nobis ut unus ad dexteram tuam, et alius ad sinistram tuam sedeamus in gloria tua.
This passage has not yet been translated.
Jesus autem ait eis : Nescitis quid petatis : potestis bibere calicem, quem ego bibo, aut baptismo, quo ego baptizor, baptizari ?
This passage has not yet been translated.
At illi dixerunt ei : Possumus. Jesus autem ait eis : Calicem quidem, quem ego bibo, bibetis ; et baptismo, quo ego baptizor, baptizabimini :
This passage has not yet been translated.
sedere autem ad dexteram meam, vel ad sinistram, non est meum dare vobis, sed quibus paratum est.
This passage has not yet been translated.
Et audientes decem, cœperunt indignari de Jacobo et Joanne.
This passage has not yet been translated.
Jesus autem vocans eos, ait illis : Scitis quia hi, qui videntur principari gentibus, dominantur eis : et principes eorum potestatem habent ipsorum.
This passage has not yet been translated.
Non ita est autem in vobis, sed quicumque voluerit fieri major, erit vester minister :
This passage has not yet been translated.
et quicumque voluerit in vobis primus esse, erit omnium servus.
This passage has not yet been translated.
Nam et Filius hominis non venit ut ministraretur ei, sed ut ministraret, et daret animam suam redemptionem pro multis.
This passage has not yet been translated.
Et veniunt Jericho : et proficiscente eo de Jericho, et discipulis ejus, et plurima multitudine, filius Timæi Bartimæus cæcus, sedebat juxta viam mendicans.
This passage has not yet been translated.
Qui cum audisset quia Jesus Nazarenus est, cœpit clamare, et dicere : Jesu fili David, miserere mei.
This passage has not yet been translated.
Et comminabantur ei multi ut taceret. At ille multo magis clamabat : Fili David, miserere mei.
This passage has not yet been translated.
Et stans Jesus præcepit illum vocari. Et vocant cæcum, dicentes ei : Animæquior esto : surge, vocat te.
This passage has not yet been translated.
Qui projecto vestimento suo exiliens, venit ad eum.
This passage has not yet been translated.
Et respondens Jesus dixit illi : Quid tibi vis faciam ? Cæcus autem dixit ei : Rabboni, ut videam.
This passage has not yet been translated.
Jesus autem ait illi : Vade, fides tua te salvum fecit. Et confestim vidit, et sequebatur eum in via.
This passage has not yet been translated.