Romans · 7
Verses
⋯
An ignoratis, fratres (scientibus enim legem loquor), quia lex in homine dominatur quanto tempore vivit ?
This passage has not yet been translated.
Nam quæ sub viro est mulier, vivente viro, alligata est legi : si autem mortuus fuerit vir ejus, soluta est a lege viri.
This passage has not yet been translated.
Igitur, vivente viro, vocabitur adultera si fuerit cum alio viro : si autem mortuus fuerit vir ejus, liberata est a lege viri, ut non sit adultera si fuerit cum alio viro.
This passage has not yet been translated.
Itaque fratres mei, et vos mortificati estis legi per corpus Christi : ut sitis alterius, qui ex mortuis resurrexit, ut fructificemus Deo.
This passage has not yet been translated.
Cum enim essemus in carne, passiones peccatorum, quæ per legem erant, operabantur in membris nostris, ut fructificarent morti.
This passage has not yet been translated.
Nunc autem soluti sumus a lege mortis, in qua detinebamur, ita ut serviamus in novitate spiritus, et non in vetustate litteræ.
This passage has not yet been translated.
Quid ergo dicemus ? lex peccatum est ? Absit. Sed peccatum non cognovi, nisi per legem : nam concupiscentiam nesciebam, nisi lex diceret : Non concupisces.
This passage has not yet been translated.
Occasione autem accepta, peccatum per mandatum operatum est in me omnem concupiscentiam. Sine lege enim peccatum mortuum erat.
This passage has not yet been translated.
Ego autem vivebam sine lege aliquando : sed cum venisset mandatum, peccatum revixit.
This passage has not yet been translated.
Ego autem mortuus sum : et inventum est mihi mandatum, quod erat ad vitam, hoc esse ad mortem.
This passage has not yet been translated.
Nam peccatum occasione accepta per mandatum, seduxit me, et per illud occidit.
This passage has not yet been translated.
Itaque lex quidem sancta, et mandatum sanctum, et justum, et bonum.
This passage has not yet been translated.
Quod ergo bonum est, mihi factum est mors ? Absit. Sed peccatum, ut appareat peccatum, per bonum operatum est mihi mortem : ut fiat supra modum peccans peccatum per mandatum.
This passage has not yet been translated.
Scimus enim quia lex spiritualis est : ego autem carnalis sum, venundatus sub peccato.
This passage has not yet been translated.
Quod enim operor, non intelligo : non enim quod volo bonum, hoc ago : sed quod odi malum, illud facio.
This passage has not yet been translated.
Si autem quod nolo, illud facio : consentio legi, quoniam bona est.
This passage has not yet been translated.
Nunc autem jam non ego operor illud, sed quod habitat in me peccatum.
This passage has not yet been translated.
Scio enim quia non habitat in me, hoc est in carne mea, bonum. Nam velle, adjacet mihi : perficere autem bonum, non invenio.
This passage has not yet been translated.
Non enim quod volo bonum, hoc facio : sed quod nolo malum, hoc ago.
This passage has not yet been translated.
Si autem quod nolo, illud facio : jam non ego operor illud, sed quod habitat in me, peccatum.
This passage has not yet been translated.
Invenio igitur legem, volenti mihi facere bonum, quoniam mihi malum adjacet :
This passage has not yet been translated.
condelector enim legi Dei secundum interiorem hominem :
This passage has not yet been translated.
video autem aliam legem in membris meis, repugnantem legi mentis meæ, et captivantem me in lege peccati, quæ est in membris meis.
This passage has not yet been translated.
Infelix ego homo, quis me liberabit de corpore mortis hujus ?
This passage has not yet been translated.
gratia Dei per Jesum Christum Dominum nostrum. Igitur ego ipse mente servio legi Dei : carne autem, legi peccati.
This passage has not yet been translated.