Tobit · 12
Verses
⋯
Tunc vocavit ad se Tobias filium suum, dixitque ei : Quid possumus dare viro isti sancto, qui venit tecum ?
This passage has not yet been translated.
Respondens Tobias, dixit patri suo : Pater, quam mercedem dabimus ei ? aut quid dignum poterit esse beneficiis ejus ?
This passage has not yet been translated.
Me duxit et reduxit sanum, pecuniam a Gabelo ipse recepit, uxorem ipse me habere fecit, et dæmonium ab ea ipse compescuit : gaudium parentibus ejus fecit, meipsum a devoratione piscis eripuit, te quoque videre fecit lumen cæli, et bonis omnibus per eum repleti sumus. Quid illi ad hæc poterimus dignum dare ?
This passage has not yet been translated.
Sed peto te, pater mi, ut roges eum, si forte dignabitur medietatem de omnibus quæ allata sunt, sibi assumere.
This passage has not yet been translated.
Et vocantes eum, pater scilicet et filius, tulerunt eum in partem : et rogare cœperunt ut dignaretur dimidiam partem omnium quæ attulerant acceptam habere.
This passage has not yet been translated.
Tunc dixit eis occulte : Benedicite Deum cæli, et coram omnibus viventibus confitemini ei, quia fecit vobiscum misericordiam suam.
This passage has not yet been translated.
Etenim sacramentum regis abscondere bonum est : opera autem Dei revelare et confiteri honorificum est.
This passage has not yet been translated.
Bona est oratio cum jejunio, et eleemosyna magis quam thesauros auri recondere :
This passage has not yet been translated.
quoniam eleemosyna a morte liberat, et ipsa est quæ purgat peccata, et facit invenire misericordiam et viam æternam.
This passage has not yet been translated.
Qui autem faciunt peccatum et iniquitatem, hostes sunt animæ suæ.
This passage has not yet been translated.
Manifesto ergo vobis veritatem, et non abscondam a vobis occultum sermonem.
This passage has not yet been translated.
Quando orabas cum lacrimis, et sepeliebas mortuos, et derelinquebas prandium tuum, et mortuos abscondebas per diem in domo tua, et nocte sepeliebas eos, ego obtuli orationem tuam Domino.
This passage has not yet been translated.
Et quia acceptus eras Deo, necesse fuit ut tentatio probaret te.
This passage has not yet been translated.
Et nunc misit me Dominus ut curarem te, et Saram uxorem filii tui a dæmonio liberarem.
This passage has not yet been translated.
Ego enim sum Raphaël angelus, unus ex septem qui adstamus ante Dominum.
This passage has not yet been translated.
Cumque hæc audissent, turbati sunt, et trementes ceciderunt super terram in faciem suam.
This passage has not yet been translated.
Dixitque eis angelus : Pax vobis : nolite timere.
This passage has not yet been translated.
Etenim cum essem vobiscum, per voluntatem Dei eram : ipsum benedicite, et cantate illi.
This passage has not yet been translated.
Videbar quidem vobiscum manducare et bibere : sed ego cibo invisibili, et potu qui ab hominibus videri non potest, utor.
This passage has not yet been translated.
Tempus est ergo ut revertar ad eum qui me misit : vos autem benedicite Deum, et narrate omnia mirabilia ejus.
This passage has not yet been translated.
Et cum hæc dixisset, ab aspectu eorum ablatus est, et ultra eum videre non potuerunt.
This passage has not yet been translated.
Tunc prostrati per horas tres in faciem, benedixerunt Deum : et exsurgentes narraverunt omnia mirabilia ejus.
This passage has not yet been translated.