2 Corinthians · 10
Verses
⋯
Ipse autem ego Paulus obsecro vos per mansuetudinem et modestiam Christi, qui in facie quidem humilis sum inter vos, absens autem confido in vos.
This passage has not yet been translated.
Rogo autem vos ne præsens audeam per eam confidentiam, qua existimor audere in quosdam, qui arbitrantur nos tamquam secundum carnem ambulemus.
This passage has not yet been translated.
In carne enim ambulantes, non secundum carnem militamus.
This passage has not yet been translated.
Nam arma militiæ nostræ non carnalia sunt, sed potentia Deo ad destructionem munitionum, consilia destruentes,
This passage has not yet been translated.
et omnem altitudinem extollentem se adversus scientiam Dei, et in captivitatem redigentes omnem intellectum in obsequium Christi,
This passage has not yet been translated.
et in promptu habentes ulcisci omnem inobedientiam, cum impleta fuerit vestra obedientia.
This passage has not yet been translated.
Quæ secundum faciem sunt, videte. Si quis confidit sibi Christi se esse, hoc cogitet iterum apud se : quia sicut ipse Christi est, ita et nos.
This passage has not yet been translated.
Nam etsi amplius aliquid gloriatus fuero de potestate nostra, quam dedit nobis Dominus in ædificationem, et non in destructionem vestram, non erubescam.
This passage has not yet been translated.
Ut autem non existimer tamquam terrere vos per epistolas :
This passage has not yet been translated.
quoniam quidem epistolæ, inquiunt, graves sunt et fortes : præsentia autem corporis infirma, et sermo contemptibilis :
This passage has not yet been translated.
hoc cogitet qui ejusmodi est, quia quales sumus verbo per epistolas absentes, tales et præsentes in facto.
This passage has not yet been translated.
Non enim audemus inserere, aut comparare nos quibusdam, qui seipsos commendant : sed ipsi in nobis nosmetipsos metientes, et comparantes nosmetipsos nobis.
This passage has not yet been translated.
Nos autem non in immensum gloriabimur, sed secundum mensuram regulæ, qua mensus est nobis Deus, mensuram pertingendi usque ad vos.
This passage has not yet been translated.
Non enim quasi non pertingentes ad vos, superextendimus nos : usque ad vos enim pervenimus in Evangelio Christi.
This passage has not yet been translated.
Non in immensum gloriantes in alienis laboribus : spem autem habentes crescentis fidei vestræ, in vobis magnificari secundum regulam nostram in abundantiam,
This passage has not yet been translated.
etiam in illa, quæ ultra vos sunt, evangelizare, non in aliena regula in iis quæ præparata sunt gloriari.
This passage has not yet been translated.
Qui autem gloriatur, in Domino glorietur.
This passage has not yet been translated.
Non enim qui seipsum commendat, ille probatus est : sed quem Deus commendat.
This passage has not yet been translated.