1 Kings · 4
Verses
⋯
Erat autem rex Salomon regnans super omnem Israël :
This passage has not yet been translated.
et hi principes quos habebat : Azarias filius Sadoc sacerdotis :
This passage has not yet been translated.
Elihoreph et Ahia filii Sisa scribæ : Josaphat filius Ahilud a commentariis :
This passage has not yet been translated.
Banaias filius Jojadæ super exercitum : Sadoc autem et Abiathar sacerdotes :
This passage has not yet been translated.
Azarias filius Nathan super eos qui assistebant regi : Zabud filius Nathan sacerdos, amicus regis :
This passage has not yet been translated.
et Ahisar præpositus domus : et Adoniram filius Abda super tributa.
This passage has not yet been translated.
Habebat autem Salomon duodecim præfectos super omnem Israël, qui præbebant annonam regi et domui ejus : per singulos enim menses in anno, singuli necessaria ministrabant.
This passage has not yet been translated.
Et hæc nomina eorum : Benhur in monte Ephraim.
This passage has not yet been translated.
Bendecar in Macces, et in Salebim, et in Bethsames, et in Elon, et in Bethanan.
This passage has not yet been translated.
Benhesed in Aruboth : ipsius erat Socho, et omnis terra Epher.
This passage has not yet been translated.
Benabinadab, cujus omnis Nephath Dor : Tapheth filiam Salomonis habebat uxorem.
This passage has not yet been translated.
Bana filius Ahilud regebat Thanac et Mageddo, et universam Bethsan, quæ est juxta Sarthana subter Jezrahel, a Bethsan usque Abelmehula e regione Jecmaan.
This passage has not yet been translated.
Bengaber in Ramoth Galaad : habebat Avothjair filii Manasse in Galaad : ipse præerat in omni regione Argob, quæ est in Basan, sexaginta civitatibus magnis atque muratis quæ habebant seras æreas.
This passage has not yet been translated.
Ahinadab filius Addo præerat in Manaim.
This passage has not yet been translated.
Achimaas in Nephthali : sed et ipse habebat Basemath filiam Salomonis in conjugio.
This passage has not yet been translated.
Baana filius Husi in Aser, et in Baloth.
This passage has not yet been translated.
Josaphat filius Pharue in Issachar.
This passage has not yet been translated.
Semei filius Ela in Benjamin.
This passage has not yet been translated.
Gaber filius Uri in terra Galaad, in terra Sehon regis Amorrhæi et Og regis Basan, super omnia quæ erant in illa terra.
This passage has not yet been translated.
Juda et Israël innumerabiles, sicut arena maris in multitudine : comedentes, et bibentes, atque lætantes.
This passage has not yet been translated.
Salomon autem erat in ditione sua, habens omnia regna a flumine terræ Philisthiim usque ad terminum Ægypti : offerentium sibi munera, et servientium ei cunctis diebus vitæ ejus.
This passage has not yet been translated.
Erat autem cibus Salomonis per dies singulos triginta cori similæ, et sexaginta cori farinæ,
This passage has not yet been translated.
decem boves pingues, et viginti boves pascuales, et centum arietes, excepta venatione cervorum, caprearum, atque bubalorum, et avium altilium.
This passage has not yet been translated.
Ipse enim obtinebat omnem regionem quæ erat trans flumen, a Thaphsa usque ad Gazan, et cunctos reges illarum regionum : et habebat pacem ex omni parte in circuitu.
This passage has not yet been translated.
Habitabatque Juda et Israël absque timore ullo, unusquisque sub vite sua et sub ficu sua, a Dan usque Bersabee, cunctis diebus Salomonis.
This passage has not yet been translated.
Et habebat Salomon quadraginta millia præsepia equorum currilium, et duodecim millia equestrium.
This passage has not yet been translated.
Nutriebantque eos supradicti regis præfecti : sed et necessaria mensæ regis Salomonis cum ingenti cura præbebant in tempore suo.
This passage has not yet been translated.
Hordeum quoque, et paleas equorum et jumentorum, deferebant in locum ubi erat rex, juxta constitutum sibi.
This passage has not yet been translated.
Dedit quoque Deus sapientiam Salomoni, et prudentiam multam nimis, et latitudinem cordis quasi arenam quæ est in littore maris.
This passage has not yet been translated.
Et præcedebat sapientia Salomonis sapientiam omnium Orientalium et Ægyptiorum,
This passage has not yet been translated.
et erat sapientior cunctis hominibus : sapientior Ethan Ezrahita, et Heman, et Chalcol, et Dorda filiis Mahol : et erat nominatus in universis gentibus per circuitum.
This passage has not yet been translated.
Locutus est quoque Salomon tria millia parabolas : et fuerunt carmina ejus quinque et mille.
This passage has not yet been translated.
Et disputavit super lignis a cedro quæ est in Libano, usque ad hyssopum quæ egreditur de pariete : et disseruit de jumentis, et volucribus, et reptilibus, et piscibus.
This passage has not yet been translated.
Et veniebant de cunctis populis ad audiendam sapientiam Salomonis, et ab universis regibus terræ qui audiebant sapientiam ejus.
This passage has not yet been translated.