Song of Songs · 5
Verses
⋯
Veniat dilectus meus in hortum suum, et comedat fructum pomorum suorum. Sponsus: Veni in hortum meum, soror mea, sponsa ; messui myrrham meam cum aromatibus meis ; comedi favum cum melle meo ; bibi vinum meum cum lacte meo ; comedite, amici, et bibite, et inebriamini, carissimi.
This passage has not yet been translated.
Sponsa: Ego dormio, et cor meum vigilat. Vox dilecti mei pulsantis : Sponsus: Aperi mihi, soror mea, amica mea, columba mea, immaculata mea, quia caput meum plenum est rore, et cincinni mei guttis noctium.
This passage has not yet been translated.
Sponsa: Expoliavi me tunica mea : quomodo induar illa ? lavi pedes meos : quomodo inquinabo illos ?
This passage has not yet been translated.
Dilectus meus misit manum suam per foramen, et venter meus intremuit ad tactum ejus.
This passage has not yet been translated.
Surrexi ut aperirem dilecto meo ; manus meæ stillaverunt myrrham, et digiti mei pleni myrrha probatissima.
This passage has not yet been translated.
Pessulum ostii mei aperui dilecto meo, at ille declinaverat, atque transierat. Anima mea liquefacta est, ut locutus est ; quæsivi, et non inveni illum ; vocavi, et non respondit mihi.
This passage has not yet been translated.
Invenerunt me custodes qui circumeunt civitatem ; percusserunt me, et vulneraverunt me. Tulerunt pallium meum mihi custodes murorum.
This passage has not yet been translated.
Adjuro vos, filiæ Jerusalem, si inveneritis dilectum meum, ut nuntietis ei quia amore langueo.
This passage has not yet been translated.
Chorus: Qualis est dilectus tuus ex dilecto, o pulcherrima mulierum ? qualis est dilectus tuus ex dilecto, quia sic adjurasti nos ?
This passage has not yet been translated.
Sponsa: Dilectus meus candidus et rubicundus ; electus ex millibus.
This passage has not yet been translated.
Caput ejus aurum optimum ; comæ ejus sicut elatæ palmarum, nigræ quasi corvus.
This passage has not yet been translated.
Oculi ejus sicut columbæ super rivulos aquarum, quæ lacte sunt lotæ, et resident juxta fluenta plenissima.
This passage has not yet been translated.
Genæ illius sicut areolæ aromatum, consitæ a pigmentariis. Labia ejus lilia, distillantia myrrham primam.
This passage has not yet been translated.
Manus illius tornatiles, aureæ, plenæ hyacinthis. Venter ejus eburneus, distinctus sapphiris.
This passage has not yet been translated.
Crura illius columnæ marmoreæ quæ fundatæ sunt super bases aureas. Species ejus ut Libani, electus ut cedri.
This passage has not yet been translated.
Guttur illius suavissimum, et totus desiderabilis. Talis est dilectus meus, et ipse est amicus meus, filiæ Jerusalem.
This passage has not yet been translated.
Chorus: Quo abiit dilectus tuus, o pulcherrima mulierum ? quo declinavit dilectus tuus ? et quæremus eum tecum.
This passage has not yet been translated.