Ecclesiastes · 10
Verses
⋯
Muscæ morientes perdunt suavitatem unguenti. Pretiosior est sapientia et gloria, parva et ad tempus stultitia.
This passage has not yet been translated.
Cor sapientis in dextera ejus, et cor stulti in sinistra illius.
This passage has not yet been translated.
Sed et in via stultus ambulans, cum ipse insipiens sit, omnes stultos æstimat.
This passage has not yet been translated.
Si spiritus potestatem habentis ascenderit super te, locum tuum ne demiseris, quia curatio faciet cessare peccata maxima.
This passage has not yet been translated.
Est malum quod vidi sub sole, quasi per errorem egrediens a facie principis :
This passage has not yet been translated.
positum stultum in dignitate sublimi, et divites sedere deorsum.
This passage has not yet been translated.
Vidi servos in equis, et principes ambulantes super terram quasi servos.
This passage has not yet been translated.
Qui fodit foveam incidet in eam, et qui dissipat sepem mordebit eum coluber.
This passage has not yet been translated.
Qui transfert lapides affligetur in eis, et qui scindit ligna vulnerabitur ab eis.
This passage has not yet been translated.
Si retusum fuerit ferrum, et hoc non ut prius, sed hebetatum fuerit, multo labore exacuetur, et post industriam sequetur sapientia.
This passage has not yet been translated.
Si mordeat serpens in silentio, nihil eo minus habet qui occulte detrahit.
This passage has not yet been translated.
Verba oris sapientis gratia, et labia insipientis præcipitabunt eum ;
This passage has not yet been translated.
initium verborum ejus stultitia, et novissimum oris illius error pessimus.
This passage has not yet been translated.
Stultus verba multiplicat. Ignorat homo quid ante se fuerit ; et quid post se futurum sit, quis ei poterit indicare ?
This passage has not yet been translated.
Labor stultorum affliget eos, qui nesciunt in urbem pergere.
This passage has not yet been translated.
Væ tibi, terra, cujus rex puer est, et cujus principes mane comedunt.
This passage has not yet been translated.
Beata terra cujus rex nobilis est, et cujus principes vescuntur in tempore suo, ad reficiendum, et non ad luxuriam.
This passage has not yet been translated.
In pigritiis humiliabitur contignatio, et in infirmitate manuum perstillabit domus.
This passage has not yet been translated.
In risum faciunt panem et vinum ut epulentur viventes ; et pecuniæ obediunt omnia.
This passage has not yet been translated.
In cogitatione tua regi ne detrahas, et in secreto cubiculi tui ne maledixeris diviti : quia et aves cæli portabunt vocem tuam, et qui habet pennas annuntiabit sententiam.
This passage has not yet been translated.