Ecclesiastes · 3
Verses
⋯
Omnia tempus habent, et suis spatiis transeunt universa sub cælo.
This passage has not yet been translated.
Tempus nascendi, et tempus moriendi ; tempus plantandi, et tempus evellendi quod plantatum est.
This passage has not yet been translated.
Tempus occidendi, et tempus sanandi ; tempus destruendi, et tempus ædificandi.
This passage has not yet been translated.
Tempus flendi, et tempus ridendi ; tempus plangendi, et tempus saltandi.
This passage has not yet been translated.
Tempus spargendi lapides, et tempus colligendi, tempus amplexandi, et tempus longe fieri ab amplexibus.
This passage has not yet been translated.
Tempus acquirendi, et tempus perdendi ; tempus custodiendi, et tempus abjiciendi.
This passage has not yet been translated.
Tempus scindendi, et tempus consuendi ; tempus tacendi, et tempus loquendi.
This passage has not yet been translated.
Tempus dilectionis, et tempus odii ; tempus belli, et tempus pacis.
This passage has not yet been translated.
Quid habet amplius homo de labore suo ?
This passage has not yet been translated.
Vidi afflictionem quam dedit Deus filiis hominum, ut distendantur in ea.
This passage has not yet been translated.
Cuncta fecit bona in tempore suo, et mundum tradidit disputationi eorum, ut non inveniat homo opus quod operatus est Deus ab initio usque ad finem.
This passage has not yet been translated.
Et cognovi quod non esset melius nisi lætari, et facere bene in vita sua ;
This passage has not yet been translated.
omnis enim homo qui comedit et bibit, et videt bonum de labore suo, hoc donum Dei est.
This passage has not yet been translated.
Didici quod omnia opera quæ fecit Deus perseverent in perpetuum ; non possumus eis quidquam addere, nec auferre, quæ fecit Deus ut timeatur.
This passage has not yet been translated.
Quod factum est, ipsum permanet ; quæ futura sunt jam fuerunt, et Deus instaurat quod abiit.
This passage has not yet been translated.
Vidi sub sole in loco judicii impietatem, et in loco justitiæ iniquitatem :
This passage has not yet been translated.
et dixi in corde meo : Justum et impium judicabit Deus, et tempus omnis rei tunc erit.
This passage has not yet been translated.
Dixi in corde meo de filiis hominum, ut probaret eos Deus, et ostenderet similes esse bestiis.
This passage has not yet been translated.
Idcirco unus interitus est hominis et jumentorum, et æqua utriusque conditio. Sicut moritur homo, sic et illa moriuntur. Similiter spirant omnia, et nihil habet homo jumento amplius : cuncta subjacent vanitati,
This passage has not yet been translated.
et omnia pergunt ad unum locum. De terra facta sunt, et in terram pariter revertuntur.
This passage has not yet been translated.
Quis novit si spiritus filiorum Adam ascendat sursum, et si spiritus jumentorum descendat deorsum ?
This passage has not yet been translated.
Et deprehendi nihil esse melius quam lætari hominem in opere suo, et hanc esse partem illius. Quis enim eum adducet ut post se futura cognoscat ?
This passage has not yet been translated.