Exodus · 2
Verses
⋯
Egressus est post hæc vir de domo Levi : et accepit uxorem stirpis suæ.
This passage has not yet been translated.
Quæ concepit, et peperit filium : et videns eum elegantem, abscondit tribus mensibus.
This passage has not yet been translated.
Cumque jam celare non posset, sumpsit fiscellam scirpeam, et linivit eam bitumine ac pice : posuitque intus infantulum, et exposuit eum in carecto ripæ fluminis,
This passage has not yet been translated.
stante procul sorore ejus, et considerante eventum rei.
This passage has not yet been translated.
Ecce autem descendebat filia Pharaonis ut lavaretur in flumine : et puellæ ejus gradiebantur per crepidinem alvei. Quæ cum vidisset fiscellam in papyrione, misit unam e famulabus suis : et allatam
This passage has not yet been translated.
aperiens, cernensque in ea parvulum vagientem, miserta ejus, ait : De infantibus Hebræorum est hic.
This passage has not yet been translated.
Cui soror pueri : Vis, inquit, ut vadam, et vocem tibi mulierem hebræam, quæ nutrire possit infantulum ?
This passage has not yet been translated.
Respondit : Vade. Perrexit puella et vocavit matrem suam.
This passage has not yet been translated.
Ad quam locuta filia Pharaonis : Accipe, ait, puerum istum, et nutri mihi : ego dabo tibi mercedem tuam. Suscepit mulier, et nutrivit puerum : adultumque tradidit filiæ Pharaonis.
This passage has not yet been translated.
Quem illa adoptavit in locum filii, vocavitque nomen ejus Moyses, dicens : Quia de aqua tuli eum.
This passage has not yet been translated.
In diebus illis postquam creverat Moyses, egressus est ad fratres suos : viditque afflictionem eorum, et virum ægyptium percutientem quemdam de Hebræis fratribus suis.
This passage has not yet been translated.
Cumque circumspexisset huc atque illuc, et nullum adesse vidisset, percussum Ægyptium abscondit sabulo.
This passage has not yet been translated.
Et egressus die altero conspexit duos Hebræos rixantes : dixitque ei qui faciebat injuriam : Quare percutis proximum tuum ?
This passage has not yet been translated.
Qui respondit : Quis te constituit principem et judicem super nos ? num occidere me tu vis, sicut heri occidisti Ægyptium ? Timuit Moyses, et ait : Quomodo palam factum est verbum istud ?
This passage has not yet been translated.
Audivitque Pharao sermonem hunc, et quærebat occidere Moysen : qui fugiens de conspectu ejus, moratus est in terra Madian, et sedit juxta puteum.
This passage has not yet been translated.
Erant autem sacerdoti Madian septem filiæ, quæ venerunt ad hauriendam aquam : et impletis canalibus adaquare cupiebant greges patris sui.
This passage has not yet been translated.
Supervenere pastores, et ejecerunt eas : surrexitque Moyses, et defensis puellis, adaquavit oves earum.
This passage has not yet been translated.
Quæ cum revertissent ad Raguel patrem suum, dixit ad eas : Cur velocius venistis solito ?
This passage has not yet been translated.
Responderunt : Vir ægyptius liberavit nos de manu pastorum : insuper et hausit aquam nobiscum, potumque dedit ovibus.
This passage has not yet been translated.
At ille : Ubi est ? inquit : quare dimisistis hominem ? vocate eum ut comedat panem.
This passage has not yet been translated.
Juravit ergo Moyses quod habitaret cum eo. Accepitque Sephoram filiam ejus uxorem :
This passage has not yet been translated.
quæ peperit ei filium, quem vocavit Gersam, dicens : Advena fui in terra aliena. Alterum vero peperit, quem vocavit Eliezer, dicens : Deus enim patris mei adjutor meus eripuit me de manu Pharaonis.
This passage has not yet been translated.
Post multum vero tempore mortuus est rex Ægypti : et ingemiscentes filii Israël, propter opera vociferati sunt : ascenditque clamor eorum ad Deum ab operibus.
This passage has not yet been translated.
Et audivit gemitum eorum, ac recordatus est fœderis quod pepigit cum Abraham, Isaac et Jacob.
This passage has not yet been translated.
Et respexit Dominus filios Israël et cognovit eos.
This passage has not yet been translated.