Exodus · 1
Verses
⋯
Hæc sunt nomina filiorum Israël qui ingressi sunt in Ægyptum cum Jacob : singuli cum domibus suis introierunt :
This passage has not yet been translated.
Ruben, Simeon, Levi, Judas,
This passage has not yet been translated.
Issachar, Zabulon et Benjamin,
This passage has not yet been translated.
Dan et Nephthali, Gad et Aser.
This passage has not yet been translated.
Erant igitur omnes animæ eorum qui egressi sunt de femore Jacob, septuaginta : Joseph autem in Ægypto erat.
This passage has not yet been translated.
Quo mortuo, et universis fratribus ejus, omnique cognatione illa,
This passage has not yet been translated.
filii Israël creverunt, et quasi germinantes multiplicati sunt : ac roborati nimis, impleverunt terram.
This passage has not yet been translated.
Surrexit interea rex novus super Ægyptum, qui ignorabat Joseph.
This passage has not yet been translated.
Et ait ad populum suum : Ecce, populus filiorum Israël multus, et fortior nobis est.
This passage has not yet been translated.
Venite, sapienter opprimamus eum, ne forte multiplicetur : et si ingruerit contra nos bellum, addatur inimicis nostris, expugnatisque nobis egrediatur de terra.
This passage has not yet been translated.
Præposuit itaque eis magistros operum, ut affligerent eos oneribus : ædificaveruntque urbes tabernaculorum Pharaoni, Phithom et Ramesses.
This passage has not yet been translated.
Quantoque opprimebant eos, tanto magis multiplicabantur, et crescebant :
This passage has not yet been translated.
oderantque filios Israël Ægyptii, et affligebant illudentes eis,
This passage has not yet been translated.
atque ad amaritudinem perducebant vitam eorum operibus duris luti et lateris, omnique famulatu, quo in terræ operibus premebantur.
This passage has not yet been translated.
Dixit autem rex Ægypti obstetricibus Hebræorum, quarum una vocabatur Sephora, altera Phua,
This passage has not yet been translated.
præcipiens eis : Quando obstetricabitis Hebræas, et partus tempus advenerit : si masculus fuerit, interficite eum : si femina, reservate.
This passage has not yet been translated.
Timuerunt autem obstetrices Deum, et non fecerunt juxta præceptum regis Ægypti, sed conservabant mares.
This passage has not yet been translated.
Quibus ad se accersitis, rex ait : Quidnam est hoc quod facere voluistis, ut pueros servaretis ?
This passage has not yet been translated.
Quæ responderunt : Non sunt Hebreæ sicut ægyptiæ mulieres : ipsæ enim obstetricandi habent scientiam, et priusquam veniamus ad eas, pariunt.
This passage has not yet been translated.
Bene ergo fecit Deus obstetricibus : et crevit populus, confortatusque est nimis.
This passage has not yet been translated.
Et quia timuerunt obstetrices Deum, ædificavit eis domos.
This passage has not yet been translated.
Præcepit ergo Pharao omni populo suo, dicens : Quidquid masculini sexus natum fuerit, in flumen projicite : quidquid feminini, reservate.
This passage has not yet been translated.