Ezekiel · 27
Verses
⋯
Et factum est verbum Domini ad me, dicens :
This passage has not yet been translated.
Tu ergo, fili hominis, assume super Tyrum lamentum :
This passage has not yet been translated.
et dices Tyro, quæ habitat in introitu maris, negotiationi populorum ad insulas multas : Hæc dicit Dominus Deus : O Tyre, tu dixisti : Perfecti decoris ego sum,
This passage has not yet been translated.
et in corde maris sita. Finitimi tui qui te ædificaverunt, impleverunt decorem tuum :
This passage has not yet been translated.
abietibus de Sanir exstruxerunt te cum omnibus tabulatis maris : cedrum de Libano tulerunt ut facerent tibi malum.
This passage has not yet been translated.
Quercus de Basan dolaverunt in remos tuos, et transtra tua fecerunt tibi ex ebore indico, et prætoriola de insulis Italiæ.
This passage has not yet been translated.
Byssus varia de Ægypto texta est tibi in velum ut poneretur in malo : hyacinthus et purpura de insulis Elisa facta sunt operimentum tuum.
This passage has not yet been translated.
Habitatores Sidonis et Aradii fuerunt remiges tui : sapientes tui, Tyre, facti sunt gubernatores tui.
This passage has not yet been translated.
Senes Giblii et prudentes ejus habuerunt nautas ad ministerium variæ supellectilis tuæ : omnes naves maris, et nautæ earum, fuerunt in populo negotiationis tuæ.
This passage has not yet been translated.
Persæ, et Lydii, et Libyes erant in exercitu tuo viri bellatores tui : clypeum et galeam suspenderunt in te pro ornatu tuo.
This passage has not yet been translated.
Filii Aradii cum exercitu tuo erant super muros tuos in circuitu : sed et Pigmæi qui erant in turribus tuis, pharetras suas suspenderunt in muris tuis per gyrum : ipsi compleverunt pulchritudinem tuam.
This passage has not yet been translated.
Carthaginenses negotiatores tui, a multitudine cunctarum divitiarum, argento, ferro, stanno, plumboque repleverunt nundinas tuas.
This passage has not yet been translated.
Græcia, Thubal, et Mosoch, ipsi institores tui : mancipia, et vasa ærea advexerunt populo tuo.
This passage has not yet been translated.
De domo Thogorma, equos, et equites, et mulos adduxerunt ad forum tuum.
This passage has not yet been translated.
Filii Dedan negotiatores tui ; insulæ multæ, negotiatio manus tuæ : dentes eburneos et hebeninos commutaverunt in pretio tuo.
This passage has not yet been translated.
Syrus negotiator tuus propter multitudinem operum tuorum : gemmam, et purpuram, et scutulata, et byssum, et sericum, et chodchod proposuerunt in mercatu tuo.
This passage has not yet been translated.
Juda et terra Israël, ipsi institores tui in frumento primo : balsamum, et mel, et oleum, et resinam proposuerunt in nundinis tuis.
This passage has not yet been translated.
Damascenus negotiator tuus in multitudine operum tuorum, in multitudine diversarum opum, in vino pingui, in lanis coloris optimi.
This passage has not yet been translated.
Dan, et Græcia, et Mosel, in nundinis tuis proposuerunt ferrum fabrefactum : stacte et calamus in negotiatione tua.
This passage has not yet been translated.
Dedan institores tui in tapetibus ad sedendum.
This passage has not yet been translated.
Arabia et universi principes Cedar, ipsi negotiatores manus tuæ : cum agnis, et arietibus, et hædis, venerunt ad te negotiatores tui.
This passage has not yet been translated.
Venditores Saba et Reema, ipsi negotiatores tui : cum universis primis aromatibus, et lapide pretioso, et auro, quod proposuerunt in mercatu tuo.
This passage has not yet been translated.
Haran, et Chene, et Eden, negotiatores tui ; Saba, Assur, et Chelmad venditores tui.
This passage has not yet been translated.
Ipsi negotiatores tui multifariam, involucris hyacinthi, et polymitorum, gazarumque pretiosarum, quæ obvolutæ et astrictæ erant funibus : cedros quoque habebant in negotiationibus tuis.
This passage has not yet been translated.
Naves maris, principes tui in negotiatione tua : et repleta es, et glorificata nimis in corde maris.
This passage has not yet been translated.
In aquis multis adduxerunt te remiges tui : ventus auster contrivit te in corde maris.
This passage has not yet been translated.
Divitiæ tuæ, et thesauri tui, et multiplex instrumentum tuum : nautæ tui et gubernatores tui, qui tenebant supellectilem tuam, et populo tuo præerant : viri quoque bellatores tui, qui erant in te, cum universa multitudine tua quæ est in medio tui, cadent in corde maris in die ruinæ tuæ :
This passage has not yet been translated.
a sonitu clamoris gubernatorum tuorum conturbabuntur classes.
This passage has not yet been translated.
Et descendent de navibus suis omnes qui tenebant remum : nautæ et universi gubernatores maris in terra stabunt.
This passage has not yet been translated.
Et ejulabunt super te voce magna : et clamabunt amare, et superjacient pulverem capitibus suis, et cinere conspergentur.
This passage has not yet been translated.
Et radent super te calvitium, et accingentur ciliciis : et plorabunt te in amaritudine animæ, ploratu amarissimo.
This passage has not yet been translated.
Et assument super te carmen lugubre, et plangent te : Quæ est ut Tyrus, quæ obmutuit in medio maris ?
This passage has not yet been translated.
Quæ in exitu negotiationum tuarum de mari implesti populos multos : in multitudine divitiarum tuarum, et populorum tuorum, ditasti reges terræ.
This passage has not yet been translated.
Nunc contrita es a mari : in profundis aquarum opes tuæ, et omnis multitudo tua quæ erat in medio tui, ceciderunt.
This passage has not yet been translated.
Universi habitatores insularum obstupuerunt super te, et reges earum omnes tempestate perculsi mutaverunt vultus.
This passage has not yet been translated.
Negotiatores populorum sibilaverunt super te : ad nihilum deducta es, et non eris usque in perpetuum.
This passage has not yet been translated.