Genesis · 11
Verses
⋯
Erat autem terra labii unius, et sermonum eorumdem.
This passage has not yet been translated.
Cumque proficiscerentur de oriente, invenerunt campum in terra Sennaar, et habitaverunt in eo.
This passage has not yet been translated.
Dixitque alter ad proximum suum : Venite, faciamus lateres, et coquamus eos igni. Habueruntque lateres pro saxis, et bitumen pro cæmento :
This passage has not yet been translated.
et dixerunt : Venite, faciamus nobis civitatem et turrim, cujus culmen pertingat ad cælum : et celebremus nomen nostrum antequam dividamur in universas terras.
This passage has not yet been translated.
Descendit autem Dominus ut videret civitatem et turrim, quam ædificabant filii Adam,
This passage has not yet been translated.
et dixit : Ecce, unus est populus, et unum labium omnibus : cœperuntque hoc facere, nec desistent a cogitationibus suis, donec eas opere compleant.
This passage has not yet been translated.
Venite igitur, descendamus, et confundamus ibi linguam eorum, ut non audiat unusquisque vocem proximi sui.
This passage has not yet been translated.
Atque ita divisit eos Dominus ex illo loco in universas terras, et cessaverunt ædificare civitatem.
This passage has not yet been translated.
Et idcirco vocatum est nomen ejus Babel, quia ibi confusum est labium universæ terræ : et inde dispersit eos Dominus super faciem cunctarum regionum.
This passage has not yet been translated.
Hæ sunt generationes Sem : Sem erat centum annorum quando genuit Arphaxad, biennio post diluvium.
This passage has not yet been translated.
Vixitque Sem, postquam genuit Arphaxad, quingentis annis : et genuit filios et filias.
This passage has not yet been translated.
Porro Arphaxad vixit triginta quinque annis, et genuit Sale.
This passage has not yet been translated.
Vixitque Arphaxad, postquam genuit Sale, trecentis tribus annis : et genuit filios et filias.
This passage has not yet been translated.
Sale quoque vixit triginta annis, et genuit Heber.
This passage has not yet been translated.
Vixitque Sale, postquam genuit Heber, quadringentis tribus annis : et genuit filios et filias.
This passage has not yet been translated.
Vixit autem Heber triginta quatuor annis, et genuit Phaleg.
This passage has not yet been translated.
Et vixit Heber postquam genuit Phaleg, quadringentis triginta annis : et genuit filios et filias.
This passage has not yet been translated.
Vixit quoque Phaleg triginta annis, et genuit Reu.
This passage has not yet been translated.
Vixitque Phaleg, postquam genuit Reu, ducentis novem annis : et genuit filios et filias.
This passage has not yet been translated.
Vixit autem Reu triginta duobus annis, et genuit Sarug.
This passage has not yet been translated.
Vixit quoque Reu, postquam genuit Sarug, ducentis septem annis : et genuit filios et filias.
This passage has not yet been translated.
Vixit vero Sarug triginta annis, et genuit Nachor.
This passage has not yet been translated.
Vixitque Sarug, postquam genuit Nachor, ducentis annis : et genuit filios et filias.
This passage has not yet been translated.
Vixit autem Nachor viginti novem annis, et genuit Thare.
This passage has not yet been translated.
Vixitque Nachor, postquam genuit Thare, centum decem et novem annis : et genuit filios et filias.
This passage has not yet been translated.
Vixitque Thare septuaginta annis, et genuit Abram, et Nachor, et Aran.
This passage has not yet been translated.
Hæ sunt autem generationes Thare : Thare genuit Abram, Nachor et Aran. Porro Aran genuit Lot.
This passage has not yet been translated.
Mortuusque est Aran ante Thare patrem suum, in terra nativitatis suæ, in Ur Chaldæorum.
This passage has not yet been translated.
Duxerunt autem Abram et Nachor uxores : nomen uxoris Abram, Sarai : et nomen uxoris Nachor, Melcha filia Aran, patris Melchæ, et patris Jeschæ.
This passage has not yet been translated.
Erat autem Sarai sterilis, nec habebat liberos.
This passage has not yet been translated.
Tulit itaque Thare Abram filium suum, et Lot filium Aran, filium filii sui, et Sarai nurum suam, uxorem Abram filii sui, et eduxit eos de Ur Chaldæorum, ut irent in terram Chanaan : veneruntque usque Haran, et habitaverunt ibi.
This passage has not yet been translated.
Et facti sunt dies Thare ducentorum quinque annorum, et mortuus est in Haran.
This passage has not yet been translated.