Genesis · 7
Verses
⋯
Dixitque Dominus ad eum : Ingredere tu et omnis domus tua in arcam : te enim vidi justum coram me in generatione hac.
This passage has not yet been translated.
Ex omnibus animantibus mundis tolle septena et septena, masculum et feminam : de animantibus vero immundis duo et duo, masculum et feminam.
This passage has not yet been translated.
Sed et de volatilibus cæli septena et septena, masculum et feminam : ut salvetur semen super faciem universæ terræ.
This passage has not yet been translated.
Adhuc enim, et post dies septem ego pluam super terram quadraginta diebus et quadraginta noctibus : et delebo omnem substantiam, quam feci, de superficie terræ.
This passage has not yet been translated.
Fecit ergo Noë omnia quæ mandaverat ei Dominus.
This passage has not yet been translated.
Eratque sexcentorum annorum quando diluvii aquæ inundaverunt super terram.
This passage has not yet been translated.
Et ingressus est Noë et filii ejus, uxor ejus et uxores filiorum ejus cum eo in arcam propter aquas diluvii.
This passage has not yet been translated.
De animantibus quoque mundis et immundis, et de volucribus, et ex omni quod movetur super terram,
This passage has not yet been translated.
duo et duo ingressa sunt ad Noë in arcam, masculus et femina, sicut præceperat Dominus Noë.
This passage has not yet been translated.
Cumque transissent septem dies, aquæ diluvii inundaverunt super terram.
This passage has not yet been translated.
Anno sexcentesimo vitæ Noë, mense secundo, septimodecimo die mensis, rupti sunt omnes fontes abyssi magnæ, et cataractæ cæli apertæ sunt :
This passage has not yet been translated.
et facta est pluvia super terram quadraginta diebus et quadraginta noctibus.
This passage has not yet been translated.
In articulo diei illius ingressus est Noë, et Sem, et Cham, et Japheth filii ejus ; uxor illius, et tres uxores filiorum ejus cum eis in arcam :
This passage has not yet been translated.
ipsi et omne animal secundum genus suum, universaque jumenta in genere suo, et omne quod movetur super terram in genere suo, cunctumque volatile secundum genus suum, universæ aves, omnesque volucres,
This passage has not yet been translated.
ingressæ sunt ad Noë in arcam, bina et bina ex omni carne, in qua erat spiritus vitæ.
This passage has not yet been translated.
Et quæ ingressa sunt, masculus et femina ex omni carne introierunt, sicut præceperat ei Deus : et inclusit eum Dominus deforis.
This passage has not yet been translated.
Factumque est diluvium quadraginta diebus super terram : et multiplicatæ sunt aquæ, et elevaverunt arcam in sublime a terra.
This passage has not yet been translated.
Vehementer enim inundaverunt, et omnia repleverunt in superficie terræ : porro arca ferebatur super aquas.
This passage has not yet been translated.
Et aquæ prævaluerunt nimis super terram : opertique sunt omnes montes excelsi sub universo cælo.
This passage has not yet been translated.
Quindecim cubitis altior fuit aqua super montes, quos operuerat.
This passage has not yet been translated.
Consumptaque est omnis caro quæ movebatur super terram, volucrum, animantium, bestiarum, omniumque reptilium, quæ reptant super terram : universi homines,
This passage has not yet been translated.
et cuncta, in quibus spiraculum vitæ est in terra, mortua sunt.
This passage has not yet been translated.
Et delevit omnem substantiam quæ erat super terram, ab homine usque ad pecus, tam reptile quam volucres cæli : et deleta sunt de terra. Remansit autem solus Noë, et qui cum eo erant in arca.
This passage has not yet been translated.
Obtinueruntque aquæ terram centum quinquaginta diebus.
This passage has not yet been translated.