Genesis · 8
Verses
⋯
Recordatus autem Deus Noë, cunctorumque animantium, et omnium jumentorum, quæ erant cum eo in arca, adduxit spiritum super terram, et imminutæ sunt aquæ.
This passage has not yet been translated.
Et clausi sunt fontes abyssi, et cataractæ cæli : et prohibitæ sunt pluviæ de cælo.
This passage has not yet been translated.
Reversæque sunt aquæ de terra euntes et redeuntes : et cœperunt minui post centum quinquaginta dies.
This passage has not yet been translated.
Requievitque arca mense septimo, vigesimo septimo die mensis, super montes Armeniæ.
This passage has not yet been translated.
At vero aquæ ibant et decrescebant usque ad decimum mensem : decimo enim mense, primo die mensis, apparuerunt cacumina montium.
This passage has not yet been translated.
Cumque transissent quadraginta dies, aperiens Noë fenestram arcæ, quam fecerat, dimisit corvum,
This passage has not yet been translated.
qui egrediebatur, et non revertebatur, donec siccarentur aquæ super terram.
This passage has not yet been translated.
Emisit quoque columbam post eum, ut videret si jam cessassent aquæ super faciem terræ.
This passage has not yet been translated.
Quæ cum non invenisset ubi requiesceret pes ejus, reversa est ad eum in arcam : aquæ enim erant super universam terram : extenditque manum, et apprehensam intulit in arcam.
This passage has not yet been translated.
Expectatis autem ultra septem diebus aliis, rursum dimisit columbam ex arca.
This passage has not yet been translated.
At illa venit ad eum ad vesperam, portans ramum olivæ virentibus foliis in ore suo : intellexit ergo Noë quod cessassent aquæ super terram.
This passage has not yet been translated.
Expectavitque nihilominus septem alios dies : et emisit columbam, quæ non est reversa ultra ad eum.
This passage has not yet been translated.
Igitur sexcentesimo primo anno, primo mense, prima die mensis, imminutæ sunt aquæ super terram : et aperiens Noë tectum arcæ, aspexit, viditque quod exsiccata esset superficies terræ.
This passage has not yet been translated.
Mense secundo, septimo et vigesimo die mensis arefacta est terra.
This passage has not yet been translated.
Locutus est autem Deus ad Noë, dicens :
This passage has not yet been translated.
Egredere de arca, tu et uxor tua, filii tui et uxores filiorum tuorum tecum.
This passage has not yet been translated.
Cuncta animantia, quæ sunt apud te, ex omni carne, tam in volatilibus quam in bestiis et universis reptilibus, quæ reptant super terram, educ tecum, et ingredimini super terram : crescite et multiplicamini super eam.
This passage has not yet been translated.
Egressus est ergo Noë, et filii ejus : uxor illius, et uxores filiorum ejus cum eo.
This passage has not yet been translated.
Sed et omnia animantia, jumenta, et reptilia quæ reptant super terram, secundum genus suum, egressa sunt de arca.
This passage has not yet been translated.
Ædificavit autem Noë altare Domino : et tollens de cunctis pecoribus et volucribus mundis, obtulit holocausta super altare.
This passage has not yet been translated.
Odoratusque est Dominus odorem suavitatis, et ait : Nequaquam ultra maledicam terræ propter homines : sensus enim et cogitatio humani cordis in malum prona sunt ab adolescentia sua : non igitur ultra percutiam omnem animam viventem sicut feci.
This passage has not yet been translated.
Cunctis diebus terræ, sementis et messis, frigus et æstus, æstas et hiems, nox et dies non requiescent.
This passage has not yet been translated.