Isaiah · 13
Verses
⋯
Onus Babylonis, quod vidit Isaias, filius Amos.
This passage has not yet been translated.
Super montem caliginosum levate signum : exaltate vocem, levate manum, et ingrediantur portas duces.
This passage has not yet been translated.
Ego mandavi sanctificatis meis, et vocavi fortes meos in ira mea, exsultantes in gloria mea.
This passage has not yet been translated.
Vox multitudinis in montibus, quasi populorum frequentium ; vox sonitus regum, gentium congregatarum. Dominus exercituum præcepit militiæ belli,
This passage has not yet been translated.
venientibus de terra procul, a summitate cæli ; Dominus, et vasa furoris ejus, ut disperdat omnem terram.
This passage has not yet been translated.
Ululate, quia prope est dies Domini ; quasi vastitas a Domino veniet.
This passage has not yet been translated.
Propter hoc omnes manus dissolventur, et omne cor hominis contabescet,
This passage has not yet been translated.
et conteretur. Torsiones et dolores tenebunt ; quasi parturiens dolebunt : unusquisque ad proximum suum stupebit, facies combustæ vultus eorum.
This passage has not yet been translated.
Ecce dies Domini veniet, crudelis, et indignationis plenus, et iræ, furorisque, ad ponendam terram in solitudinem, et peccatores ejus conterendos de ea.
This passage has not yet been translated.
Quoniam stellæ cæli, et splendor earum, non expandent lumen suum ; obtenebratus est sol in ortu suo, et luna non splendebit in lumine suo.
This passage has not yet been translated.
Et visitabo super orbis mala, et contra impios iniquitatem eorum ; et quiescere faciam superbiam infidelium, et arrogantiam fortium humiliabo.
This passage has not yet been translated.
Pretiosior erit vir auro, et homo mundo obrizo.
This passage has not yet been translated.
Super hoc cælum turbabo ; et movebitur terra de loco suo, propter indignationem Domini exercituum, et propter diem iræ furoris ejus.
This passage has not yet been translated.
Et erit quasi damula fugiens, et quasi ovis, et non erit qui congreget. Unusquisque ad populum suum convertetur, et singuli ad terram suam fugient.
This passage has not yet been translated.
Omnis qui inventus fuerit occidetur, et omnis qui supervenerit cadet in gladio ;
This passage has not yet been translated.
infantes eorum allidentur in oculis eorum, diripientur domus eorum, et uxores eorum violabuntur.
This passage has not yet been translated.
Ecce ego suscitabo super eos Medos, qui argentum non quærant, nec aurum velint ;
This passage has not yet been translated.
sed sagittis parvulos interficient, et lactantibus uteris non miserebuntur, et super filios non parcet oculus eorum.
This passage has not yet been translated.
Et erit Babylon illa gloriosa in regnis, inclyta superbia Chaldæorum, sicut subvertit Dominus Sodomam et Gomorrham.
This passage has not yet been translated.
Non habitabitur usque in finem, et non fundabitur usque ad generationem et generationem ; nec ponet ibi tentoria Arabs, nec pastores requiescent ibi.
This passage has not yet been translated.
Sed requiescent ibi bestiæ, et replebuntur domus eorum draconibus, et habitabunt ibi struthiones, et pilosi saltabunt ibi ;
This passage has not yet been translated.
et respondebunt ibi ululæ in ædibus ejus, et sirenes in delubris voluptatis.
This passage has not yet been translated.