John · 6
Verses
⋯
Post hæc abiit Jesus trans mare Galilææ, quod est Tiberiadis :
This passage has not yet been translated.
et sequebatur eum multitudo magna, quia videbant signa quæ faciebat super his qui infirmabantur.
This passage has not yet been translated.
Subiit ergo in montem Jesus et ibi sedebat cum discipulis suis.
This passage has not yet been translated.
Erat autem proximum Pascha dies festus Judæorum.
This passage has not yet been translated.
Cum sublevasset ergo oculos Jesus, et vidisset quia multitudo maxima venit ad eum, dixit ad Philippum : Unde ememus panes, ut manducent hi ?
This passage has not yet been translated.
Hoc autem dicebat tentans eum : ipse enim sciebat quid esset facturus.
This passage has not yet been translated.
Respondit ei Philippus : Ducentorum denariorum panes non sufficiunt eis, ut unusquisque modicum quid accipiat.
This passage has not yet been translated.
Dicit ei unus ex discipulis ejus, Andreas, frater Simonis Petri :
This passage has not yet been translated.
Est puer unus hic qui habet quinque panes hordeaceos et duos pisces : sed hæc quid sunt inter tantos ?
This passage has not yet been translated.
Dixit ergo Jesus : Facite homines discumbere. Erat autem fœnum multum in loco. Discubuerunt ergo viri, numero quasi quinque millia.
This passage has not yet been translated.
Accepit ergo Jesus panes : et cum gratias egisset, distribuit discumbentibus : similiter et ex piscibus quantum volebant.
This passage has not yet been translated.
Ut autem impleti sunt, dixit discipulis suis : Colligite quæ superaverunt fragmenta, ne pereant.
This passage has not yet been translated.
Collegerunt ergo, et impleverunt duodecim cophinos fragmentorum ex quinque panibus hordeaceis, quæ superfuerunt his qui manducaverant.
This passage has not yet been translated.
Illi ergo homines cum vidissent quod Jesus fecerat signum, dicebant : Quia hic est vere propheta, qui venturus est in mundum.
This passage has not yet been translated.
Jesus ergo cum cognovisset quia venturi essent ut raperent eum, et facerent eum regem, fugit iterum in montem ipse solus.
This passage has not yet been translated.
Ut autem sero factum est, descenderunt discipuli ejus ad mare.
This passage has not yet been translated.
Et cum ascendissent navim, venerunt trans mare in Capharnaum : et tenebræ jam factæ erant et non venerat ad eos Jesus.
This passage has not yet been translated.
Mare autem, vento magno flante, exsurgebat.
This passage has not yet been translated.
Cum remigassent ergo quasi stadia viginti quinque aut triginta, vident Jesum ambulantem supra mare, et proximum navi fieri, et timuerunt.
This passage has not yet been translated.
Ille autem dicit eis : Ego sum, nolite timere.
This passage has not yet been translated.
Voluerunt ergo accipere eum in navim et statim navis fuit ad terram, in quam ibant.
This passage has not yet been translated.
Altera die, turba, quæ stabat trans mare, vidit quia navicula alia non erat ibi nisi una, et quia non introisset cum discipulis suis Jesus in navim, sed soli discipuli ejus abiissent :
This passage has not yet been translated.
aliæ vero supervenerunt naves a Tiberiade juxta locum ubi manducaverant panem, gratias agente Domino.
This passage has not yet been translated.
Cum ergo vidisset turba quia Jesus non esset ibi, neque discipuli ejus, ascenderunt in naviculas, et venerunt Capharnaum quærentes Jesum.
This passage has not yet been translated.
Et cum invenissent eum trans mare, dixerunt ei : Rabbi, quando huc venisti ?
This passage has not yet been translated.
Respondit eis Jesus, et dixit : Amen, amen dico vobis : quæritis me non quia vidistis signa, sed quia manducastis ex panibus et saturati estis.
This passage has not yet been translated.
Operamini non cibum, qui perit, sed qui permanet in vitam æternam, quem Filius hominis dabit vobis. Hunc enim Pater signavit Deus.
This passage has not yet been translated.
Dixerunt ergo ad eum : Quid faciemus ut operemur opera Dei ?
This passage has not yet been translated.
Respondit Jesus, et dixit eis : Hoc est opus Dei, ut credatis in eum quem misit ille.
This passage has not yet been translated.
Dixerunt ergo ei : Quod ergo tu facis signum ut videamus et credamus tibi ? quid operaris ?
This passage has not yet been translated.
Patres nostri manducaverunt manna in deserto, sicut scriptum est : Panem de cælo dedit eis manducare.
This passage has not yet been translated.
Dixit ergo eis Jesus : Amen, amen dico vobis : non Moyses dedit vobis panem de cælo, sed Pater meus dat vobis panem de cælo verum.
This passage has not yet been translated.
Panis enim Dei est, qui de cælo descendit, et dat vitam mundo.
This passage has not yet been translated.
Dixerunt ergo ad eum : Domine, semper da nobis panem hunc.
This passage has not yet been translated.
Dixit autem eis Jesus : Ego sum panis vitæ : qui venit ad me, non esuriet, et qui credit in me, non sitiet umquam.
This passage has not yet been translated.
Sed dixi vobis quia et vidistis me, et non creditis.
This passage has not yet been translated.
Omne quod dat mihi Pater, ad me veniet : et eum qui venit ad me, non ejiciam foras :
This passage has not yet been translated.
quia descendi de cælo, non ut faciam voluntatem meam, sed voluntatem ejus qui misit me.
This passage has not yet been translated.
Hæc est autem voluntas ejus qui misit me, Patris : ut omne quod dedit mihi, non perdam ex eo, sed resuscitem illud in novissimo die.
This passage has not yet been translated.
Hæc est autem voluntas Patris mei, qui misit me : ut omnis qui videt Filium et credit in eum, habeat vitam æternam, et ego resuscitabo eum in novissimo die.
This passage has not yet been translated.
Murmurabant ergo Judæi de illo, quia dixisset : Ego sum panis vivus, qui de cælo descendi,
This passage has not yet been translated.
et dicebant : Nonne hic est Jesus filius Joseph, cujus nos novimus patrem et matrem ? quomodo ergo dicit hic : Quia de cælo descendi ?
This passage has not yet been translated.
Respondit ergo Jesus, et dixit eis : Nolite murmurare in invicem :
This passage has not yet been translated.
nemo potest venire ad me, nisi Pater, qui misit me, traxerit eum ; et ego resuscitabo eum in novissimo die.
This passage has not yet been translated.
Est scriptum in prophetis : Et erunt omnes docibiles Dei. Omnis qui audivit a Patre, et didicit, venit ad me.
This passage has not yet been translated.
Non quia Patrem vidit quisquam, nisi is, qui est a Deo, hic vidit Patrem.
This passage has not yet been translated.
Amen, amen dico vobis : qui credit in me, habet vitam æternam.
This passage has not yet been translated.
Ego sum panis vitæ.
This passage has not yet been translated.
Patres vestri manducaverunt manna in deserto, et mortui sunt.
This passage has not yet been translated.
Hic est panis de cælo descendens : ut si quis ex ipso manducaverit, non moriatur.
This passage has not yet been translated.
Ego sum panis vivus, qui de cælo descendi.
This passage has not yet been translated.
Si quis manducaverit ex hoc pane, vivet in æternum : et panis quem ego dabo, caro mea est pro mundi vita.
This passage has not yet been translated.
Litigabant ergo Judæi ad invicem, dicentes : Quomodo potest hic nobis carnem suam dare ad manducandum ?
This passage has not yet been translated.
Dixit ergo eis Jesus : Amen, amen dico vobis : nisi manducaveritis carnem Filii hominis, et biberitis ejus sanguinem, non habebitis vitam in vobis.
This passage has not yet been translated.
Qui manducat meam carnem, et bibit meum sanguinem, habet vitam æternam : et ego resuscitabo eum in novissimo die.
This passage has not yet been translated.
Caro enim mea vere est cibus : et sanguis meus, vere est potus ;
This passage has not yet been translated.
qui manducat meam carnem et bibit meum sanguinem, in me manet, et ego in illo.
This passage has not yet been translated.
Sicut misit me vivens Pater, et ego vivo propter Patrem : et qui manducat me, et ipse vivet propter me.
This passage has not yet been translated.
Hic est panis qui de cælo descendit. Non sicut manducaverunt patres vestri manna, et mortui sunt. Qui manducat hunc panem, vivet in æternum.
This passage has not yet been translated.
Hæc dixit in synagoga docens, in Capharnaum.
This passage has not yet been translated.
Multi ergo audientes ex discipulis ejus, dixerunt : Durus est hic sermo, et quis potest eum audire ?
This passage has not yet been translated.
Sciens autem Jesus apud semetipsum quia murmurarent de hoc discipuli ejus, dixit eis : Hoc vos scandalizat ?
This passage has not yet been translated.
si ergo videritis Filium hominis ascendentem ubi erat prius ?
This passage has not yet been translated.
Spiritus est qui vivificat : caro non prodest quidquam : verba quæ ego locutus sum vobis, spiritus et vita sunt.
This passage has not yet been translated.
Sed sunt quidam ex vobis qui non credunt. Sciebat enim ab initio Jesus qui essent non credentes, et quis traditurus esset eum.
This passage has not yet been translated.
Et dicebat : Propterea dixi vobis, quia nemo potest venire ad me, nisi fuerit ei datum a Patre meo.
This passage has not yet been translated.
Ex hoc multi discipulorum ejus abierunt retro : et jam non cum illo ambulabant.
This passage has not yet been translated.
Dixit ergo Jesus ad duodecim : Numquid et vos vultis abire ?
This passage has not yet been translated.
Respondit ergo ei Simon Petrus : Domine, ad quem ibimus ? verba vitæ æternæ habes :
This passage has not yet been translated.
et nos credidimus, et cognovimus quia tu es Christus Filius Dei.
This passage has not yet been translated.
Respondit eis Jesus : Nonne ego vos duodecim elegi : et ex vobis unus diabolus est ?
This passage has not yet been translated.
Dicebat autem Judam Simonis Iscariotem : hic enim erat traditurus eum, cum esset unus ex duodecim.
This passage has not yet been translated.