Job · 7
Verses
⋯
Militia est vita hominis super terram, et sicut dies mercenarii dies ejus.
This passage has not yet been translated.
Sicut servus desiderat umbram, et sicut mercenarius præstolatur finem operis sui,
This passage has not yet been translated.
sic et ego habui menses vacuos, et noctes laboriosas enumeravi mihi.
This passage has not yet been translated.
Si dormiero, dicam : Quando consurgam ? et rursum expectabo vesperam, et replebor doloribus usque ad tenebras.
This passage has not yet been translated.
Induta est caro mea putredine, et sordibus pulveris cutis mea aruit et contracta est.
This passage has not yet been translated.
Dies mei velocius transierunt quam a texente tela succiditur, et consumpti sunt absque ulla spe.
This passage has not yet been translated.
Memento quia ventus est vita mea, et non revertetur oculus meus ut videat bona.
This passage has not yet been translated.
Nec aspiciet me visus hominis ; oculi tui in me, et non subsistam.
This passage has not yet been translated.
Sicut consumitur nubes, et pertransit, sic qui descenderit ad inferos, non ascendet.
This passage has not yet been translated.
Nec revertetur ultra in domum suam, neque cognoscet eum amplius locus ejus.
This passage has not yet been translated.
Quapropter et ego non parcam ori meo : loquar in tribulatione spiritus mei ; confabulabor cum amaritudine animæ meæ.
This passage has not yet been translated.
Numquid mare ego sum, aut cetus, quia circumdedisti me carcere ?
This passage has not yet been translated.
Si dixero : Consolabitur me lectulus meus, et relevabor loquens mecum in strato meo :
This passage has not yet been translated.
terrebis me per somnia, et per visiones horrore concuties.
This passage has not yet been translated.
Quam ob rem elegit suspendium anima mea, et mortem ossa mea.
This passage has not yet been translated.
Desperavi : nequaquam ultra jam vivam : parce mihi, nihil enim sunt dies mei.
This passage has not yet been translated.
Quid est homo, quia magnificas eum ? aut quid apponis erga eum cor tuum ?
This passage has not yet been translated.
Visitas eum diluculo, et subito probas illum.
This passage has not yet been translated.
Usquequo non parcis mihi, nec dimittis me ut glutiam salivam meam ?
This passage has not yet been translated.
Peccavi ; quid faciam tibi, o custos hominum ? quare posuisti me contrarium tibi, et factus sum mihimetipsi gravis ?
This passage has not yet been translated.
Cur non tollis peccatum meum, et quare non aufers iniquitatem meam ? ecce nunc in pulvere dormiam, et si mane me quæsieris, non subsistam.
This passage has not yet been translated.