Jeremiah · 48
Verses
⋯
Ad Moab. Hæc dicit Dominus exercituum, Deus Israël : Væ super Nabo, quoniam vastata est, et confusa ! capta est Cariathaim, confusa est fortis, et tremuit.
This passage has not yet been translated.
Non est ultra exsultatio in Moab contra Hesebon : cogitaverunt malum : Venite, et disperdamus eam de gente. Ergo silens conticesces, sequeturque te gladius.
This passage has not yet been translated.
Vox clamoris de Oronaim, vastitas et contritio magna.
This passage has not yet been translated.
Contrita est Moab : annuntiate clamorem parvulis ejus.
This passage has not yet been translated.
Per ascensum enim Luith plorans ascendet in fletu, quoniam in descensu Oronaim hostes ululatum contritionis audierunt.
This passage has not yet been translated.
Fugite, salvate animas vestras, et eritis quasi myricæ in deserto :
This passage has not yet been translated.
pro eo enim quod habuisti fiduciam in munitionibus tuis et in thesauris tuis, tu quoque capieris : et ibit Chamos in transmigrationem, sacerdotes ejus et principes ejus simul.
This passage has not yet been translated.
Et veniet prædo ad omnem urbem, et urbs nulla salvabitur : et peribunt valles, et dissipabuntur campestria, quoniam dixit Dominus :
This passage has not yet been translated.
Date florem Moab, quia florens egredietur : et civitates ejus desertæ erunt, et inhabitabiles.
This passage has not yet been translated.
Maledictus qui facit opus Domini fraudulenter, et maledictus qui prohibet gladium suum a sanguine.
This passage has not yet been translated.
Fertilis fuit Moab ab adolescentia sua, et requievit in fæcibus suis : nec transfusus est de vase in vas, et in transmigrationem non abiit : idcirco permansit gustus ejus in eo, et odor ejus non est immutatus.
This passage has not yet been translated.
Propterea ecce dies veniunt, dicit Dominus, et mittam ei ordinatores et stratores laguncularum : et sternent eum, et vasa ejus exhaurient, et lagunculas eorum collident.
This passage has not yet been translated.
Et confundetur Moab a Chamos sicut confusa est domus Israël a Bethel, in qua habebat fiduciam.
This passage has not yet been translated.
Quomodo dicitis : Fortes sumus, et viri robusti ad præliandum ?
This passage has not yet been translated.
Vastata est Moab, et civitates illius succiderunt, et electi juvenes ejus descenderunt in occisionem, ait Rex : Dominus exercituum nomen ejus.
This passage has not yet been translated.
Prope est interitus Moab ut veniat, et malum ejus velociter accurret nimis.
This passage has not yet been translated.
Consolamini eum, omnes qui estis in circuitu ejus : et universi qui scitis nomen ejus, dicite : Quomodo confracta est virga fortis, baculus gloriosus ?
This passage has not yet been translated.
Descende de gloria, et sede in siti, habitatio filiæ Dibon, quoniam vastator Moab ascendit ad te : dissipavit munitiones tuas.
This passage has not yet been translated.
In via sta, et prospice, habitatio Aroër : interroga fugientem, et ei qui evasit dic : Quid accidit ?
This passage has not yet been translated.
Confusus est Moab, quoniam victus est. Ululate, et clamate : annuntiate in Arnon, quoniam vastata est Moab,
This passage has not yet been translated.
et judicium venit ad terram campestrem, super Helon, et super Jasa, et super Mephaath,
This passage has not yet been translated.
et super Dibon, et super Nabo, et super domum Deblathaim,
This passage has not yet been translated.
et super Cariathaim, et super Bethgamul, et super Bethmaon,
This passage has not yet been translated.
et super Carioth, et super Bosra, et super omnes civitates terræ Moab, quæ longe et quæ prope sunt.
This passage has not yet been translated.
Abscissum est cornu Moab, et brachium ejus contritum est, ait Dominus.
This passage has not yet been translated.
Inebriate eum, quoniam contra Dominum erectus est : et allidet manum Moab in vomitu suo, et erit in derisum etiam ipse.
This passage has not yet been translated.
Fuit enim in derisum tibi Israël : quasi inter fures reperisses eum : propter verba ergo tua quæ adversum illum locutus es, captivus duceris.
This passage has not yet been translated.
Relinquite civitates, et habitate in petra, habitatores Moab : et estote quasi columba nidificans in summo ore foraminis.
This passage has not yet been translated.
Audivimus superbiam Moab : superbus est valde : sublimitatem ejus, et arrogantiam, et superbiam, et altitudinem cordis ejus.
This passage has not yet been translated.
Ego scio, ait Dominus, jactantiam ejus, et quod non sit juxta eam virtus ejus, nec juxta quod poterat conata sit facere.
This passage has not yet been translated.
Ideo super Moab ejulabo, et ad Moab universam clamabo, ad viros muri fictilis lamentantes :
This passage has not yet been translated.
de planctu Jazer plorabo tibi, vinea Sabama. Propagines tuæ transierunt mare ; usque ad mare Jazer pervenerunt : super messem tuam et vindemiam tuam prædo irruit.
This passage has not yet been translated.
Ablata est lætitia et exsultatio de Carmelo et de terra Moab, et vinum de torcularibus sustuli : nequaquam calcator uvæ solitum celeuma cantabit.
This passage has not yet been translated.
De clamore Hesebon usque Eleale et Jasa, dederunt vocem suam ; a Segor usque ad Oronaim, vitula conternante : aquæ quoque Nemrim pessimæ erunt.
This passage has not yet been translated.
Et auferam de Moab, ait Dominus, offerentem in excelsis, et sacrificantem diis ejus.
This passage has not yet been translated.
Propterea cor meum ad Moab quasi tibiæ resonabit, et cor meum ad viros muri fictilis dabit sonitum tibiarum : quia plus fecit quam potuit, idcirco perierunt.
This passage has not yet been translated.
Omne enim caput calvitium, et omnis barba rasa erit : in cunctis manibus colligatio, et super omne dorsum cilicium :
This passage has not yet been translated.
super omnia tecta Moab, et in plateis ejus, omnis planctus : quoniam contrivi Moab sicut vas inutile, ait Dominus.
This passage has not yet been translated.
Quomodo victa est, et ululaverunt ? quomodo dejecit cervicem Moab, et confusus est ? eritque Moab in derisum, et in exemplum omnibus in circuitu suo.
This passage has not yet been translated.
Hæc dicit Dominus : Ecce quasi aquila volabit, et extendet alas suas ad Moab.
This passage has not yet been translated.
Capta est Carioth, et munitiones comprehensæ sunt : et erit cor fortium Moab in die illa sicut cor mulieris parturientis,
This passage has not yet been translated.
et cessabit Moab esse populus, quoniam contra Dominum gloriatus est.
This passage has not yet been translated.
Pavor, et fovea, et laqueus super te, o habitator Moab, dicit Dominus.
This passage has not yet been translated.
Qui fugerit a facie pavoris cadet in foveam, et qui conscenderit de fovea capietur laqueo : adducam enim super Moab annum visitationis eorum, ait Dominus.
This passage has not yet been translated.
In umbra Hesebon steterunt de laqueo fugientes, quia ignis egressus est de Hesebon, et flamma de medio Seon : et devorabit partem Moab, et verticem filiorum tumultus.
This passage has not yet been translated.
Væ tibi, Moab : periisti, popule Chamos, quia comprehensi sunt filii tui et filiæ tuæ in captivitatem.
This passage has not yet been translated.
Et convertam captivitatem Moab in novissimis diebus, ait Dominus. Hucusque judicia Moab.
This passage has not yet been translated.