Luke · 10
Verses
⋯
Post hæc autem designavit Dominus et alios septuaginta duos : et misit illos binos ante faciem suam in omnem civitatem et locum, quo erat ipse venturus.
This passage has not yet been translated.
Et dicebat illis : Messis quidem multa, operarii autem pauci. Rogate ergo dominum messis ut mittat operarios in messem suam.
This passage has not yet been translated.
Ite : ecce ego mitto vos sicut agnos inter lupos.
This passage has not yet been translated.
Nolite portare sacculum, neque peram, neque calceamenta, et neminem per viam salutaveritis.
This passage has not yet been translated.
In quamcumque domum intraveritis, primum dicite : Pax huic domui :
This passage has not yet been translated.
et si ibi fuerit filius pacis, requiescet super illum pax vestra : sin autem, ad vos revertetur.
This passage has not yet been translated.
In eadem autem domo manete, edentes et bibentes quæ apud illos sunt : dignus est enim operarius mercede sua. Nolite transire de domo in domum.
This passage has not yet been translated.
Et in quamcumque civitatem intraveritis, et susceperint vos, manducate quæ apponuntur vobis :
This passage has not yet been translated.
et curate infirmos, qui in illa sunt, et dicite illis : Appropinquavit in vos regnum Dei.
This passage has not yet been translated.
In quamcumque autem civitatem intraveritis, et non susceperint vos, exeuntes in plateas ejus, dicite :
This passage has not yet been translated.
Etiam pulverem, qui adhæsit nobis de civitate vestra, extergimus in vos : tamen hoc scitote, quia appropinquavit regnum Dei.
This passage has not yet been translated.
Dico vobis, quia Sodomis in die illa remissius erit, quam illi civitati.
This passage has not yet been translated.
Væ tibi Corozain ! væ tibi Bethsaida ! quia si in Tyro et Sidone factæ fuissent virtutes quæ factæ sunt in vobis, olim in cilicio et cinere sedentes pœniterent.
This passage has not yet been translated.
Verumtamen Tyro et Sidoni remissius erit in judicio, quam vobis.
This passage has not yet been translated.
Et tu Capharnaum, usque ad cælum exaltata, usque ad infernum demergeris.
This passage has not yet been translated.
Qui vos audit, me audit : et qui vos spernit, me spernit. Qui autem me spernit, spernit eum qui misit me.
This passage has not yet been translated.
Reversi sunt autem septuaginta duo cum gaudio, dicentes : Domine, etiam dæmonia subjiciuntur nobis in nomine tuo.
This passage has not yet been translated.
Et ait illis : Videbam Satanam sicut fulgor de cælo cadentem.
This passage has not yet been translated.
Ecce dedi vobis potestatem calcandi supra serpentes, et scorpiones, et super omnem virtutem inimici : et nihil vobis nocebit.
This passage has not yet been translated.
Verumtamen in hoc nolite gaudere quia spiritus vobis subjiciuntur : gaudete autem, quod nomina vestra scripta sunt in cælis.
This passage has not yet been translated.
In ipsa hora exsultavit Spiritu Sancto, et dixit : Confiteor tibi Pater, Domine cæli et terræ, quod abscondisti hæc a sapientibus et prudentibus, et revelasti ea parvulis. Etiam Pater : quoniam sic placuit ante te.
This passage has not yet been translated.
Omnia mihi tradita sunt a Patre meo. Et nemo scit quis sit Filius, nisi Pater : et quis sit Pater, nisi Filius, et cui voluerit Filius revelare.
This passage has not yet been translated.
Et conversus ad discipulos suos, dixit : Beati oculi qui vident quæ vos videtis.
This passage has not yet been translated.
Dico enim vobis quod multi prophetæ et reges voluerunt videre quæ vos videtis, et non viderunt : et audire quæ auditis, et non audierunt.
This passage has not yet been translated.
Et ecce quidam legisperitus surrexit tentans illum, et dicens : Magister, quid faciendo vitam æternam possidebo ?
This passage has not yet been translated.
At ille dixit ad eum : In lege quid scriptum est ? quomodo legis ?
This passage has not yet been translated.
Ille respondens dixit : Diliges Dominum Deum tuum ex toto corde tuo, et ex tota anima tua, et ex omnibus virtutibus tuis, et ex omni mente tua : et proximum tuum sicut teipsum.
This passage has not yet been translated.
Dixitque illi : Recte respondisti : hoc fac, et vives.
This passage has not yet been translated.
Ille autem volens justificare seipsum, dixit ad Jesum : Et quis est meus proximus ?
This passage has not yet been translated.
Suscipiens autem Jesus, dixit : Homo quidam descendebat ab Jerusalem in Jericho, et incidit in latrones, qui etiam despoliaverunt eum : et plagis impositis abierunt semivivo relicto.
This passage has not yet been translated.
Accidit autem ut sacerdos quidam descenderet eadem via : et viso illo præterivit.
This passage has not yet been translated.
Similiter et Levita, cum esset secus locum, et videret eum, pertransiit.
This passage has not yet been translated.
Samaritanus autem quidam iter faciens, venit secus eum : et videns eum, misericordia motus est.
This passage has not yet been translated.
Et appropians alligavit vulnera ejus, infundens oleum et vinum : et imponens illum in jumentum suum, duxit in stabulum, et curam ejus egit.
This passage has not yet been translated.
Et altera die protulit duos denarios, et dedit stabulario, et ait : Curam illius habe : et quodcumque supererogaveris, ego cum rediero reddam tibi.
This passage has not yet been translated.
Quis horum trium videtur tibi proximus fuisse illi, qui incidit in latrones ?
This passage has not yet been translated.
At ille dixit : Qui fecit misericordiam in illum. Et ait illi Jesus : Vade, et tu fac similiter.
This passage has not yet been translated.
Factum est autem, dum irent, et ipse intravit in quoddam castellum : et mulier quædam, Martha nomine, excepit illum in domum suam,
This passage has not yet been translated.
et huic erat soror nomine Maria, quæ etiam sedens secus pedes Domini, audiebat verbum illius.
This passage has not yet been translated.
Martha autem satagebat circa frequens ministerium : quæ stetit, et ait : Domine, non est tibi curæ quod soror mea reliquit me solam ministrare ? dic ergo illi ut me adjuvet.
This passage has not yet been translated.
Et respondens dixit illi Dominus : Martha, Martha, sollicita es, et turbaris erga plurima,
This passage has not yet been translated.
porro unum est necessarium. Maria optimam partem elegit, quæ non auferetur ab ea.
This passage has not yet been translated.