Luke · 21
Verses
⋯
Respiciens autem, vidit eos qui mittebant munera sua in gazophylacium, divites.
This passage has not yet been translated.
Vidit autem et quamdam viduam pauperculam mittentem æra minuta duo.
This passage has not yet been translated.
Et dixit : Vere dico vobis, quia vidua hæc pauper plus quam omnes misit.
This passage has not yet been translated.
Nam omnes hi ex abundanti sibi miserunt in munera Dei : hæc autem ex eo quod deest illi, omnem victum suum quem habuit, misit.
This passage has not yet been translated.
Et quibusdam dicentibus de templo quod bonis lapidibus et donis ornatum esset, dixit :
This passage has not yet been translated.
Hæc quæ videtis, venient dies in quibus non relinquetur lapis super lapidem, qui non destruatur.
This passage has not yet been translated.
Interrogaverunt autem illum, dicentes : Præceptor, quando hæc erunt, et quod signum cum fieri incipient ?
This passage has not yet been translated.
Qui dixit : Videte ne seducamini : multi enim venient in nomine meo, dicentes quia ego sum : et tempus appropinquavit : nolite ergo ire post eos.
This passage has not yet been translated.
Cum autem audieritis prælia et seditiones, nolite terreri : oportet primum hæc fieri, sed nondum statim finis.
This passage has not yet been translated.
Tunc dicebat illis : Surget gens contra gentem, et regnum adversus regnum.
This passage has not yet been translated.
Et terræmotus magni erunt per loca, et pestilentiæ, et fames, terroresque de cælo, et signa magna erunt.
This passage has not yet been translated.
Sed ante hæc omnia injicient vobis manus suas, et persequentur tradentes in synagogas et custodias, trahentes ad reges et præsides propter nomen meum :
This passage has not yet been translated.
continget autem vobis in testimonium.
This passage has not yet been translated.
Ponite ergo in cordibus vestris non præmeditari quemadmodum respondeatis :
This passage has not yet been translated.
ego enim dabo vobis os et sapientiam, cui non poterunt resistere et contradicere omnes adversarii vestri.
This passage has not yet been translated.
Trademini autem a parentibus, et fratribus, et cognatis, et amicis, et morte afficient ex vobis :
This passage has not yet been translated.
et eritis odio omnibus propter nomen meum :
This passage has not yet been translated.
et capillus de capite vestro non peribit.
This passage has not yet been translated.
In patientia vestra possidebitis animas vestras.
This passage has not yet been translated.
Cum autem videritis circumdari ab exercitu Jerusalem, tunc scitote quia appropinquavit desolatio ejus :
This passage has not yet been translated.
tunc qui in Judæa sunt, fugiant ad montes, et qui in medio ejus, discedant : et qui in regionibus, non intrent in eam,
This passage has not yet been translated.
quia dies ultionis hi sunt, ut impleantur omnia quæ scripta sunt.
This passage has not yet been translated.
Væ autem prægnantibus et nutrientibus in illis diebus ! erit enim pressura magna super terram, et ira populo huic.
This passage has not yet been translated.
Et cadent in ore gladii, et captivi ducentur in omnes gentes, et Jerusalem calcabitur a gentibus, donec impleantur tempora nationum.
This passage has not yet been translated.
Et erunt signa in sole, et luna, et stellis, et in terris pressura gentium præ confusione sonitus maris, et fluctuum :
This passage has not yet been translated.
arescentibus hominibus præ timore, et exspectatione, quæ supervenient universo orbi : nam virtutes cælorum movebuntur :
This passage has not yet been translated.
et tunc videbunt Filium hominis venientem in nube cum potestate magna et majestate.
This passage has not yet been translated.
His autem fieri incipientibus, respicite, et levate capita vestra : quoniam appropinquat redemptio vestra.
This passage has not yet been translated.
Et dixit illis similitudinem : Videte ficulneam, et omnes arbores :
This passage has not yet been translated.
cum producunt jam ex se fructum, scitis quoniam prope est æstas.
This passage has not yet been translated.
Ita et vos cum videritis hæc fieri, scitote quoniam prope est regnum Dei.
This passage has not yet been translated.
Amen dico vobis, quia non præteribit generatio hæc, donec omnia fiant.
This passage has not yet been translated.
Cælum et terra transibunt : verba autem mea non transibunt.
This passage has not yet been translated.
Attendite autem vobis, ne forte graventur corda vestra in crapula, et ebrietate, et curis hujus vitæ, et superveniat in vos repentina dies illa :
This passage has not yet been translated.
tamquam laqueus enim superveniet in omnes qui sedent super faciem omnis terræ.
This passage has not yet been translated.
Vigilate itaque, omni tempore orantes, ut digni habeamini fugere ista omnia quæ futura sunt, et stare ante Filium hominis.
This passage has not yet been translated.
Erat autem diebus docens in templo : noctibus vero exiens, morabatur in monte qui vocatur Oliveti.
This passage has not yet been translated.
Et omnis populus manicabat ad eum in templo audire eum.
This passage has not yet been translated.