Leviticus · 24
Verses
⋯
Et locutus est Dominus ad Moysen, dicens :
This passage has not yet been translated.
Præcipe filiis Israël, ut afferant tibi oleum de olivis purissimum, ac lucidum, ad concinnandas lucernas jugiter,
This passage has not yet been translated.
extra velum testimonii in tabernaculo fœderis. Ponetque eas Aaron a vespere usque ad mane coram Domino, cultu rituque perpetuo in generationibus vestris.
This passage has not yet been translated.
Super candelabrum mundissimum ponentur semper in conspectu Domini.
This passage has not yet been translated.
Accipies quoque similam, et coques ex ea duodecim panes, qui singuli habebunt duas decimas :
This passage has not yet been translated.
quorum senos altrinsecus super mensam purissimam coram Domino statues :
This passage has not yet been translated.
et pones super eos thus lucidissimum, ut sit panis in monimentum oblationis Domini.
This passage has not yet been translated.
Per singula sabbata mutabuntur coram Domino suscepti a filiis Israël fœdere sempiterno :
This passage has not yet been translated.
eruntque Aaron et filiorum ejus, ut comedant eos in loco sancto : quia Sanctum sanctorum est de sacrificiis Domini jure perpetuo.
This passage has not yet been translated.
Ecce autem egressus filius mulieris Israëlitidis, quem pepererat de viro ægyptio inter filios Israël, jurgatus est in castris cum viro Israëlita.
This passage has not yet been translated.
Cumque blasphemasset nomen, et maledixisset ei, adductus est ad Moysen. (Vocabatur autem mater ejus Salumith, filia Dabri de tribu Dan.)
This passage has not yet been translated.
Miseruntque eum in carcerem, donec nossent quid juberet Dominus.
This passage has not yet been translated.
Qui locutus est ad Moysen,
This passage has not yet been translated.
dicens : Educ blasphemum extra castra, et ponant omnes qui audierunt, manus suas super caput ejus, et lapidet eum populus universus.
This passage has not yet been translated.
Et ad filios Israël loqueris : Homo, qui maledixerit Deo suo, portabit peccatum suum ;
This passage has not yet been translated.
et qui blasphemaverit nomen Domini, morte moriatur : lapidibus opprimet eum omnis multitudo, sive ille civis, sive peregrinus fuerit. Qui blasphemaverit nomen Domini, morte moriatur.
This passage has not yet been translated.
Qui percusserit, et occiderit hominem, morte moriatur.
This passage has not yet been translated.
Qui percusserit animal, reddet vicarium, id est, animam pro anima.
This passage has not yet been translated.
Qui irrogaverit maculam cuilibet civium suorum, sicut fecit, sic fiet ei :
This passage has not yet been translated.
fracturam pro fractura, oculum pro oculo, dentem pro dente restituet : qualem inflixerit maculam, talem sustinere cogetur.
This passage has not yet been translated.
Qui percusserit jumentum, reddet aliud. Qui percusserit hominem, punietur.
This passage has not yet been translated.
Æquum judicium sit inter vos, sive peregrinus, sive civis peccaverit : quia ego sum Dominus Deus vester.
This passage has not yet been translated.
Locutusque est Moyses ad filios Israël : et eduxerunt eum, qui blasphemaverat, extra castra, ac lapidibus oppresserunt. Feceruntque filii Israël sicut præceperat Dominus Moysi.
This passage has not yet been translated.