Numbers · 8
Verses
⋯
Locutusque est Dominus ad Moysen, dicens :
This passage has not yet been translated.
Loquere Aaron, et dices ad eum : Cum posueris septem lucernas, candelabrum in australi parte erigatur. Hoc igitur præcipe ut lucernæ contra boream e regione respiciant ad mensam panum propositionis, contra eam partem, quam candelabrum respicit, lucere debebunt.
This passage has not yet been translated.
Fecitque Aaron, et imposuit lucernas super candelabrum, ut præceperat Dominus Moysi.
This passage has not yet been translated.
Hæc autem erat factura candelabri, ex auro ductili, tam medius stipes, quam cuncta quæ ex utroque calamorum latere nascebantur : juxta exemplum quod ostendit Dominus Moysi, ita operatus est candelabrum.
This passage has not yet been translated.
Et locutus est Dominus ad Moysen, dicens :
This passage has not yet been translated.
Tolle Levitas de medio filiorum Israël, et purificabis eos
This passage has not yet been translated.
juxta hunc ritum : aspergantur aqua lustrationis, et radant omnes pilos carnis suæ. Cumque laverint vestimenta sua, et mundati fuerint,
This passage has not yet been translated.
tollent bovem de armentis, et libamentum ejus similam oleo conspersam : bovem autem alterum de armento tu accipies pro peccato :
This passage has not yet been translated.
et applicabis Levitas coram tabernaculo fœderis, convocata omni multitudine filiorum Israël.
This passage has not yet been translated.
Cumque Levitæ fuerint coram Domino, ponent filii Israël manus suas super eos.
This passage has not yet been translated.
Et offeret Aaron Levitas, munus in conspectu Domini a filiis Israël, ut serviant in ministerio ejus.
This passage has not yet been translated.
Levitæ quoque ponent manus suas super capita boum, e quibus unum facies pro peccato, et alterum in holocaustum Domini, ut depreceris pro eis.
This passage has not yet been translated.
Statuesque Levitas in conspectu Aaron et filiorum ejus, et consecrabis oblatos Domino,
This passage has not yet been translated.
ac separabis de medio filiorum Israël, ut sint mei.
This passage has not yet been translated.
Et postea ingredientur tabernaculum fœderis, ut serviant mihi. Sicque purificabis et consecrabis eos in oblationem Domini : quoniam dono donati sunt mihi a filiis Israël.
This passage has not yet been translated.
Pro primogenitis quæ aperiunt omnem vulvam in Israël, accepi eos.
This passage has not yet been translated.
Mea sunt enim omnia primogenita filiorum Israël, tam ex hominibus quam ex jumentis. Ex die quo percussi omne primogenitum in terra Ægypti, sanctificavi eos mihi :
This passage has not yet been translated.
et tuli Levitas pro cunctis primogenitis filiorum Israël,
This passage has not yet been translated.
tradidique eos dono Aaron et filiis ejus de medio populi, ut serviant mihi pro Israël in tabernaculo fœderis, et orent pro eis ne sit in populo plaga, si ausi fuerint accedere ad sanctuarium.
This passage has not yet been translated.
Feceruntque Moyses et Aaron et omnis multitudo filiorum Israël super Levitas quæ præceperat Dominus Moysi :
This passage has not yet been translated.
purificatique sunt, et laverunt vestimenta sua. Elevavitque eos Aaron in conspectu Domini, et oravit pro eis,
This passage has not yet been translated.
ut purificati ingrederentur ad officia sua in tabernaculum fœderis coram Aaron et filiis ejus. Sicut præceperat Dominus Moysi de Levitis, ita factum est.
This passage has not yet been translated.
Locutusque est Dominus ad Moysen, dicens :
This passage has not yet been translated.
Hæc est lex Levitarum : a viginti quinque annis et supra, ingredientur ut ministrent in tabernaculo fœderis.
This passage has not yet been translated.
Cumque quinquagesimum annum ætatis impleverint, servire cessabunt,
This passage has not yet been translated.
eruntque ministri fratrum suorum in tabernaculo fœderis, ut custodiant quæ sibi fuerunt commendata : opera autem ipsa non faciant. Sic dispones Levitis in custodiis suis.
This passage has not yet been translated.