Proverbs · 29
Verses
⋯
Viro qui corripientem dura cervice contemnit, repentinus ei superveniet interitus, et eum sanitas non sequetur.
This passage has not yet been translated.
In multiplicatione justorum lætabitur vulgus ; cum impii sumpserint principatum, gemet populus.
This passage has not yet been translated.
Vir qui amat sapientiam lætificat patrem suum ; qui autem nutrit scorta perdet substantiam.
This passage has not yet been translated.
Rex justus erigit terram ; vir avarus destruet eam.
This passage has not yet been translated.
Homo qui blandis fictisque sermonibus loquitur amico suo rete expandit gressibus ejus.
This passage has not yet been translated.
Peccantem virum iniquum involvet laqueus, et justus laudabit atque gaudebit.
This passage has not yet been translated.
Novit justus causam pauperum ; impius ignorat scientiam.
This passage has not yet been translated.
Homines pestilentes dissipant civitatem ; sapientes vero avertunt furorem.
This passage has not yet been translated.
Vir sapiens si cum stulto contenderit, sive irascatur, sive rideat, non inveniet requiem.
This passage has not yet been translated.
Viri sanguinum oderunt simplicem ; justi autem quærunt animam ejus.
This passage has not yet been translated.
Totum spiritum suum profert stultus ; sapiens differt, et reservat in posterum.
This passage has not yet been translated.
Princeps qui libenter audit verba mendacii, omnes ministros habet impios.
This passage has not yet been translated.
Pauper et creditor obviaverunt sibi : utriusque illuminator est Dominus.
This passage has not yet been translated.
Rex qui judicat in veritate pauperes, thronus ejus in æternum firmabitur.
This passage has not yet been translated.
Virga atque correptio tribuit sapientiam ; puer autem qui dimittitur voluntati suæ confundit matrem suam.
This passage has not yet been translated.
In multiplicatione impiorum multiplicabuntur scelera, et justi ruinas eorum videbunt.
This passage has not yet been translated.
Erudi filium tuum, et refrigerabit te, et dabit delicias animæ tuæ.
This passage has not yet been translated.
Cum prophetia defecerit, dissipabitur populus ; qui vero custodit legem beatus est.
This passage has not yet been translated.
Servus verbis non potest erudiri, quia quod dicis intelligit, et respondere contemnit.
This passage has not yet been translated.
Vidisti hominem velocem ad loquendum ? stultitia magis speranda est quam illius correptio.
This passage has not yet been translated.
Qui delicate a pueritia nutrit servum suum postea sentiet eum contumacem.
This passage has not yet been translated.
Vir iracundus provocat rixas, et qui ad indignandum facilis est erit ad peccandum proclivior.
This passage has not yet been translated.
Superbum sequitur humilitas, et humilem spiritu suscipiet gloria.
This passage has not yet been translated.
Qui cum fure participat odit animam suam ; adjurantem audit, et non indicat.
This passage has not yet been translated.
Qui timet hominem cito corruet ; qui sperat in Domino sublevabitur.
This passage has not yet been translated.
Multi requirunt faciem principis, et judicium a Domino egreditur singulorum.
This passage has not yet been translated.
Abominantur justi virum impium, et abominantur impii eos qui in recta sunt via. Verbum custodiens filius extra perditionem erit.
This passage has not yet been translated.