Wisdom · 3
Verses
⋯
Justorum autem animæ in manu Dei sunt, et non tanget illos tormentum mortis.
This passage has not yet been translated.
Visi sunt oculis insipientium mori, et æstimata est afflictio exitus illorum,
This passage has not yet been translated.
et quod a nobis est iter exterminium ; illi autem sunt in pace :
This passage has not yet been translated.
etsi coram hominibus tormenta passi sunt, spes illorum immortalitate plena est.
This passage has not yet been translated.
In paucis vexati sunt, in multis bene disponentur, quoniam Deus tentavit eos, et invenit illos dignos se.
This passage has not yet been translated.
Tamquam aurum in fornace probavit illos, et quasi holocausti hostiam accepit illos, et in tempore erit respectus illorum.
This passage has not yet been translated.
Fulgebunt justi et tamquam scintillæ in arundineto discurrent.
This passage has not yet been translated.
Judicabunt nationes, et dominabuntur populis, et regnabit Dominus illorum in perpetuum.
This passage has not yet been translated.
Qui confidunt in illo intelligent veritatem, et fideles in dilectione acquiescent illi, quoniam donum et pax est electis ejus.
This passage has not yet been translated.
Impii autem secundum quæ cogitaverunt correptionem habebunt : qui neglexerunt justum, et a Domino recesserunt.
This passage has not yet been translated.
Sapientiam enim et disciplinam qui abjicit infelix est : et vacua est spes illorum, et labores sine fructu, et inutilia opera eorum.
This passage has not yet been translated.
Mulieres eorum insensatæ sunt, et nequissimi filii eorum.
This passage has not yet been translated.
Maledicta creatura eorum, quoniam felix est sterilis ; et incoinquinata, quæ nescivit thorum in delicto, habebit fructum in respectione animarum sanctarum ;
This passage has not yet been translated.
et spado qui non operatus est per manus suas iniquitatem, nec cogitavit adversus Deum nequissima : dabitur enim illi fidei donum electum, et sors in templo Dei acceptissima.
This passage has not yet been translated.
Bonorum enim laborum gloriosus est fructus, et quæ non concidat radix sapientiæ.
This passage has not yet been translated.
Filii autem adulterorum in inconsummatione erunt, et ab iniquo thoro semen exterminabitur.
This passage has not yet been translated.
Et si quidem longæ vitæ erunt, in nihilum computabuntur, et sine honore erit novissima senectus illorum :
This passage has not yet been translated.
et si celerius defuncti fuerint, non habebunt spem, nec in die agnitionis allocutionem.
This passage has not yet been translated.
Nationis enim iniquæ diræ sunt consummationes.
This passage has not yet been translated.