Sirach · 34
Verses
⋯
Vana spes et mendacium viro insensato : et somnia extollunt imprudentes.
This passage has not yet been translated.
Quasi qui apprehendit umbram et persequitur ventum, sic et qui attendit ad visa mendacia.
This passage has not yet been translated.
Hoc secundum hoc visio somniorum, ante faciem hominis similitudo hominis.
This passage has not yet been translated.
Ab immundo, quid mundabitur ? et a mendace, quid verum dicetur ?
This passage has not yet been translated.
Divinatio erroris, et auguria mendacia, et somnia malefacientium, vanitas est :
This passage has not yet been translated.
et sicut parturientis, cor tuum phantasias patitur. Nisi ab Altissimo fuerit emissa visitatio, ne dederis in illis cor tuum :
This passage has not yet been translated.
multos enim errare fecerunt somnia, et exciderunt sperantes in illis.
This passage has not yet been translated.
Sine mendacio consummabitur verbum legis, et sapientia in ore fidelis complanabitur.
This passage has not yet been translated.
Qui non est tentatus quid scit ? vir in multis expertus cogitabit multa : et qui multa didicit enarrabit intellectum.
This passage has not yet been translated.
Qui non est expertus pauca recognoscit : qui autem in multis factus est, multiplicat malitiam.
This passage has not yet been translated.
Qui tentatus non est qualia scit ? qui implanatus est abundabit nequitia.
This passage has not yet been translated.
Multa vidi errando, et plurimas verborum consuetudines.
This passage has not yet been translated.
Aliquoties usque ad mortem periclitatus sum horum causa, et liberatus sum gratia Dei.
This passage has not yet been translated.
Spiritus timentium Deum quæritur, et in respectu illius benedicetur.
This passage has not yet been translated.
Spes enim illorum in salvantem illos, et oculi Dei in diligentes se.
This passage has not yet been translated.
Qui timet Dominum nihil trepidabit : et non pavebit, quoniam ipse est spes ejus.
This passage has not yet been translated.
Timentis Dominum, beata est anima ejus.
This passage has not yet been translated.
Ad quem respicit, et quis est fortitudo ejus ?
This passage has not yet been translated.
Oculi Domini super timentes eum : protector potentiæ, firmamentum virtutis, tegimen ardoris, et umbraculum meridiani :
This passage has not yet been translated.
deprecatio offensionis, et adjutorium casus : exaltans animam, et illuminans oculos, dans sanitatem, et vitam, et benedictionem.
This passage has not yet been translated.
Immolantis ex iniquo oblatio est maculata, et non sunt beneplacitæ subsannationes injustorum.
This passage has not yet been translated.
Dominus solus sustinentibus se in via veritatis et justitiæ.
This passage has not yet been translated.
Dona iniquorum non probat Altissimus, nec respicit in oblationes iniquorum, nec in multitudine sacrificiorum eorum propitiabitur peccatis.
This passage has not yet been translated.
Qui offert sacrificium ex substantia pauperum, quasi qui victimat filium in conspectu patris sui.
This passage has not yet been translated.
Panis egentium vita pauperum est : qui defraudat illum homo sanguinis est.
This passage has not yet been translated.
Qui aufert in sudore panem, quasi qui occidit proximum suum.
This passage has not yet been translated.
Qui effundit sanguinem, et qui fraudem facit mercenario, fratres sunt.
This passage has not yet been translated.
Unus ædificans, et unus destruens : quid prodest illis, nisi labor ?
This passage has not yet been translated.
Unus orans, et unus maledicens : cujus vocem exaudiet Deus ?
This passage has not yet been translated.
Qui baptizatur a mortuo, et iterum tangit eum, quid proficit lavatio illius ?
This passage has not yet been translated.
Sic homo qui jejunat in peccatis suis, et iterum eadem faciens : quid proficit humiliando se ? orationem illius quis exaudiet ?
This passage has not yet been translated.