Sirach · 39
Verses
⋯
Sapientiam omnium antiquorum exquiret sapiens, et in prophetis vacabit.
This passage has not yet been translated.
Narrationem virorum nominatorum conservabit, et in versutias parabolarum simul introibit.
This passage has not yet been translated.
Occulta proverbiorum exquiret, et in absconditis parabolarum conversabitur.
This passage has not yet been translated.
In medio magnatorum ministrabit, et in conspectu præsidis apparebit.
This passage has not yet been translated.
In terram alienigenarum gentium pertransiet : bona enim et mala in hominibus tentabit.
This passage has not yet been translated.
Cor suum tradet ad vigilandum diluculo ad Dominum, qui fecit illum, et in conspectu Altissimi deprecabitur.
This passage has not yet been translated.
Aperiet os suum in oratione, et pro delictis suis deprecabitur.
This passage has not yet been translated.
Si enim Dominus magnus voluerit, spiritu intelligentiæ replebit illum :
This passage has not yet been translated.
et ipse tamquam imbres mittet eloquia sapientiæ suæ, et in oratione confitebitur Domino :
This passage has not yet been translated.
et ipse diriget consilium ejus, et disciplinam, et in absconditis suis consiliabitur.
This passage has not yet been translated.
Ipse palam faciet disciplinam doctrinæ suæ, et in lege testamenti Domini gloriabitur.
This passage has not yet been translated.
Collaudabunt multi sapientiam ejus, et usque in sæculum non delebitur.
This passage has not yet been translated.
Non recedet memoria ejus, et nomen ejus requiretur a generatione in generationem.
This passage has not yet been translated.
Sapientiam ejus enarrabunt gentes, et laudem ejus enuntiabit ecclesia.
This passage has not yet been translated.
Si permanserit, nomen derelinquet plus quam mille : et si requieverit, proderit illi.
This passage has not yet been translated.
Adhuc consiliabor ut enarrem : ut furore enim repletus sum.
This passage has not yet been translated.
In voce dicit : Obaudite me, divini fructus, et quasi rosa plantata super rivos aquarum fructificate.
This passage has not yet been translated.
Quasi Libanus odorem suavitatis habete.
This passage has not yet been translated.
Florete flores quasi lilium : et date odorem, et frondete in gratiam : et collaudate canticum, et benedicite Dominum in operibus suis.
This passage has not yet been translated.
Date nomini ejus magnificentiam, et confitemini illi in voce labiorum vestrorum, et in canticis labiorum, et citharis : et sic dicetis in confessione :
This passage has not yet been translated.
Opera Domini universa bona valde.
This passage has not yet been translated.
In verbo ejus stetit aqua sicut congeries : et in sermone oris illius sicut exceptoria aquarum :
This passage has not yet been translated.
quoniam in præcepto ipsius placor fit, et non est minoratio in salute ipsius.
This passage has not yet been translated.
Opera omnis carnis coram illo, et non est quidquam absconditum ab oculis ejus.
This passage has not yet been translated.
A sæculo usque in sæculum respicit, et nihil est mirabile in conspectu ejus.
This passage has not yet been translated.
Non est dicere : Quid est hoc, aut quid est istud ? omnia enim in tempore suo quærentur.
This passage has not yet been translated.
Benedictio illius quasi fluvius inundavit.
This passage has not yet been translated.
Quomodo cataclysmus aridam inebriavit, sic ira ipsius gentes quæ non exquisierunt eum hæreditabit.
This passage has not yet been translated.
Quomodo convertit aquas in siccitatem, et siccata est terra, et viæ illius viis illorum directæ sunt, sic peccatoribus offensiones in ira ejus.
This passage has not yet been translated.
Bona bonis creata sunt ab initio : sic nequissimis bona et mala.
This passage has not yet been translated.
Initium necessariæ rei vitæ hominum, aqua, ignis, et ferrum, sal, lac, et panis similagineus, et mel, et botrus uvæ, et oleum, et vestimentum.
This passage has not yet been translated.
Hæc omnia sanctis in bona, sic et impiis et peccatoribus in mala convertentur.
This passage has not yet been translated.
Sunt spiritus qui ad vindictam creati sunt, et in furore suo confirmaverunt tormenta sua.
This passage has not yet been translated.
In tempore consummationis effundent virtutem, et furorem ejus qui fecit illos placabunt.
This passage has not yet been translated.
Ignis, grando, fames, et mors, omnia hæc ad vindictam creata sunt :
This passage has not yet been translated.
bestiarum dentes, et scorpii, et serpentes, et rhomphæa vindicans in exterminium impios.
This passage has not yet been translated.
In mandatis ejus epulabuntur : et super terram in necessitatem præparabuntur, et in temporibus suis non præterient verbum.
This passage has not yet been translated.
Propterea ab initio confirmatus sum, et consiliatus sum, et cogitavi, et scripta dimisi.
This passage has not yet been translated.
Omnia opera Domini bona, et omne opus hora sua subministrabit.
This passage has not yet been translated.
Non est dicere : Hoc illo nequius est : omnia enim in tempore suo comprobabuntur.
This passage has not yet been translated.
Et nunc in omni corde et ore collaudate, et benedicite nomen Domini.
This passage has not yet been translated.