Sirach · 43
Verses
⋯
Altitudinis firmamentum pulchritudo ejus est, species cæli in visione gloriæ.
This passage has not yet been translated.
Sol in aspectu annuntians in exitu, vas admirabile, opus Excelsi.
This passage has not yet been translated.
In meridiano exurit terram, et in conspectu ardoris ejus quis poterit sustinere ? fornacem custodiens in operibus ardoris :
This passage has not yet been translated.
tripliciter sol exurens montes, radios igneos exsufflans, et refulgens radiis suis obcæcat oculos.
This passage has not yet been translated.
Magnus Dominus qui fecit illum, et in sermonibus ejus festinavit iter.
This passage has not yet been translated.
Et luna in omnibus in tempore suo, ostensio temporis, et signum ævi.
This passage has not yet been translated.
A luna signum diei festi : luminare quod minuitur in consummatione.
This passage has not yet been translated.
Mensis secundum nomen ejus est, crescens mirabiliter in consummatione.
This passage has not yet been translated.
Vas castrorum in excelsis, in firmamento cæli resplendens gloriose.
This passage has not yet been translated.
Species cæli gloria stellarum : mundum illuminans in excelsis Dominus.
This passage has not yet been translated.
In verbis Sancti stabunt ad judicium, et non deficient in vigiliis suis.
This passage has not yet been translated.
Vide arcum, et benedic eum qui fecit illum : valde speciosus est in splendore suo.
This passage has not yet been translated.
Gyravit cælum in circuitu gloriæ suæ : manus Excelsi aperuerunt illum.
This passage has not yet been translated.
Imperio suo acceleravit nivem, et accelerat coruscationes emittere judicii sui.
This passage has not yet been translated.
Propterea aperti sunt thesauri, et evolaverunt nebulæ sicut aves.
This passage has not yet been translated.
In magnitudine sua posuit nubes, et confracti sunt lapides grandinis.
This passage has not yet been translated.
In conspectu ejus commovebuntur montes, et in voluntate ejus aspirabit notus.
This passage has not yet been translated.
Vox tonitrui ejus verberavit terram, tempestas aquilonis, et congregatio spiritus :
This passage has not yet been translated.
et sicut avis deponens ad sedendum, aspergit nivem, et sicut locusta demergens descensus ejus.
This passage has not yet been translated.
Pulchritudinem candoris ejus admirabitur oculus, et super imbrem ejus expavescet cor.
This passage has not yet been translated.
Gelu sicut salem effundet super terram : et dum gelaverit, fiet tamquam cacumina tribuli.
This passage has not yet been translated.
Frigidus ventus aquilo flavit, et gelavit crystallus ab aqua : super omnem congregationem aquarum requiescet, et sicut lorica induet se aquis :
This passage has not yet been translated.
et devorabit montes, et exuret desertum, et extinguet viride, sicut igne.
This passage has not yet been translated.
Medicina omnium in festinatione nebulæ : et ros obvians ab ardore venienti humilem efficiet eum.
This passage has not yet been translated.
In sermone ejus siluit ventus, et cogitatione sua placavit abyssum : et plantavit in illa Dominus insulas.
This passage has not yet been translated.
Qui navigant mare enarrent pericula ejus, et audientes auribus nostris admirabimur.
This passage has not yet been translated.
Illic præclara opera et mirabilia, varia bestiarum genera, et omnium pecorum, et creatura belluarum.
This passage has not yet been translated.
Propter ipsum confirmatus est itineris finis, et in sermone ejus composita sunt omnia.
This passage has not yet been translated.
Multa dicemus, et deficiemus in verbis : consummatio autem sermonum ipse est in omnibus.
This passage has not yet been translated.
Gloriantes ad quid valebimus ? ipse enim omnipotens super omnia opera sua.
This passage has not yet been translated.
Terribilis Dominus, et magnus vehementer, et mirabilis potentia ipsius.
This passage has not yet been translated.
Glorificantes Dominum quantumcumque potueritis, supervalebit enim adhuc : et admirabilis magnificentia ejus.
This passage has not yet been translated.
Benedicentes Dominum, exaltate illum quantum potestis : major enim est omni laude.
This passage has not yet been translated.
Exaltantes eum, replemini virtute, ne laboretis, non enim comprehendetis.
This passage has not yet been translated.
Quis videbit eum et enarrabit ? et quis magnificabit eum sicut est ab initio ?
This passage has not yet been translated.
Multa abscondita sunt majora his : pauca enim vidimus operum ejus.
This passage has not yet been translated.
Omnia autem Dominus fecit, et pie agentibus dedit sapientiam.
This passage has not yet been translated.