Sirach · 45
Verses
⋯
Dilectus Deo et hominibus Moyses, cujus memoria in benedictione est.
This passage has not yet been translated.
Similem illum fecit in gloria sanctorum, et magnificavit eum in timore inimicorum, et in verbis suis monstra placavit.
This passage has not yet been translated.
Glorificavit illum in conspectu regum, et jussit illi coram populo suo, et ostendit illi gloriam suam.
This passage has not yet been translated.
In fide et lenitate ipsius sanctum fecit illum, et elegit eum ex omni carne.
This passage has not yet been translated.
Audivit enim eum, et vocem ipsius, et induxit illum in nubem.
This passage has not yet been translated.
Et dedit illi coram præcepta, et legem vitæ et disciplinæ, docere Jacob testamentum suum, et judicia sua Israël.
This passage has not yet been translated.
Excelsum fecit Aaron fratrem ejus, et similem sibi, de tribu Levi.
This passage has not yet been translated.
Statuit ei testamentum æternum, et dedit illi sacerdotium gentis, et beatificavit illum in gloria :
This passage has not yet been translated.
et circumcinxit eum zona gloriæ, et induit eum stolam gloriæ, et coronavit eum in vasis virtutis.
This passage has not yet been translated.
Circumpedes, et femoralia, et humerale posuit ei : et cinxit illum tintinnabulis aureis plurimis in gyro :
This passage has not yet been translated.
dare sonitum in incessu suo, auditum facere sonitum in templo in memoriam filiis gentis suæ.
This passage has not yet been translated.
Stolam sanctam auro, et hyacintho, et purpura, opus textile viri sapientis, judicio et veritate præditi :
This passage has not yet been translated.
torto cocco opus artificis gemmis pretiosis figuratis in ligatura auri, et opere lapidarii sculptis, in memoriam secundum numerum tribuum Israël.
This passage has not yet been translated.
Corona aurea super mitram ejus expressa signo sanctitatis, et gloria honoris : opus virtutis, et desideria oculorum ornata.
This passage has not yet been translated.
Sic pulchra ante ipsum non fuerunt talia usque ad originem.
This passage has not yet been translated.
Non est indutus illa alienigena aliquis, sed tantum filii ipsius soli, et nepotes ejus per omne tempus.
This passage has not yet been translated.
Sacrificia ipsius consumpta sunt igne quotidie.
This passage has not yet been translated.
Complevit Moyses manus ejus, et unxit illum oleo sancto.
This passage has not yet been translated.
Factum est illi in testamentum æternum, et semini ejus, sicut dies cæli, fungi sacerdotio, et habere laudem, et glorificare populum suum in nomine ejus.
This passage has not yet been translated.
Ipsum elegit ab omni vivente, offerre sacrificium Deo, incensum, et bonum odorem, in memoriam placare pro populo suo :
This passage has not yet been translated.
et dedit illi in præceptis suis potestatem, in testamentis judiciorum : docere Jacob testimonia, et in lege sua lucem dare Israël.
This passage has not yet been translated.
Quia contra illum steterunt alieni, et propter invidiam circumdederunt illum homines in deserto, qui erant cum Dathan et Abiron, et congregatio Core in iracundia.
This passage has not yet been translated.
Vidit Dominus Deus, et non placuit illi, et consumpti sunt in impetu iracundiæ.
This passage has not yet been translated.
Fecit illis monstra, et consumpsit illos in flamma ignis.
This passage has not yet been translated.
Et addidit Aaron gloriam, et dedit illi hæreditatem, et primitias frugum terræ divisit illi.
This passage has not yet been translated.
Panem ipsis in primis paravit in satietatem : nam et sacrificia Domini edent, quæ dedit illi et semini ejus.
This passage has not yet been translated.
Ceterum in terra gentes non hæreditabit, et pars non est illi in gente : ipse est enim pars ejus, et hæreditas.
This passage has not yet been translated.
Phinees, filius Eleazari, tertius in gloria est, imitando eum in timore Domini,
This passage has not yet been translated.
et stare in reverentia gentis : in bonitate et alacritate animæ suæ placuit Deo pro Israël.
This passage has not yet been translated.
Ideo statuit illi testamentum pacis, principem sanctorum et gentis suæ, ut sit illi et semini ejus sacerdotii dignitas in æternum.
This passage has not yet been translated.
Et testamentum David regi filio Jesse de tribu Juda, hæreditas ipsi et semini ejus : ut daret sapientiam in cor nostrum, judicare gentem suam in justitia, ne abolerentur bona ipsorum : et gloriam ipsorum in gentem eorum æternam fecit.
This passage has not yet been translated.