Sirach · 46
Verses
⋯
Fortis in bello Jesus Nave, successor Moysi in prophetis, qui fuit magnus secundum nomen suum,
This passage has not yet been translated.
maximus in salutem electorum Dei, expugnare insurgentes hostes, ut consequeretur hæreditatem Israël.
This passage has not yet been translated.
Quam gloriam adeptus est in tollendo manus suas, et jactando contra civitates rhomphæas !
This passage has not yet been translated.
Quis ante illum sic restitit ? nam hostes ipse Dominus perduxit.
This passage has not yet been translated.
An non in iracundia ejus impeditus est sol, et una dies facta est quasi duo ?
This passage has not yet been translated.
Invocavit Altissimum potentem, in oppugnando inimicos undique : et audivit illum magnus et sanctus Deus, in saxis grandinis virtutis valde fortis.
This passage has not yet been translated.
Impetum fecit contra gentem hostilem, et in descensu perdidit contrarios :
This passage has not yet been translated.
ut cognoscant gentes potentiam ejus, quia contra Deum pugnare non est facile. Et secutus est a tergo potentis :
This passage has not yet been translated.
et in diebus Moysi misericordiam fecit, ipse, et Caleb filius Jephone, stare contra hostem, et prohibere gentem a peccatis, et perfringere murmur malitiæ.
This passage has not yet been translated.
Et ipsi duo constituti a periculo liberati sunt a numero sexcentorum millium peditum, inducere illos in hæreditatem, in terram quæ manat lac et mel.
This passage has not yet been translated.
Et dedit Dominus ipsi Caleb fortitudinem, et usque in senectutem permansit illi virtus, ut ascenderet in excelsum terræ locum, et semen ipsius obtinuit hæreditatem,
This passage has not yet been translated.
ut viderent omnes filii Israël quia bonum est obsequi sancto Deo.
This passage has not yet been translated.
Et judices singuli suo nomine, quorum non est corruptum cor, qui non aversi sunt a Domino,
This passage has not yet been translated.
ut sit memoria illorum in benedictione, et ossa eorum pullulent de loco suo :
This passage has not yet been translated.
et nomen eorum permaneat in æternum, permanens ad filios illorum, sanctorum virorum gloria.
This passage has not yet been translated.
Dilectus a Domino Deo suo Samuel, propheta Domini, renovavit imperium, et unxit principes in gente sua.
This passage has not yet been translated.
In lege Domini congregationem judicavit, et vidit Deus Jacob : et in fide sua probatus est propheta,
This passage has not yet been translated.
et cognitus est in verbis suis fidelis, quia vidit Deum lucis.
This passage has not yet been translated.
Et invocavit Dominum omnipotentem, in oppugnando hostes circumstantes undique, in oblatione agni inviolati.
This passage has not yet been translated.
Et intonuit de cælo Dominus, et in sonitu magno auditam fecit vocem suam :
This passage has not yet been translated.
et contrivit principes Tyriorum, et omnes duces Philisthiim :
This passage has not yet been translated.
et ante tempus finis vitæ suæ et sæculi, testimonium præbuit in conspectu Domini et christi : pecunias et usque ad calceamenta ab omni carne non accepit, et non accusavit illum homo.
This passage has not yet been translated.
Et post hoc dormivit : et notum fecit regi, et ostendit illi finem vitæ suæ : et exaltavit vocem suam de terra in prophetia, delere impietatem gentis.
This passage has not yet been translated.