Tobit · 14
Verses
⋯
Et consummati sunt sermones Tobiæ. Et postquam illuminatus est Tobias, vixit annis quadraginta duobus, et vidit filios nepotum suorum.
This passage has not yet been translated.
Completis itaque annis centum duobus, sepultus est honorifice in Ninive.
This passage has not yet been translated.
Quinquaginta namque et sex annorum lumen oculorum amisit, sexagenarius vero recepit.
This passage has not yet been translated.
Reliquum vero vitæ suæ in gaudio fuit, et cum bono profectu timoris Dei perrexit in pace.
This passage has not yet been translated.
In hora autem mortis suæ vocavit ad se Tobiam filium suum, et septem juvenes filios ejus nepotes suos, dixitque eis :
This passage has not yet been translated.
Prope erit interitus Ninive : non enim excidit verbum Domini : et fratres nostri, qui dispersi sunt a terra Israël, revertentur ad eam.
This passage has not yet been translated.
Omnis autem deserta terra ejus replebitur, et domus Dei, quæ in ea incensa est, iterum reædificabitur : ibique revertentur omnes timentes Deum,
This passage has not yet been translated.
et relinquent gentes idola sua, et venient in Jerusalem, et inhabitabunt in ea :
This passage has not yet been translated.
et gaudebunt in ea omnes reges terræ, adorantes regem Israël.
This passage has not yet been translated.
Audite ergo, filii mei, patrem vestrum : servite Domino in veritate, et inquirite ut faciatis quæ placita sunt illi :
This passage has not yet been translated.
et filiis vestris mandate ut faciant justitias et eleemosynas, ut sint memores Dei, et benedicant eum in omni tempore in veritate, et in tota virtute sua.
This passage has not yet been translated.
Nunc ergo filii, audite me, et nolite manere hic : sed quacumque die sepelieritis matrem vestram circa me in uno sepulchro, ex eo dirigite gressus vestros ut exeatis hinc :
This passage has not yet been translated.
video enim quia iniquitas ejus finem dabit ei.
This passage has not yet been translated.
Factum est autem post obitum matris suæ, Tobias abscessit ex Ninive cum uxore sua, et filiis, et filiorum filiis, et reversus est ad soceros suos :
This passage has not yet been translated.
invenitque eos incolumes in senectute bona : et curam eorum gessit, et ipse clausit oculos eorum : et omnem hæreditatem domus Raguelis ipse percepit : viditque quintam generationem, filios filiorum suorum.
This passage has not yet been translated.
Et completis annis nonaginta novem in timore Domini, cum gaudio sepelierunt eum.
This passage has not yet been translated.
Omnis autem cognatio ejus et omnis generatio ejus in bona vita et in sancta conversatione permansit, ita ut accepti essent tam Deo quam hominibus, et cunctis habitantibus in terra.
This passage has not yet been translated.