Tobit · 8
Verses
⋯
Postquam vero cœnaverunt, introduxerunt juvenem ad eam.
This passage has not yet been translated.
Recordatus itaque Tobias sermonum angeli, protulit de cassidili suo partem jecoris, posuitque eam super carbones vivos.
This passage has not yet been translated.
Tunc Raphaël angelus apprehendit dæmonium, et religavit illud in deserto superioris Ægypti.
This passage has not yet been translated.
Tunc hortatus est virginem Tobias, dixitque ei : Sara, exsurge, et deprecemur Deum hodie, et cras, et secundum cras : quia his tribus noctibus Deo jungimur ; tertia autem transacta nocte, in nostro erimus conjugio.
This passage has not yet been translated.
Filii quippe sanctorum sumus, et non possumus ita conjungi sicut gentes quæ ignorant Deum.
This passage has not yet been translated.
Surgentes autem pariter, instanter orabant ambo simul, ut sanitas daretur eis.
This passage has not yet been translated.
Dixitque Tobias : Domine Deus patrum nostrorum, benedicant te cæli et terræ, mareque et fontes, et flumina, et omnes creaturæ tuæ quæ in eis sunt.
This passage has not yet been translated.
Tu fecisti Adam de limo terræ, dedistique ei adjutorium Hevam.
This passage has not yet been translated.
Et nunc Domine, tu scis quia non luxuriæ causa accipio sororem meam conjugem, sed sola posteritatis dilectione, in qua benedicatur nomen tuum in sæcula sæculorum.
This passage has not yet been translated.
Dixit quoque Sara : Miserere nobis Domine, miserere nobis, et consenescamus ambo pariter sani.
This passage has not yet been translated.
Et factum est circa pullorum cantum, accersiri jussit Raguel servos suos, et abierunt cum eo pariter ut foderent sepulchrum.
This passage has not yet been translated.
Dicebat enim : Ne forte simili modo evenerit ei, quo et ceteris illis septem viris qui sunt ingressi ad eam.
This passage has not yet been translated.
Cumque parassent fossam, reversus Raguel ad uxorem suam, dixit ei :
This passage has not yet been translated.
Mitte unam de ancillis tuis, et videat si mortuus est, ut sepeliam eum antequam illucescat dies.
This passage has not yet been translated.
At illa misit unam ex ancillis suis. Quæ ingressa cubiculum, reperit eos salvos et incolumes, secum pariter dormientes.
This passage has not yet been translated.
Et reversa nuntiavit bonum nuntium : et benedixerunt Dominum, Raguel videlicet et Anna uxor ejus,
This passage has not yet been translated.
et dixerunt : Benedicimus te, Domine Deus Israël, quia non contigit quemadmodum putabamus.
This passage has not yet been translated.
Fecisti enim nobiscum misericordiam tuam, et exclusisti a nobis inimicum persequentem nos.
This passage has not yet been translated.
Misertus es autem duobus unicis. Fac eos, Domine, plenius benedicere te, et sacrificium tibi laudis tuæ et suæ sanitatis offerre, ut cognoscat universitas gentium quia tu es Deus solus in universa terra.
This passage has not yet been translated.
Statimque præcepit servis suis Raguel ut replerent fossam quam fecerant priusquam elucesceret.
This passage has not yet been translated.
Uxori autem suæ dixit ut instrueret convivium, et præpararet omnia quæ in cibos erant iter agentibus necessaria.
This passage has not yet been translated.
Duas quoque pingues vaccas, et quatuor arietes, occidi fecit, et parari epulas omnibus vicinis suis, cunctisque amicis.
This passage has not yet been translated.
Et adjuravit Raguel Tobiam ut duas hebdomadas moraretur apud se.
This passage has not yet been translated.
De omnibus autem quæ possidebat Raguel, dimidiam partem dedit Tobiæ, et fecit scripturam, ut pars dimidia quæ supererat, post obitum eorum Tobiæ dominio deveniret.
This passage has not yet been translated.