Introitus Commune: Sanctæ Mariæ Sabbato

Salve, sancta parens, eníxa puérpera Regem: qui cælum terrámque regit in sǽcula sæculórum. Eructávit cor meum verbum bonum: dico ego ópera mea Regi. Gloria Patri, et Filio, et Spiritui Sancto. Sicut erat in principio, et nunc, et semper, et in saecula saeculorum. Amen.

—

Oratio (Kollekte) Commune: Sanctæ Mariæ Sabbato

Concéde nos fámulos tuos, quǽsumus, Dómine Deus, perpétua mentis et córporis sanitáte gaudére: et, gloriósa beátæ Maríæ semper Vírginis intercessióne, a præsénti liberári tristítia, et ætérna pérfrui lætítia.

—

Oratio (Kollekte) — S. Valentini Presbyteri et Martyris Kommemoration

Præsta, quǽsumus, omnípotens Deus: ut, qui beáti Valentíni Mártyris tui natalítia cólimus, a cunctis malis imminéntibus, ejus intercessióne, liberémur.

Grant, we beseech You, almighty God, that we who celebrate the anniversary of the death of Your holy Martyr, Valentine, may by his intercession be delivered from all evils that threaten us.

Lesung (Lectio / Epistola) Commune: Sanctæ Mariæ Sabbato

Léctio libri Sapiéntiæ Ab inítio et ante sǽcula creáta sum, et usque ad futúrum sǽculum non désinam, et in habitatióne sancta coram ipso ministrávi. Et sic in Sion firmáta sum, et in civitáte sanctificáta simíliter requiévi, et in Jerúsalem potéstas mea. Et radicávi in pópulo honorificáto, et in parte Dei mei heréditas illíus, et in plenitúdine sanctórum deténtio mea.

—

Graduale / Alleluia Commune: Sanctæ Mariæ Sabbato

Allelúja, allelúja. ℣. Virga Jesse flóruit: Virgo Deum et hóminem génuit: pacem Deus réddidit, in se reconcílians ima summis. Allelúja. Ave, María, grátia plena; Dóminus tecum: benedícta tu in muliéribus. Allelúja.

—

Tractus Commune: Sanctæ Mariæ Sabbato

Benedícta et venerábilis es, Virgo María: quæ sine tactu pudóris invénia es Mater Salvatóris. ℣. Virgo, Dei Génetrix, quem totus non capit orbis, in tua se clausit víscera factus homo. Gaude, María Virgo, cunctas hǽreses sola interemísti. ℣. Quæ Gabriélis Archángeli dictis credidísti. ℣. Dum Virgo Deum et hóminem genuísti: et post partum, Virgo, invioláta permansísti. ℣. Dei Génetrix, intercéde pro nobis.

—

Evangelium Commune: Sanctæ Mariæ Sabbato

In illo témpore: Loquénte Jesu ad turbas, extóllens vocem quædam múlier de turba, dixit illi: Beátus venter, qui te portávit, et úbera, quæ suxísti. At ille dixit: Quinímmo beáti, qui áudiunt verbum Dei, et custódiunt illud.

—

Offertorium Commune: Sanctæ Mariæ Sabbato

Ave, María, grátia plena; Dóminus tecum: benedícta tu in muliéribus, et benedíctus fructus ventris tui. (Allelúja.)

—

Secreta (Stillgebet) Commune: Sanctæ Mariæ Sabbato

Tua, Dómine, propitiatióne, et beátæ Maríæ semper Vírginis intercessióne, ad perpétuam atque præséntem hæc oblátio nobis profíciat prosperitátem et pacem.

—

Secreta (Stillgebet) — S. Valentini Presbyteri et Martyris Kommemoration

Súscipe, quǽsumus, Dómine, múnera dignánter obláta: et, beáti Valentini Mártyris tui suffragántibus méritis, ad nostræ salútis auxílium proveníre concéde.

Graciously accept, O Lord, we beseech You, the gifts we reverently offer, and through the intercessory merits of St. Valentine, Your Martyr, grant that they may prove helpful for our salvation.

Communio Commune: Sanctæ Mariæ Sabbato

Beáta víscera Maríæ Vírginis, quæ portavérunt ætérni Patris Fílium. (Allelúja.)

—

Postcommunio Commune: Sanctæ Mariæ Sabbato

Sumptis, Dómine, salútis nostræ subsídiis: da, quǽsumus, beátæ Maríæ semper Vírginis patrocíniis nos ubíque prótegi; in cujus veneratióne hæc tuæ obtúlimus majestáti.

—

Postcommunio — S. Valentini Presbyteri et Martyris Kommemoration

Sit nobis, Dómine, reparátio mentis et córporis cœléste mystérium: ut, cujus exséquimur actiónem, intercedénte beáto Valentíno Mártyre tuo, sentiámus efféctum.

May the heavenly sacrament, O Lord, renew our souls and minds, so that by the intercession of Your blessed Martyr Valentine we may feel the benefit of the worship we perform.