Samstagsamt zur allerseligsten Jungfrau Maria
Sanctæ Mariæ Sabbato
Kommemoration: Ss. Martyrum Machabæorum
Introitus Commune: Sanctæ Mariæ Sabbato
Salve, sancta parens, eníxa puérpera Regem: qui cælum terrámque regit in sǽcula sæculórum. Eructávit cor meum verbum bonum: dico ego ópera mea Regi. Gloria Patri, et Filio, et Spiritui Sancto. Sicut erat in principio, et nunc, et semper, et in saecula saeculorum. Amen.
—
Oratio (Kollekte) Commune: Sanctæ Mariæ Sabbato
Concéde nos fámulos tuos, quǽsumus, Dómine Deus, perpétua mentis et córporis sanitáte gaudére: et, gloriósa beátæ Maríæ semper Vírginis intercessióne, a præsénti liberári tristítia, et ætérna pérfrui lætítia.
—
Oratio (Kollekte) — Ss. Martyrum Machabæorum Kommemoration
Fratérna nos, Dómine, Mártyrum tuórum coróna lætíficet: quæ et fídei nostræ præbeat increménta virtútum; et multíplici nos suffrágio consolétur.
May the brotherly crown of Your Martyrs, O Lord, give us joy and may it afford to our faith an increase of virtues and console us with many prayers.
Lesung (Lectio / Epistola) Commune: Sanctæ Mariæ Sabbato
Léctio libri Sapiéntiæ Ab inítio et ante sǽcula creáta sum, et usque ad futúrum sǽculum non désinam, et in habitatióne sancta coram ipso ministrávi. Et sic in Sion firmáta sum, et in civitáte sanctificáta simíliter requiévi, et in Jerúsalem potéstas mea. Et radicávi in pópulo honorificáto, et in parte Dei mei heréditas illíus, et in plenitúdine sanctórum deténtio mea.
—
Graduale / Alleluia Commune: Sanctæ Mariæ Sabbato
Allelúja, allelúja. ℣. Virga Jesse flóruit: Virgo Deum et hóminem génuit: pacem Deus réddidit, in se reconcílians ima summis. Allelúja. Ave, María, grátia plena; Dóminus tecum: benedícta tu in muliéribus. Allelúja.
—
Evangelium Commune: Sanctæ Mariæ Sabbato
In illo témpore: Loquénte Jesu ad turbas, extóllens vocem quædam múlier de turba, dixit illi: Beátus venter, qui te portávit, et úbera, quæ suxísti. At ille dixit: Quinímmo beáti, qui áudiunt verbum Dei, et custódiunt illud.
—
Offertorium Commune: Sanctæ Mariæ Sabbato
Ave, María, grátia plena; Dóminus tecum: benedícta tu in muliéribus, et benedíctus fructus ventris tui. (Allelúja.)
—
Secreta (Stillgebet) Commune: Sanctæ Mariæ Sabbato
Tua, Dómine, propitiatióne, et beátæ Maríæ semper Vírginis intercessióne, ad perpétuam atque præséntem hæc oblátio nobis profíciat prosperitátem et pacem.
—
Secreta (Stillgebet) — Ss. Martyrum Machabæorum Kommemoration
Mystéria tua, Dómine, pro sanctórum Mártyrum tuórum honóre, devóta mente tractémus: quibus et præsídium nobis crescat et gáudium.
May we perform with pious mind the sacramental rite, O Lord, in honor of Your holy Martyrs, and by them may both protection and joy increase for us.
Communio Commune: Sanctæ Mariæ Sabbato
Beáta víscera Maríæ Vírginis, quæ portavérunt ætérni Patris Fílium. (Allelúja.)
—
Postcommunio Commune: Sanctæ Mariæ Sabbato
Sumptis, Dómine, salútis nostræ subsídiis: da, quǽsumus, beátæ Maríæ semper Vírginis patrocíniis nos ubíque prótegi; in cujus veneratióne hæc tuæ obtúlimus majestáti.
—
Postcommunio — Ss. Martyrum Machabæorum Kommemoration
Præsta, quǽsumus, omnípotens Deus: ut, quorum memóriam sacraménti participatióne recólimus, fidem quoque proficiéndo sectémur.
Grant, we beseech You, almighty God, that we may follow more and more the faith of those whose memory we venerate in receiving the sacrament.