Psalms · 142
Verses
⋯
Psalmus David, quando persequebatur eum Absalom filius ejus. Domine, exaudi orationem meam ; auribus percipe obsecrationem meam in veritate tua ; exaudi me in tua justitia.
This passage has not yet been translated.
Et non intres in judicium cum servo tuo, quia non justificabitur in conspectu tuo omnis vivens.
This passage has not yet been translated.
Quia persecutus est inimicus animam meam ; humiliavit in terra vitam meam ; collocavit me in obscuris, sicut mortuos sæculi.
This passage has not yet been translated.
Et anxiatus est super me spiritus meus ; in me turbatum est cor meum.
This passage has not yet been translated.
Memor fui dierum antiquorum ; meditatus sum in omnibus operibus tuis : in factis manuum tuarum meditabar.
This passage has not yet been translated.
Expandi manus meas ad te ; anima mea sicut terra sine aqua tibi.
This passage has not yet been translated.
Velociter exaudi me, Domine ; defecit spiritus meus. Non avertas faciem tuam a me, et similis ero descendentibus in lacum.
This passage has not yet been translated.
Auditam fac mihi mane misericordiam tuam, quia in te speravi. Notam fac mihi viam in qua ambulem, quia ad te levavi animam meam.
This passage has not yet been translated.
Eripe me de inimicis meis, Domine : ad te confugi.
This passage has not yet been translated.
Doce me facere voluntatem tuam, quia Deus meus es tu. Spiritus tuus bonus deducet me in terram rectam.
This passage has not yet been translated.
Propter nomen tuum, Domine, vivificabis me : in æquitate tua, educes de tribulatione animam meam,
This passage has not yet been translated.
et in misericordia tua disperdes inimicos meos, et perdes omnes qui tribulant animam meam, quoniam ego servus tuus sum.
This passage has not yet been translated.