Psalms · 70
Verses
⋯
Psalmus David, filiorum Jonadab, et priorum captivorum. In te, Domine, speravi ; non confundar in æternum.
This passage has not yet been translated.
In justitia tua libera me, et eripe me : inclina ad me aurem tuam, et salva me.
This passage has not yet been translated.
Esto mihi in Deum protectorem, et in locum munitum, ut salvum me facias : quoniam firmamentum meum et refugium meum es tu.
This passage has not yet been translated.
Deus meus, eripe me de manu peccatoris, et de manu contra legem agentis, et iniqui :
This passage has not yet been translated.
quoniam tu es patientia mea, Domine ; Domine, spes mea a juventute mea.
This passage has not yet been translated.
In te confirmatus sum ex utero ; de ventre matris meæ tu es protector meus ; in te cantatio mea semper.
This passage has not yet been translated.
Tamquam prodigium factus sum multis ; et tu adjutor fortis.
This passage has not yet been translated.
Repleatur os meum laude, ut cantem gloriam tuam, tota die magnitudinem tuam.
This passage has not yet been translated.
Ne projicias me in tempore senectutis ; cum defecerit virtus mea, ne derelinquas me.
This passage has not yet been translated.
Quia dixerunt inimici mei mihi, et qui custodiebant animam meam consilium fecerunt in unum,
This passage has not yet been translated.
dicentes : Deus dereliquit eum : persequimini et comprehendite eum, quia non est qui eripiat.
This passage has not yet been translated.
Deus, ne elongeris a me ; Deus meus, in auxilium meum respice.
This passage has not yet been translated.
Confundantur et deficiant detrahentes animæ meæ ; operiantur confusione et pudore qui quærunt mala mihi.
This passage has not yet been translated.
Ego autem semper sperabo, et adjiciam super omnem laudem tuam.
This passage has not yet been translated.
Os meum annuntiabit justitiam tuam, tota die salutare tuum. Quoniam non cognovi litteraturam,
This passage has not yet been translated.
introibo in potentias Domini ; Domine, memorabor justitiæ tuæ solius.
This passage has not yet been translated.
Deus, docuisti me a juventute mea ; et usque nunc pronuntiabo mirabilia tua.
This passage has not yet been translated.
Et usque in senectam et senium, Deus, ne derelinquas me, donec annuntiem brachium tuum generationi omni quæ ventura est, potentiam tuam,
This passage has not yet been translated.
et justitiam tuam, Deus, usque in altissima ; quæ fecisti magnalia, Deus : quis similis tibi ?
This passage has not yet been translated.
Quantas ostendisti mihi tribulationes multas et malas ! et conversus vivificasti me, et de abyssis terræ iterum reduxisti me.
This passage has not yet been translated.
Multiplicasti magnificentiam tuam ; et conversus consolatus es me.
This passage has not yet been translated.
Nam et ego confitebor tibi in vasis psalmi veritatem tuam, Deus ; psallam tibi in cithara, sanctus Israël.
This passage has not yet been translated.
Exsultabunt labia mea cum cantavero tibi ; et anima mea quam redemisti.
This passage has not yet been translated.
Sed et lingua mea tota die meditabitur justitiam tuam, cum confusi et reveriti fuerint qui quærunt mala mihi.
This passage has not yet been translated.