1 Corinthians · 10
Verses
⋯
Nolo enim vos ignorare fratres, quoniam patres nostri omnes sub nube fuerunt, et omnes mare transierunt,
This passage has not yet been translated.
et omnes in Moyse baptizati sunt in nube, et in mari :
This passage has not yet been translated.
et omnes eamdem escam spiritalem manducaverunt,
This passage has not yet been translated.
et omnes eumdem potum spiritalem biberunt (bibebant autem de spiritali, consequente eos, petra : petra autem erat Christus) :
This passage has not yet been translated.
sed non in pluribus eorum beneplacitum est Deo : nam prostrati sunt in deserto.
This passage has not yet been translated.
Hæc autem in figura facta sunt nostri, ut non simus concupiscentes malorum, sicut et illi concupierunt.
This passage has not yet been translated.
Neque idololatræ efficiamini, sicut quidam ex ipsis : quemadmodum scriptum est : Sedit populus manducare, et bibere, et surrexerunt ludere.
This passage has not yet been translated.
Neque fornicemur, sicut quidam ex ipsis fornicati sunt, et ceciderunt una die viginti tria millia.
This passage has not yet been translated.
Neque tentemus Christum, sicut quidam eorum tentaverunt, et a serpentibus perierunt.
This passage has not yet been translated.
Neque murmuraveritis, sicut quidam eorum murmuraverunt, et perierunt ab exterminatore.
This passage has not yet been translated.
Hæc autem omnia in figura contingebant illis : scripta sunt autem ad correptionem nostram, in quos fines sæculorum devenerunt.
This passage has not yet been translated.
Itaque qui se existimat stare, videat ne cadat.
This passage has not yet been translated.
Tentatio vos non apprehendat nisi humana : fidelis autem Deus est, qui non patietur vos tentari supra id quod potestis, sed faciet etiam cum tentatione proventum ut possitis sustinere.
This passage has not yet been translated.
Propter quod, carissimi mihi, fugite ab idolorum cultura :
This passage has not yet been translated.
ut prudentibus loquor, vos ipsi judicate quod dico.
This passage has not yet been translated.
Calix benedictionis, cui benedicimus, nonne communicatio sanguinis Christi est ? et panis quem frangimus, nonne participatio corporis Domini est ?
This passage has not yet been translated.
Quoniam unus panis, unum corpus multi sumus, omnes qui de uno pane participamus.
This passage has not yet been translated.
Videte Israël secundum carnem : nonne qui edunt hostias, participes sunt altaris ?
This passage has not yet been translated.
Quid ergo ? dico quod idolis immolatum sit aliquid ? aut quod idolum, sit aliquid ?
This passage has not yet been translated.
Sed quæ immolant gentes, dæmoniis immolant, et non Deo. Nolo autem vos socios fieri dæmoniorum :
This passage has not yet been translated.
non potestis calicem Domini bibere, et calicem dæmoniorum ; non potestis mensæ Domini participes esse, et mensæ dæmoniorum.
This passage has not yet been translated.
An æmulamur Dominum ? numquid fortiores illo sumus ? Omnia mihi licent, sed non omnia expediunt.
This passage has not yet been translated.
Omnia mihi licent, sed non omnia ædificat.
This passage has not yet been translated.
Nemo quod suum est quærat, sed quod alterius.
This passage has not yet been translated.
Omne quod in macello venit, manducate, nihil interrogantes propter conscientiam.
This passage has not yet been translated.
Domini est terra, et plenitudo ejus.
This passage has not yet been translated.
Si quis vocat vos infidelium, et vultis ire : omne quod vobis apponitur, manducate, nihil interrogantes propter conscientiam.
This passage has not yet been translated.
Si quis autem dixerit : Hoc immolatum est idolis : nolite manducare propter illum qui indicavit, et propter conscientiam :
This passage has not yet been translated.
conscientiam autem dico non tuam, sed alterius. Ut quid enim libertas mea judicatur ab aliena conscientia ?
This passage has not yet been translated.
Si ego cum gratia participo, quid blasphemor pro eo quod gratias ago ?
This passage has not yet been translated.
Sive ergo manducatis, sive bibitis, sive aliud quid facitis : omnia in gloriam Dei facite.
This passage has not yet been translated.
Sine offensione estote Judæis, et gentibus, et ecclesiæ Dei :
This passage has not yet been translated.
sicut et ego per omnia omnibus placeo, non quærens quod mihi utile est, sed quod multis : ut salvi fiant.
This passage has not yet been translated.